50 ӶЛАВА
Со тэ терас, кай о ери тэ авэл май бахтало? (часть 2)
Бэяцэ — када подарко лэ Дэвлэстар. И во камэл, кай о дад и дэй драго тэ диқэн пала лэндэ. Кай андо ери тэ авэл вся драго, о Иегова ԥэнэн лэ родителёнэнди, сар тэ диқэн пала бэяцэ, ай кадяжэ ԥэнэн лэ бэятонэнди, сар пэс тэ андярэн.
1. Со о Иегова ԥэнэн лэ родителёнэнди?
О Иегова камэл, кай о дад и дэй тэ любин пэстирэ бэятонэн и тэ проандярэн лэнца май бут время. Кадяжэ тэ фэрин пэстирэ бэятонэн лэ найлашимастар и тэ сытярэн лэн па библейски принцыпоря (Притчи 1:8). О Иегова камэл, кай вонэ тэ сытярэн лэ бэятонэн кадя, сар лэсти уӷодно. (Адиносар Эфесянам 6:4.) О Иегова фартэ радо, кала и родителя кадя барярэн пэстирэ бэятонэн и на пэрэшон кадэя обязаность пэ авэр.
2. Со о Дэл ԥэнэн лэ бэятонэнди?
О Дэл ԥэнэн лэ бэятонэнди: «Бэяцэ, кандэн пэстирэ родителёнэн андэ вся». (Адиносар Колоссянам 3:20.) Если вонэ кандэн и стон патив по дад и пэ дэй, тоди о Иегова и родителя авэна фартэ ради (Притчи 23:22—25). И бэяцэ моӷут тэ сытён кай о Иисусо. Лэс барярэнас нэсовершэни родителя, но во всаек кандэлас лэн и столас патив пэр лэндэ (Луки 2:51, 52).
3. Со тэ терэн, кай всаворэ ерестэ тэ авэл май лащи дружба лэ Дэвлэса?
Если тутэ исин бэяцэ, тоди ту, канешно, камэс, кай вонэ тэ любин лэ Иеговас кадя жэ фартэ, сар и ту. Со тэ терэс важ када? Андэ Библия пистромэ: «Вся и время сытяр кадэлэ [лэ Иеговастирэ] алавэнди пэстирэ бэятонэн, кала бэшэс цэрэ, кала жас па дром» (Второзаконие 6:7). Кадэла алава сыкавэн, кай лэ бэятонэнди трэбуй най еқвар варисо тэ ԥэнэс, кай вонэ тэ на бистрэн, сости ту лэн сытярэс. И када фартэ важно. Ту можэш тэ росԥэнэс лэ бэятонэнди пала Иегова андо любо маменто. Но инке трэбуй тэ витидэс и время важ и семейно изучения, кай всаворэ ереса тэ сытён па Библия. И дажэ если тутэ нинай бэяцэ, тоди тирэ ерести всаек анэна лашимос, если тумэндэ авэла витидо время пэ када.
УӶАНАМ МАЙ БУТ
Андэ кадэя ӷлава амэ уӷанаса пала советоря анда Библия, савэ фэрина всаворэ ерес и поможына, кай о ери тэ авэл май бахтало.
4. Барярэн лэ бэятонэн кадя, кай тэ дицол, кай тумэ лэн любин
Тэ сытярэс лэ бэятонэн найвушэро. Сар и советоря анда Библия поможына тути? Адиносарам Иакова 1:19, 20 и подам дума пала вопросоря, савэ май тэлэ.
-
Сар о дад и дэй моӷут тэ сыкавэн пэстирэ бэятонэнди, кай любин лэн, кала дэн дума лэнца?
-
Васо, кала и родителя холинатирэ, лэнди нащи андэ кадэя время тэ просытярэн пэстирэ бэятонэн? a
5. Фэрисар пэстирэ бэятонэн
Хоть када можэт тэ авэл лажаво, но кай тэ фэрис пэстирэ бэятонэн лэ билажавардимастар, трэбуй тэ подэс дума лэнца пала отношэния, савэ исин машкар хулай и хулаи. Диқам о ВИДЕО и подам дума пала вопросоря, савэ май тэлэ.
-
Васо дэсавэ родителёнэнди ԥарэс тэ подэн дума пала кацавэ отношэнии?
-
Сар дэсавэ родителя дэн дума пала када пэстирэ бэятонэнца?
Андэ Библия сас ԥэндо, кай и мануша авэна фартэ хохавнэ и билажавардэ. Адиносарам 2 Тимофею 3:1, 13 и подам дума пала вопросо, саво май тэлэ.
-
Хохавнэ мануша, пала савэ пистромэ андо 13 стихо, када кадяжэ кодэла, ко нахально терэн билажавардимос лэ бэятонэнца. Васо фартэ важно тэ росԥэнэс лэ бэятонэнди, сар тэ фэринпэ кацавэ манушэндар?
Ту ӷанглян?
Лэ Иеговастирэ свидетеля вимэклэ бут публикацыи, савэ поможын лэ родителёнэнди тэ фэрин пэстирэ бэятонэн лэ манушэндар, савэ терэн нахально билажавардимос, и тэ дэн дума пала отношэния, савэ исин машкар хулай и хулаи.
-
«Фэрин пэстирэ бэятонэн» (видео)
-
«Сар тэ дэс дума лэ бэятонэнца пала кода, со лажаво?» (Журнало «Прошонпэ!», № 5 пала 2016 бэрш).
6. Стов патив по пэско дад и пэ пэсти дэй
Фартэ важно, кай и цынёне и барэ бэяцэ тэ дэн дума пативалэс пэстирэ родителёнэнца. Диқам о ВИДЕО и подам дума пала вопросоря, савэ посли видео.
-
Васо трэбуй пативалэс тэ дэс дума пэстирэ родителёнэнца?
-
Сар андэ дума тэ сыкавэс, кай ту стос патив по пэско дад и пэ пэсти дэй?
Адиносарам Притчи 1:8 и подам дума пала вопросо, саво май тэлэ.
-
Сар лэ цыкнэ бэятонэнди и савэ ужэ подбарелэ трэбуй тэ андярэн пэс, кала и родителя ԥэнэн, со лэнди трэбуй тэ терэн?
7. Служын лэ Иеговасти всаворэ ереса
И еря кай лэ Иеговастирэ свидетеля кажно курко витидэн время, кай тэ проандярэн семейно изучения. Со можно тэ терэн пэ семейно изучения? Диқам о ВИДЕО и подам дума пала вопросоря, савэ май тэлэ.
-
Со тэ терэс, кай семейно изучения тэ прожал кажно курко?
-
Со моӷут тэ стерэн и родителя, кай и семейно изучения тэ чалёл лэ бэятонэнди и тэ анэн лэнди польза? (Диқэн само пэрво картинка андэ кадэя ӷлава.)
-
Со можэт тэ на дэл всаворэ ерести тэ стидэнпэ вмести важ и семейно изучения?
О Иегова камэлас, кай и еря андо древнё Израилё тэ на промэкэн и время, кала трэбуй сас тэ стидэнпэ, кай тэ сытён па Свынто Писания. Адиносарам Второзаконие 6:6, 7 и подам дума пала вопросо, саво май тэлэ.
-
Сар андо тиро ери ту можэш тэ терэс па кадэва принцыпо?
Со можно тэ терэс пэ семейно изучения?
-
Подӷотовица всаворэ ереса каринг и собрания.
-
Проадинон варисави история анда Библия или дэсавэ стихоря андар латэ, савэ авэна интересни важ тумаро ери.
-
Если тумэндэ исин цынёне бэяцэ, скачайте и распечатайте и задании важ лэндэ, савэ исин по сайто jw.org.
-
Если тумарэ бэяцэ ужэ подбарелэ, тоди виарақэн по сайто jw.org и статья, сави важ и тэрнэ мануша и проадинон ла вмести.
-
Вмести лэ бэятонэнца стон сцэнка пала варисави история анда Библия.
-
Вмести лэ ереса диқэн варисаво видео по сайто jw.org и подэн дума, со тумэнди чалеля.
ТУТИ ВАРИКО МОЖЭТ ТЭ ԤЭНЭН: «И бэяцэ на полэна, пала со пистромэ андэ Библия».
-
Со ту ԥэндоп пэ када?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай о Иегова камэл, кай и родителя тэ любин, тэ сытярэн и тэ фэрин пэстирэ бэятонэн. Ай лэ бэятонэндар во аштярэл, кай вонэ тэ кандэн лэ родителёнэн и тэ стон патив пэр лэндэ. Во кадяжэ камэл, кай родителя и бэяцэ вмести тэ служын лэ Иеговасти.
Сар ту гиндос?
-
Сар о дад и дэй моӷут тэ сытярэн и тэ фэрин пэстирэ бэятонэн?
-
Сар и бэяцэ моӷут тэ сыкавэн, кай стон патив пэ родителя?
-
Васо авелоп драго кажно курко тэ проандярэс семейно изучения?
ДИК ИНКЕ
Сар тэ поможын лэ бэятонэнди, кай кала вонэ вибарёна, лэндэ тэ авэл лашо характеро?
«Шесть качеств, необходимых ребенку» («Прошонпэ!», № 2 пала 2019 бэрш)
Савэ советоря исин андэ Библия важ кодэла, ко диқэл пала пэстирэ ԥурэ родителя?
«Что в Библии говорится о том, как заботиться о престарелых родителях?» (статья по сайто)
Уӷан, сар ек мурш, саво на ӷанэнас, сар тэ барярэл лэ бэятонэн, ашэля лашэ дадэса.
Уӷан, со можэт тэ стерэл о дад, кай тэ ашэлпэ важ пэско шаво лашэ друӷоса.
a Андэ Библия пистромэ, кай лэ бэятонэн трэбуй тэ сытярэс, тэ поможыс лэнди тэ полэн, со вонэ терэн най кадя, ай дэкала дажэ тэ просытярэс лэн. Но када на сыкавэл, кай лэ бэятонэнца можно тэ андярэс пэс жэстоко чи тэ унижаеш лэн (Притчи 4:1).
