50. LEKCIJA
Sar šaj ti porodica te ovel bahtali? – 2. deo
O ćhave tane poklon ando Jehova. Ov ando roditeljija ađićeri šukar te brininen pe olendar. O Jehova dinđa len mudra savetija sar te ćeren odova. Isto ađahar, odola savetija šaj te pomožinen hem e ćhavenđe. Ked ićerena pe ko odola savetija, sare ki porodica šaj te oven bahtale.
1. Kova savet o Jehova dela e roditeljenđe?
O Jehova ađićeri ando roditeljija te mangen pe ćhaven hem te den sa pestar te oven olencar so pobuter šaj. Isto ađahar, ov mangela o roditeljija te arakhen pe ćhaven ando odova so šaj te povredini len hem te koristinen o načelija andi Biblija đi sikavena len (Poslovice 1:8). Ov phenela e dadenđe: „Vaspitinen [tumare ćhaven]. . . premali Jehovasi volja.“ (Čitinen Efešanima 6:4.) O Jehova tano bahtalo ked o roditeljija ićerena pe ko olese savetija đi barjaćerena pe ćhaven hem odija odgovornost na dena averenđe.
2. Kova savet o Jehova dela e ćhavenđe?
O Jehova phenela: „Ćhavalen, šunen tumare roditeljen.“ (Čitinen Kološanima 3:20.) Ked o ćhave poštujinena hem šunena pe roditeljen, tegani hem o Jehova hem o roditeljija tane bahtale (Poslovice 23:22-25). Sar tikno, o Isus aćhavđa but šukar primer. Iako hine savršeno, ov šunđa hem poštujinđa pe roditeljen (Luka 2:51, 52).
3. Sar šaj te oven paše e Jehovaja sar porodica?
Ako hijan roditelj, sigurno mangeja te ćhave te mangen e Jehova ađahar sar so tu mangeja le. Sar šaj te pomožine len ko odova? Ćer odova so i Biblija vaćeri: „Ćhiv [e Jehovase lafija] ko te ćhavengo vilo hem vaćer olendar ked bešeja ko to ćher hem ked phireja ko drumo“ (Ponovljeni zakoni 6:7). Te „ćhive len ko te ćhavengo vilo“ značini te sikave len ađahar so diso ka ponovine. Sar roditelj, sigurno đaneja so ako na mangeja te ćhave diso te bistren, tegani šaj ka valjani but putija te ponovine odova. Akava stih mothovi so valjani te koristine svako prilika te sikave te ćhaven ando Jehova. Šukar tano, ako sar porodica, svako kurko arakhena vreme aso porodično proučibe. Čak hem ako nane tumen ćhave, šukar tano ako svako kurko proučinena e Devleso Lafi.
SIKLJOV POBUTER
Te dikha kola savetija šaj te pomožinen e porodicaće te ovel bahtali hem sigurno.
4. Mangipaja sikav te ćhaven
Nane lokho te barjaćeren pe o ćhave. Sar šaj i Biblija te pomožini tuće? Čitinen Jakovljeva 1:19, 20, hem palo odova vaćeren ando akala pućiba:
-
Sar šaj o roditeljija te mothoven so mangena pe ćhaven đi vaćerena olencar?
-
Sose o roditeljija niked na valjani te kazninen pe ćhaven ked tane holjame? a
5. Arakh te ćhaven
Disave roditeljenđe šaj te ovel lađavo te vaćeren pe ćhavencar ando seks. Ama, te šaj te arakhen pe ćhaven, but tano važno te vaćeren pe ćhavencar odolestar. Dikhen o VIDEO, hem palo odova vaćeren ando akala pućiba:
-
Sose disave roditeljenđe šaj te ovel pharo te vaćeren pe ćhavencar ando seks?
-
Sar disave roditeljija vaćerena pe ćhavencar ando seks?
Sar soj tano phendo ki Biblija, e Bengeso sveto ka ovel sa pološno hem pološno. Čitinen 2. Timoteju 3:1, 13, hem palo odova vaćeren ando akava pućibe:
-
Disave ando akala lošna manuša kolendar vaćeri pe ko 13. stiho seksualno zlostavinena e ćhaven. Sose tano važno o roditeljija te vaćeren pe ćhavencar kotar seks hem ando odova sar te arakhen pe ando asavke manuša?
Da li đanđan?
E Jehovase svedokija ikalđe razna publikacije kola šaj te pomožinen e roditeljenđe te sikaven pe ćhaven ando seks hem te zaštitinen len ando manuša kola šaj te zlostavinen len. Disave ando odola publikacije tane:
-
Arakhen tumaren čhaven (video)
-
„Sar šaj o roditeljija te vaćeren pe ćhavencar ando seks?“ (Probudite se!, br. 5/2016)
6. Poštujin te roditeljen
O ćhave hem o tinejdžerija šaj te mothoven so poštujinena pe roditeljen ađahar so pazinena sar vaćerena olencar. Dikhen o VIDEO, hem palo odova vaćeren ando akala pućiba.
-
Sose tano šukar o terne te mothoven so poštujinena pe roditeljen đi vaćerena olencar?
-
Sar šaj o terne te mothoven so poštujinena pe roditeljen đi vaćerena olencar?
Čitinen Poslovice 1:8, hem palo odova vaćeren ando akava pućibe:
-
Sar o terne valjani te reagujinen ked olenge roditeljija dena len savet?
7. Služinen e Jehovase sar porodica
Svako kurko e Jehovase svedokija arakhena vreme aso porodično proučibe. So ćerela pe ko porodično proučibe? Dikhen o VIDEO, hem palo odova vaćeren ando akala pućiba:
-
So šaj o porodice te ćeren te šaj redovno te ovel len porodično proučibe?
-
So o roditeljija šaj te ćeren te šaj sare diso te sikljon hem te uživinen ko porodično proučibe? (Dikh i slika ko početko andi akija lekcija.)
-
Sose šaj te ovel pharo te porodicaće te ovel tumen porodično proučibe?
Ko purano Izrael, o Jehova ando dad hem andi daj ađićerđa redovno te vaćeren pe ćhavencar ando oleso Lafi. Čitinen Ponovljeni zakoni 6:6, 7, hem palo odova vaćeren ando akava pućibe:
-
Sar šaj tu te ićere tut ko akava načelo?
So šaj te ćeren aso porodično proučibe?
-
Pripreminen tumen aso sastankija.
-
Čitinen diso andi Biblija so ka ovel zanimljivo e ćhavenđe hem vaćeren odolestar.
-
Ako isi tumen tikne ćhave, tegani kotar amaro sajt šaj te huljaven ja te štampinen diso e ćhavorenđe.
-
Ako tumare ćhave tane tinejdžerija, tegani len jekh članko kotar amaro sajt hem vaćeren olestar.
-
Gluminen disavi priča andi Biblija.
-
Dikhen hem palo odova vaćeren ando disavo video kotar amaro sajt.
AKO NEKO PHENELA: „But tano pharo o ćhave te haljon i Biblija.“
-
So bi tu pheneja ko odova?
SO SIKLJILJAM
O Jehova mangela o roditeljija te mangen, te sikaven hem te arakhen pe ćhaven, a o ćhave te poštujinen hem te šunen pe roditeljen hem sar porodica te služinen olese.
Te ponovina
-
Sar šaj o roditeljija te sikaven hem te arakhen pe ćhaven?
-
Sar šaj o ćhave te mothoven so poštujinena pe roditeljen?
-
Sose tano šukar svako kurko te arakhen vreme aso porodično proučibe?
RODE POBUTER
So ka pomožini tumare ćhavenđe ked ka barjon te oven šukar manuša?
„Šov buća kola o ćhave valjani te sikljon“ (Probudite se!, br. 2/2019)
Kola savetija i Biblija dela okolenđe kola brininena pe ando pe roditeljija?
Dikh sar jekh manuš kova na đanđa sar te barjaćeri pe ćhaven ko krajo ulo but šukar dad.
Čitin sar šaj o dada te oven pana popaše pe ćhavencar.
„Sar šaj o dada te aćhon paše pe ćhavencar?“ (Stražarska kula, 1. novembar 2011)
a Ki Biblija, o lafi „disciplina“ značini te sikava e ćhaven, te pomožina len te đan ko pravo drumo hem te menjinen pe. Odova na značini te maltretirina len ja te ova gruba premalo lende (Poslovice 4:1).
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
