LEKTIONA 50
Har tiri familja bachteles nai wella — Kotar 2
Tchawe hin i bacht, hoi i Jehowestar wenna. Job kamell eltrendar, te denn le mishto garda ap lende. Doleske dell lo len latche un gosewe laba, te nai krenn le kowa. Leskre laba sikrenn ninna tchawenge, hoi jon hunte krenn, te nai well i familja bachteles.
1. Hoi penell o Jehowah eltrenge?
O Jehowah kamell, te kamenn eltre pengre tchawen, te lenn le penge tsiro pengre tchawenge, te denn le jak ap lende, te djal lenge mishto, un te tserdenn le len an i biblakre prinzipje bares (Gosewe Laba 1:8). I bibla penell dadenge: “Penenn lenge, hoi o Dewel lendar kamella un sikrenn lende, har te djan le ap o Debleskro drom” (Dik pal an Efesarja 6:4). Ko lab sikrella, kai kamell o Jehowah, kai wenn tchawe pengre eltrendar bares tserdedo, un gar wawarendar.
2. Hoi penell o Jehowah tchawenge?
Ap tchawende penell o Jehowah: “Shunenn hako tsiro ap tumaro dadeste, un ap tumari date” (Dik pal an Kolossarja 3:20). Te shunenn tchawe ap i eltrende, un te respektierenn le len, krenn le len un i Jehowes bachteles (Gosewe Laba 23:22-25). O Jesus kras kowa ninna, har his lo i tikno tchawo. Ninna kai his job perfekt un leskre eltre gar, shunas lo ap kowa, hoi jon ap leste penan, un jaake respektieras lo len (Luka 2:51, 52).
3. Har nai krell i tseli familja pengro malepen i Jehoweha sorleder?
Te hi tut tchawe, kameh tu, kai kamenn le i Jehowes ninna jaake bud, har tu les kameh. Har nai kreh tu kowa? Tu hunte peness i Jehoweskre laba “tire tchawenge, te bistrenn le len gar. Rake lendar, te hal khere beshdo, un te djah ap o drom, un te tchiweh tut tele un te steh pale pre” (5. Mose 6:7). Eltre djinenna: Kokres, te penell jek tchomone pale te pale, bistrenn tchawe kowa gar — un te bistrenn le i Jehoweskre laba gar, hunte well lenge kowa ninna pale te pale penlo. Rode pal situatione, hoi pale te pale wenna, te nai rakress pral i Jehoweste. Reservierenn ninna tsiro hako kurko, te nai rodenn o tchawentsa khetne an i bibla. Ninna te hi tut kek tchawe, hi tuke kowa mishto, te rodeh hako kurko an o Debleskro Lab.
RODAS DUREDER
Kanna dikeh, hoi te well kerdo hunte, te nai haiwell hakeno an i tseli familja, kai hi lo mishto pre hadedo, un te nai well hakeneske bacht.
4. Tserdenn o tchawen o kamlepah bares
Te tserdas tchawen mishto bares, nai wella phares. Hawe latche laba dell i bibla? Dikenn pal an Jakobo 1:19, 20, un rakrenn khetne pral:
-
Har nai sikrenn eltre kamlepen, te rakrenn le pengre tchawentsa?
-
Hoske mu denn eltre pengre tchawen kek phagi, te hin le chojedo? a
5. Denn garda ap tumare tchawende
Te nai well ap o tchawende mishto garda dino, hunte well hakeneha lentsa ninna pral intim koowa rakemen. Ninna te ladjah, hunte well kowa kerdo, te djal lenge kek bibacht. Te dikan o VIDEO, rakrenn khetne pral:
-
Hoske nai well kowa phares, te rakras o tchawentsa pral intim koowa?
-
Har rakran wawar eltre pengre tchawentsa pral intim koowa?
I bibla penella, kai well o bengeskro swetto bud un budeder tchilatcho. Dikenn pal an 2. Timoteo 3:1, 13, un rakrenn khetne pral:
-
Mank kolende, kolentsa djungelder un djungleder wella, denn ninna sawe, kai taprenn ninna ap tikne tchawende. Doleske: Hoske hunte well tchawentsa pral intim koowa rakemen, un ninna pral kowa, har te denn jon ap pende kokres garda, te wenn le gar wawarendar an tapedo?
Djinal tu kowa?
Te nai denn eltre garda ap pengre tchawende, dan Jehoweskre Rakepangre bud publikatione win, hoi eltrenge mishto hi, te djala pral kowa, har te rakrenn le pengre tchawentsa nai pral intim koowa, un har te denn le garda, te wenn le gar wi ladjedes an tapedo — har kanna:
-
De garda ap tire tchawende (Video)
-
“Hoske te rakras tchawentsa pral intim koowa” (Djangrenna! Nr. 5 2016)
6. Eltre hunte wenn respektieremen
Tchawe un teenagarja nai sikrenn respekta an kowa, har jon pengre eltrentsa rakrenn. Te dikan o VIDEO, rakrenn khetne pral:
-
Hoske hi kowa mishto, te sikrenn tchawe un teenagarja respekta, te rakrenn le pengre eltrentsa?
-
Har nai sikrell i terno mensho, kai hi les glan i eltrende respekta?
Dikenn pal an Gosewe Laba 1:8, un rakrenn khetne pral:
-
Har te reagierell i terno mensho, te penenn leskre eltre leske, hoi te krell lo?
7. I tseli familja sharell i Jehowes
Jehoweskre Rakepangre lenn penge hako kurko jek tsiro, kai wenn le khetne, te rodenn le khetne an i bibla. Har hi o Familjakro Biblakro Rodepen? Te dikan o VIDEO, rakrenn khetne pral:
-
Har nai krell i familja o Biblakro Rodepen hako kurko?
-
Har nai well o Familjakro Biblakro Rodepen jaake, kai hi kowa o tchawenge praktisch un gar langweilig? (Dikenn ninna ap koi glanstuni bilda an kaja lektiona.)
-
Hoi krell kowa phares an tumari familja, kai hi tumen o Familjakro Biblakro Rodepen hako kurko?
Ap kola Israelitarjende penas o Jehowah, te rakrenn le pale te pale khetne pral peskre laba. Dikenn pal an 5. Mose 6:6, 7, un rakrenn khetne pral:
-
Har nai djiwah mer pal kaja prinzipa?
Hoi te krenn nai pash o Biblakro Familjakro Rodepen
-
Dikenn khetne an kowa dren, hoi an o Khetnepen wella.
-
Drawerenn khetne i biblakri passaga, un rakrenn pral koi situationa.
-
Te hi tumen tikne tchawe: Downloadrenn oder druckrenn kowa win, hoi i ternenge ap jw.org della.
-
Te hi tumen teenagarja: Rakrenn khetne pral i artikla ap jw.org, hoi i teenagarjenge kerdo was.
-
Khelenn tumare tchawentsa i biblakri parmissa pal.
-
Dikenn i Video ap jw.org, un rakrenn pral kowa.
BUD PENENNA: “Me nashte lau mange gar hako kurko ko tsiro, te rakrap mire tchawentsa pral i bibla.”
-
Hoi penals tu?
HOI KATE PENLO WAS
Eltre hunte kamenn o tchawen, hunte denn garda ap lende un hunte tserdenn len mishto bares. Tchawe mu te shunenn un respektierenn o eltren. O Jehowah kamell, te mangell i tseli familja les khetne an.
Hoi penals tu?
-
Har nai tserdenn eltre pengre tchawen mishto bares, un har nai denn le garda ap lende?
-
Har nai sikrenn tchawe respekta?
-
Hoske hi o Familjakro Biblakro Rodepen hako kurko mishto?
BUDEDER
Kate hatseh, har te dess tire tchawen i latcho start an pengro djipen.
“Shob kooma, hoi tchawenge an pengro djipen hunte well” (Djangrenna! Nr. 2 2019)
Kate hatseh, hoi i bibla pral kowa penella, te pflegrenn tchawe pengre eltre.
“Te pflegras phure eltren — Hoi penell i bibla pral kowa?” (I artikla online)
Kate huneh nai, har i bibla i dadeske sikras, te haiwell lo, hoi tchawen tchatchepah hunte wella.
O Jehowah sikras mange, har te tserdap mire tchawen bares (5:58)
Kate drawereh nai, har i dad peskro malepen peskro tchaweha sorleder nai krella.
“Har krap me kowa, kai haiwau me man miro tchaweha mishto?” (O Gardeskro Kheer, November 1, 2011)
a Te rakrell i bibla pral kowa, te tserdas tchawen mishto bares, oder te das lenge i phagi, meinrell li, kai hunte well tchawen sikedo, hoi lenge mishto un hoi lenge gar mishto hi. Jon hunte wenn ninna korrigieremen, te hin le ap i falsch drom, aber i bibla penell gar, te das tchawen dawa (Gosewe Laba 4:1).
