ΜΑΘΗΜΑΣ 50

Σαρ Μπορίνεσα τι Τθερές Ευτυχισμέ Φαμιλί;—Μέρος 2

ΑΝΑΠΑΡΑΓΩΓΗ

Ο τσσαβέ ισί δώρος κατά Ιεχωβά. Βοβ μπεκλεντίνελα κατά νταντά ντα κατά νταγιά τι αρακχαβέν λατσσές ανταβά δώρος. Ο Ιεχωβά ντέλα γκοντιαβέρ συμβουλές κο νταντά ντα κο νταγιά σο κα βοηθίνεν-λεν οπράλ ανταλέστε. Λέσκε συμβουλές επίσης σικαβένα κο τσσαβέ σο μπορίνενα τι κερέν για τι αβέλ ευτυχισμέ η φαμιλί.

1. Καλά συμβουλές ντέλα ο Ιεχωβά κο νταντά ντα κο νταγιά;

Ο Ιεχωβά μπεκλεντίνελα κατά νταντά ντα κατά νταγιά τι μανγκέν πουμαρέ τσσαβέν ντα τι νακχέν λέντζαρ καζόμ πο μπουτ σαάτι αβέλα-πες. Επίσης, μανγκέλα λένταρ τι αρακχαβέν πουμαρέ τσσαβέν για μα τι παθίνεν καέκ ζιάνι ντα τι χρησιμοποιήνεν πάντα ο αρχές ι Γραφιάκε για τι σικλιαρέν-λεν. (Παροιμίες 1:8) Βακερέλα κο νταντά: “Τι μπαριαρέν [τουμαρέ τσσαβέν αντράλ κατά] . . . συμβουλές ι Ιεχωβάσκε”. (Διαβάνεν Εφεσίους 6:4) Ο Ιεχωβά χαιρίνελα μπουτ κάνα ο νταντά ντα ο νταγιά ακολουθίνενα λέσκε οδηγίες καζόμ μπαριαρένα πουμαρέ τσσαβέν ντα να ντένα ανταγιά ευθύνη εκχέ γιαβερέ τζενέστε.

2. Καλά συμβουλές ντέλα ο Ιεχωβά κο τσσαβέ;

Ο Ιεχωβά ντέλα ακαγιά εντολή κο τσσαβέ: «Τι ασουνέν τουμαρέ νταντές ντα τουμαρέ νταγιά». (Διαβάνεν Κολοσσαείς 3:20) Κάνα ο τσσαβέ σεβάνενα ντα ντένα καν πουμαρέ νταντές ντα πουμαρέ νταγιά, ντένα χαρά εμ κο Ιεχωβά εμ λέντε. (Παροιμίες 23:22-25) Ο Ιησούς ισινέ λατσσό παράδειγμας ανταλέστε κάνα ισινέ χουρντό. Παρόλο σο ισινέ τέλειος, ντέλας καν πι νταντές ντα πι νταγιά ντα σεβάνελας-λεν.—Λουκάς 2:51, 52.

3. Σαρ μπορίνεσα σαρέ τι φαμιλιάσαρ τι αβές πο πασέ κο Ντεβέλ;

Άμα τθερέσα τσσαβέν, σίγουρα μανγκέσα το τσσαβέ τι μανγκέν ι Ιεχωβάς καζόμ μανγκέσα-λες τούι-ντα. Σαρ κα πετυχίνες ανταβά στόχος; Άμα κερντάν οντουβά σο βακερέλα η Γραφή: “Πρέπει τι τσσουβές χάνικ χάνικ [ο λάφια ι Ιεχωβάσκε] τι τσσαβένγκε γκίστε ντα τι βακερές-λεν λένγκε κάνα μπεσέσα τι κχερέστε ντα κάνα πφιρέσα κο ντρομ”. (Δευτερονόμιο 6:7) Ο λάφι «τι τσσουβές χάνικ χάνικ» μανγκέλα τι βακερέλ ότι για τι σικλιαράς κάτι εκχέ τζενές χρειαζίντιβελα τι ξαναβακεράς-λες λέσκε. Σίγουρα τζανέσα ότι μπουτ φαρ πρέπει τι ξαναβακερές κάτι τι τσσαβένγκε για μα τι μπιστρέν-λες. Ανταβά εδάφιος σικαβέλα ότι πρέπει τι ρόντες συνέχεια ευκαιρίες για τι κερές λάφι τι τσσαβέντζαρ ι Ιεχωβάσκε. Ισί λατσσό τι αρακχές σαάτι κάθε εβδομάδα για τι ντες λατρεία ι Ντεβλές τι φαμιλιάσαρ. Άμα να τθερέσα τσσαβέν, πάλι κα βοηθίντιβες άμα ντέσα τι σαατίσταρ κάθε εβδομάδα για τι διαβάνες ι Ντεβλέσκο Λάφι.

ΧΑΝΤΖΟΥΒ ΠΟ ΑΧΟΡΤ

Ντικχ καλά λατσσέ συμβουλές μπορίνενα τι αρακχαβέν ι φαμιλί ντα τι ατσσικιαρέν-λα χαρούμενη.

4. Τι σικλιαρές τι τσσαβέν με αγάπη

Ο σικλιαριπέ ι τσσαβένγκο νανέ εύκολη μπουτί. Σαρ μπορίνελα τι βοηθίνελ η Γραφή; Διαβάνεν Ιακώβου 1:19, 20 ντα σοράν συζητίνεν ο ερωτήσεις:

Σαρ μπορίνενα τι σικαβέν αγάπη ο νταντά ντα ο νταγιά κάνα κερένα λάφι πουμαρέ τσσαβέντζαρ;
Σόσκε δεν πρέπει ποτές τι διορθώνεν πουμαρέ τσσαβέν ο νταντά ντα ο νταγιά κάνα ισί χολιαμέ; a

5. Τι αρακχαβές τι τσσαβέν

Για τι αρακχαβές τι τσσαβέν, ισί μπουτ σημαντικός τι κερές λάφι τι κάθε τσσαβέσαρ για το σεξ. Ανταβά μπέκιμ μα τι αβέλ τούκε μπουτ εύκολος. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Τι Αρακχαβέν Τουμαρέ Τσσαβέν Κατά Γκεραλιπέ (2:58)

Σόσκε νανέ εύκολος μερικέ νταντένγκε ντα νταΐνγκε τι κερέν λάφι πουμαρέ τσσαβέντζαρ για το σεξ;
Καλέ τροπόσαρ κερντέ λάφι μερικά νταντά ντα νταγιά πουμαρέ τσσαβέντζαρ για το σεξ;

Σαρ βακερένας ο προφητείες, ι Μπενγκέσκο ντουνιάς αβέλα ατζέ πο πφιρνό. Διαβάνεν 2 Τιμόθεο 3:1, 13 ντα σοράν συζητίνεν ι ερώτηση:

Μερικά πφιρνέ τζενέ σο βακερέλα ο εδάφιος 13 κερένα λουμνικανέ πράγματα κο χουρντέ τσσαβέ ντα τσσαγιά ντα τζάνα λέντζαρ. Σόσκε ισί λοιπόν σημαντικός τι σικλιαρέν ο νταντά ντα ο νταγιά πουμαρέ τσσαβέν για το σεξ ντα σαρ κα αρακχαβέν-πες τζενένταρ σο μανγκένα τι κερέν λουμνικανέ πράγματα κο χουρντέ;

Τζανέας-λες;

Ο Μάρτυρες ι Ιεχωβάσκε νικαβένα μπουτ βίντεα ντα έντυπα σο βοηθίνενα ι νταντέν ντα ι νταΐν τι σικλιαρέν πουμαρέ τσσαβέν για το σεξ ντα τι αρακχαβέν-λεν τζενένταρ σο κερένα λουμνικανέ πράγματα κο χουρντέ τσσαβέ ντα τσσαγιά ντα τζάνα λέντζαρ. Για παράδειγμας:

Αρακχαβέν Τουμαρέ Τσσαβέν (βίντεος)
Μάθε από τον Μεγάλο Δάσκαλο, κεφάλαια 10 ντα 32
«Σικλιαρέν Τουμαρέ Τσσαβέν για το Σεξ» (Ξύπνα!, Αρ. 5 2016)

6. Τι σεβάνες τι νταντές ντα τι νταγιά

Ο χουρντέ τσσαβέ ντα ο τερνέ μπορίνενα τι σικαβέν σεβασμός πουμαρέ νταντέσκε ντα νταγιάκε ι τροπόσαρ σο κερένα λέντζαρ λάφι. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Σαρ τι Κεράβ Λάφι μι Νταντέσαρ ντα μι Νταγιάσαρ; (2:19)

Σόσκε αξίνελα τι κερέν λάφι με σεβασμός ο τερνέ πουμαρέ νταντέσαρ ντα νταγιάσαρ;
Σαρ μπορίνελα τι σικαβέλ εκ τερνό ότι σεβάνελα πι νταντές ντα πι νταγιά ι τροπόσαρ σο κερέλα λέντζαρ λάφι;

Διαβάνεν Παροιμίες 1:8 ντα σοράν συζητίνεν ι ερώτηση:

Σο πρέπει τι κερέλ εκ τερνό κάνα λέσκο ντατ ντα λέσκι ντάι βακερένα λέσκε σο τι κερέλ;

7. Τι ντες λατρεία ι Ιεχωβάς σαρέ τι φαμιλιάσαρ

Ο φαμιλιά ι Ιεχωβάσκε Μαρτυρένγκε αρακχένα συγκεκριμέ σαάτι κάθε εβδομάδα για τι ντεν λατρεία ι Ντεβλές γιεκ. Σο μπορίνεσα τι κερές κι φαμιλιάκι λατρεία; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Φαμιλιάκι Λατρεία—Ο Δυσκολίες ντα ο Λατσσίματα (8:04)

Σαρ μπορίνελα εκ φαμιλί τι τθερέλ εκ λατσσό πρόγραμμας για μα τι χασαρέλ ι Φαμιλιάκι Λατρεία;
Σαρ μπορίνελα εκ ντατ ή εκ ντάι τι κερέλ ι φαμιλιάκι λατρεία τροπόσαρ σο κα βοηθίντιβεν σαρέ ντα κα νακχέν σουκάρ;—Ντικχέν ι φωτογραφία κι αρχή ανταλέ μαθημάστε.
Καλά δυσκολίες μπέκιμ τι κερέν τιρί φαμιλί μα τι διαβάνεν σαρέ γιεκ;

Κο πουρανό Ισραήλ, ο Ιεχωβά μπεκλεντίνελας κατά φαμιλιά τι κερέν λάφι συχνά ι Γραφιάκε. Διαβάνεν Δευτερονόμιο 6:6, 7 ντα σοράν συζητίνεν ι ερώτηση:

Σαρ μπορίνεσα τι κερές ανταγιά συμβουλή;

Μερικά πράγματα σο μπορίνεσα τι κερές κι φαμιλιάκι λατρεία:

Τι προετοιμάντιβες εκχέ συναθροισιάκε.
Τι διαβάνες ντα τι συζητίνες εκ ιστορία αντράλ κατά Γραφή σο κα μπεϊντίνελ τι φαμιλί.
Άμα τθερέσα χουρντέ τσσαβέν, γούλιαρ ή εκτύπωνε εκ δραστηριότητα ι χουρντένγκε κατά jw.org.
Άμα τθερέσα τσσαβέν κι εφηβεία, συζήτινε εκ θέμας ι τερνένγκε κατά jw.org.
Κερ αναπαράσταση εκ ιστορία κατά Γραφή γιεκ τι τσσαβέντζαρ.
Ντικχ ντα συζήτινε εκ βίντεος κατά jw.org.

ΜΕΡΙΚΑ ΤΖΕΝΕ ΒΑΚΕΡΕΝΑ: «Η Αγία Γραφή ισί μπουτ δύσκολος βιβλίος για τι αγαβέν-λες ο χουρντέ».

Τούι σο πακιάσα;

ΧΑΝΙΚ ΛΑΦΙΝΤΖΑΡ

Ο Ιεχωβά μανγκέλα κατά νταντά ντα κατά νταγιά τι μανγκέν, τι σικλιαρέν ντα τι αρακχαβέν πουμαρέ τσσαβέν, κατά τσσαβέ τι σικαβέν σεβασμός πουμαρέ νταντέστε ντα νταγιάτε ντα τι ντεν-λεν καν, ντα κατά φαμιλιά τι ντεν-λες λατρεία γιεκ.

Σο Σικλιλάν;

Σαρ μπορίνενα ο νταντά ντα ο νταγιά τι σικλιαρέν ντα τι αρακχαβέν πουμαρέ τσσαβέν;
Σαρ μπορίνενα ο τσσαβέ τι σεβάνεν πουμαρέ νταντές ντα πουμαρέ νταγιά;
Σαρ βοηθίντιβενα ο φαμιλιά κάνα ντένα πουμαρέ σαατίσταρ κάθε εβδομάδα για τι ντεν λατρεία ι Ντεβλές γιεκ;

Ο μάθημας μπιτισάλο:

Σο Μανγκάβα τι Κεράβ

Τι λαβ ιδέες γιαβερένταρ κατά κχανγκιρί για τι ντικχάβ σαρ κα κεράβ ι φαμιλιάκι λατρεία.

Γιαβέρ:

Κάτι γιαβέρ σο μανγκάβα τι κεράβ

ΡΟΝΤΕ

Καλά πράγματα κα προετοιμάνεν τι τσσαβές κάνα κα μπαριόλ;

«Σιοβ Πράγματα Τουμαρέ Τσσαβένγκε» (Ξύπνα!, Αρ. 2 2019)

Σίκλιουβ καλά λατσσέ συμβουλές ντέλα η Γραφή οντουλέντε σο αρακχαβένα πουμαρέ πφουρέ νταντές ντα νταγιά.

«Σο Βακερέλα η Αγία Γραφή Οντουλένγκε σο Αρακχαβένα Πουμαρέ Πφουρέ Νταντές ντα Νταγιά;» (Θέμας κο ιστότοπος)

Ντικχ σαρ αβιλό λατσσό ντατ εκ μουρς σο να τζανέλας ιτς σαρ τι μπαριαρέλ τσσαβέν.

Ο Ιεχωβά Σικλιαρντάς-αμέν Σαρ τι Μπαριαράς Αμαρί Φαμιλί (5:58)

Τσσουβ σημασία σαρ μπορίνελα εκ ντατ τι κερέλ πο ζουρανί πι φιλία πι τσσαβέσαρ.

«Σαρ Μπορίνενα ο Νταντά τι Ατσσόν Πασέ Πουμαρέ Τσσαβέντε;» (Η Σκοπιά 1 Νοεμβρίου 2011)

a Κι Αγία Γραφή, ο λάφι «διόρθωση» μανγκέλα τι βακερέλ τι σικλιαρέλ εκ τζενό εκχέ γιαβερές, τι οδηγίνελ-λες ντα τι διορθώνελ-λες. Σίγουρα να σημαίνελα ότι πρέπει τι νταπέλ-λες ντα τι συμπεριφερίντιβελ λέσκε μπέτι τροπόσαρ ή τι κερέλ λέσκε κάτι κακός.—Παροιμίες 4:1.

ΜΠΟΥΤ ΣΟΥΚΑΡ ΖΩΗ ΓΙΑ ΠΑΝΤΑ!—ΕΛΑΝ ΤΙ ΧΑΝΤΖΟΥΒΑΣ ΓΙΕΚ ΚΑΤΑ ΑΓΙΑ ΓΡΑΦΗ