50 УРОКИ
Сар ащи те овел тут щастливо семейство? (2 част)
О чшаве си подаръки таро Йехова. Ов мангел о дада тай о дая те дикхен шукар пе чшавен. За те помагинел ленге, о Йехова дел лен лачше съвекя. Лескере съвекя помагинен е чшавенге-да те ахальовен со требе те керен, за те овел щастливо ленгоро семейство.
1. Саве съвекя дел о Йехова е даден тай е дайен?
О Йехова мангел о дада тай о дая те дехен пе чшавен тай те овен кизом ащи по-бут време ленца. Ов също мангел лендар те пазинен пе чшавен таро кханилипе тай те възпитинен лен според о съвекя тари Библия. (Притчи 1:8) Ов пхенел е даденге: „Барярен [тумаре чшавен] ... като помагинен ленге те мислинен, сарто мислинел [о Йехова].“ (Четине Ефесяни 6:4.) Е Йеховас иси бари радост, кана дикхел, кай о дада тай о дая възпитинен пе чшавен, сарто мангел ов, тай на мукен декхой авер те възпитинел лен.
2. Саве съвекя дел о Йехова е чшавен?
О Йехова пхенел е чшавенге: „Шунен ... тумаре даден тай тумаре дайен.“ (Четине Колосяни 3:20.) Кана о чшаве уважинен пе родителен тай шунен лен, он анен радост ленге тай е Йеховаске-да. (Притчи 23:22-25) Кана сине цикно, о Исусес сикавгяс со требе те керен о чшаве. Въпреки кай сине съвършено, ов шунелас тай уважинелас пе дадес тай пе дая, колато сине несъвършена мануша. (Лука 2:51, 52)
3. Со те керен, за те ащи тумаро цело семейство те ачшон по-лачше амала е Девлеса?
Ако иси тут чшаве, сигурно бут мангес он те дехен е Йеховас, сарто ту дехес лес. Сар те помагинес те чшавенге те дехен е Девлес? И Библия пхенел: „Постоянно сикав те чшавен [со пхенел о Йехова] тай хоратине ленге калке букиенге, кана бешес кхере тай кана пхирес ко дром.“ (Второзаконие 6:7) Жанес, кай ако мангес те чшаве те сикльон десаве букя, си бут важно те повторинес калка букя бут дром. О стихи сикавел, кай требе постоянно те дикхес те хоратинес те чшавенца е Йеховаске. Шукар ка овел секо курко те керен семейно поклонение, демек саворе заедно те изучинен и Библия. Ама даже те на овен тумен чшаве, пак ка овел тумаре лачшипнаске секо курко те изучинен е Девлескоро Слово.
РОДЕ ПО-ХОРЕСТЕ
Дикх со ащи те керел секо йекх андо семейство, за те овен саворе спокойна тай щастлива.
4. Сикав любов, кана възпитинес те чшавен
Нанай лесно те барярес чшавен. Сар и Библия ащи те помагинел туке? Четинен Яков 1:19, 20 тай хоратинен калке въпросиенге:
-
Сар ащи о дада тай о дая те сикавен любов, кана хоратинен пе чшавенца?
-
Соске йекх дад или йекх дай на требе те накажинел пе чшавес, кана си нервериме? a
5. Пазине те чшавен
Ащи бут те лажас те хоратинес салке букиенге, ама за те пазинес те чшавен, си бут важно те обяснинес ленге со си секс. Дикхен о КЛИПИ. тай хоратинен калке въпросиенге:
-
Соске десаве родителенге си пхаро те обяснинен пе чшавенге со си секс?
-
Сар десаве дада тай дая хоратинен пе чшавенца калке букиенге?
Сарто пишинел анди Библия, е Бенгескоро светос ачшол са по-кханило. Четинен 2 Тимотей 3:1, 13 тай хоратинен калке въпросиеске:
-
О кханиле мануша, коленге пишинел ко 13 стихи, ащи те овен мануша, колато манген те керен секс цикне чшенца тай чшайенца. Тогава соске си важно о родителя те пхенен пе чшавенге со си секс тай те сикавен лен сар те пазинен пес таро кханиле мануша, колато манген те керен секс ленца?
Жанес ли?
Е Йеховаскере Свидетеля керде бут букя, за те помагинен е даденге тай е дайенге те обяснинен пе чшавенге со си секс тай те сикавен пе чшавен сар те пазинен пес таро мануша, колато манген те керен секс ленца. Аке десаве лила тай клиповя:
-
Пазинен тумаре чшавен (клипи)
-
Как да говориш с детето си за секса („Пробудете се!“ бр. 5, 2016)
6. Уважине те дадес тай те дая
О цикне чшаве тай о младежя ащи те сикавен, кай уважинен пе родителен, като внимавинен сар хоратинен ленца. Дикхен о КЛИПИ. тай хоратинен калке въпросиенге:
-
Соске си важно о терне те сикавен, кай уважинен пе родителен, кана хоратинен ленца?
-
Сар ащи те сикавен, кай уважинен лен, кана хоратинен ленца?
Четинен Притчи 1:8 тай хоратинен калке въпросиеске:
-
Со требе те керен о чшаве тай о младежя, кана ленгере родителя пхенен ленге со те керен?
7. Изучинен и Библия заедно сар семейство
О семейства, колато си е Йеховаскере Свидетеля, секо курко отделинен време, за те поклонинен пес е Йеховаске заедно сар семейство. Со ащи те керел пес ко семейно поклонение? Дикхен о КЛИПИ. тай хоратинен калке въпросиенге:
-
Со ка помагинел йекхе семействоске секо курко те овел лен семейно поклонение?
-
Со ащи те керен о дада тай о дая, за те ащи ко семейно поклонение секой те сикльол нещо полезно песке тай саворенге те овел интересно? (Дикх и снимка ко начало калке урокиесте.)
-
Со ащи те пречинел тумаре семействоске те изучинен саворе заедно?
Ко пуране диеса о Йехова мангелас о родителя често те хоратинен пе чшавенца лескере Словоске. Четинен Второзаконие 6:6, 7 тай хоратинен калке въпросиеске:
-
Сар ащи те керес о букя, колато пхенен о стиховя?
Со ащи те керен ко семейно поклонение:
-
Подготвинен тумен е събраниенге.
-
Четинен букя тари Библия, колато ка овен интересна саворенге, тай хоратинен за ленге.
-
Ако иси тумен цикне чшаве, ухлявен тай принтиринен десаве задачес ленге таро сайти jw.org.
-
Ако иси тумен по-баре чшаве, четинен ленца десави статия е терненге таро сайти jw.org.
-
Заедно тумаре чшавенца керен тумен, кай синьен десаве мануша тари Библия.
-
Дикхен клиповя таро сайти jw.org тай хоратинен за ленге.
ДЕСАВЕ МАНУША ПХЕНЕН: „Нащи те сикавав ме чшавен тари Библия, он на манген.“
-
Со ка пхенес ту?
СО СИКЛИЛЯМ
О Йехова мангел о родителя те дехен, те възпитинен тай те пазинен пе чшавен. Ов мангел о чшаве те уважинен пе родителен тай о цело семейство те служинен леске заедно.
О най-важна букя таро уроки
-
Сар о родителя ащи те възпитинен тай те пазинен пе чшавен?
-
Сар о чшаве ащи те сикавен, кай уважинен пе дадес тай пе дая?
-
Саве благословиес ка овен е семействос, ако керел семейно поклонение секо курко?
АХАЛЬОВ ПО-БУТ
Со ка помагинел те чшавеске те ачшол лачшо мануш?
6 урока, които децата трябва да научат. („Пробудете се!“ бр. 2, 2019)
Ахальов саве шукар съвекя дел и Библия калкенге, колато дикхен пе пхуре родителен.
Какво казва Библията за грижите за възрастните родители?. (статия на jw.org)
Дикх сар йекх ром, ковато на жанелас сар възпитинен пес чшаве, ачшило лачшо дад.
Четине сар о дада ащи те ачшовен по-лачше амала пе чшавенца.
a Анди Библия „те възпитинес“ означинел те сикавес тай те дес годи е чшавес тай те помагинес леске те на мислинел тай те на керел кханиле букя. Те възпитинес е чшавес на означинел те марес лес тай те овес грубо или жестоко леса. (Притчи 4:1)
