AISISIAET NA 50

Epone Ani Epedoria Ekalekon Araut Loiyalama?—Atutubet Na 2

KOBOLIAK

Eraasi idwe ainakinet kaneejai Yawe. Ekoto ngesi auriak aitopoloun ikecedwe ejok. Ijaikinit Yawe aicoreta nuka acoa nuingarakinete auriak aswam ngun. Aicoretake einakinitos idwe da nuibusakinit aswam tetere ekale eraun loiyalama.

1. Anu bo aicoreta nueinakinit Yawe auriak?

Ekoto auriak amin ikecedwe ka aitwasam apak naepol kanu ajaut keda kes. Ekoto bobo ngesi auriak ayuwarit ikecedwe koboro luepedorete adumakin kes ationis ka aituutoonor kes kitwasamaete aicoreta nuka Ebaibuli. (Awaragasia 1:8) Elimokinit Yawe lukapapa ebe: “Kosaenenete [ikusidwe kotoma] . . . aituutoor naka Ejakait.” (Kosiom Ipeson 6:4.) Iyalamikin Yawe noi naetupakiniata auriak aicoretake nuka aitopoloun idwe ido komam kesi ekorakinete luce epelu loka aitopoloun ikecedwe.

2. Anu bo aicoreta nueinakinit Yawe idwe?

Icorakinit Yawe idwe ebe: “Korimasi ikusikauriak.” (Kosiom Ikolosain 3:20.) Arai erimaaritos idwe auriakakec, isiyalamikinete kesi auriakakec ka Yawe da. (Awaragasia 23:22-25) Naaraar Yesu ikoku abu koinak aanyunet naejok. Karaida arai ngesi loadolit, arimaarit ngesi auriakake ido koyongite kes.—Luka 2:51, 52.

3. Epone ani ipedoriata yesi kwape ekale aitogogong eidicanekus keda Edeke?

Arai irai ijo aurian, komam abuonokin ikoto jo ikonidwe da aminun Yawe kwape iminar ijo. Epone ani ipedoria ijo aitodolikin ngun? Kopone loka aswam nuicorakinit Ebaibuli ebe: “Kodunyakinite aisisianakin . . . ikonidwe [akiro nuka Yawe], kinerenena da kes iboienenei kotogokon, ilosenenei korot.” (Ikisila 6:7) Akirot “kodunyakinite” erai akepolou ebe aisisianakin kopone loka ainyogonyog akirot. Eebo, ipedori ijo kojeni ebe erai ijo duc ainyogonyog akiro tetere ikonidwe iitunete. Apolou naka ekokoro kalo erai ebe ibusakinit ijo adumunun apak kanu einer kikonidwe nuikamunitos Yawe. Ejok noi lukokale kere adumun apak kangolisabiiti kanu aima Yawe kwape ekale. Karaida emameete yes idwe, ibusakinit yesi adumun apak kangolisabiiti kanu aisisia Akirot Naka Edeke.

KISISIAU NUIPU

Kisisiau nuipedorete yesi aswam kanu ayaun aiyalama ka ayuwara okale.

4. Kituutoono ikonidwe kitwasamai amin

Aituutoonor idwe epedori araut ibore yenetiono. Epone ani epedoria Ebaibuli aingarakin ijo? Kosiom Yakob 1:19, 20, kosodete aimor aingiseta nuta:

Epone ani epedoriata auriak aitodun amin inerasi keda ikecedwe?
Kanuinyo mam ibusakinitor aurian alecor ikekoku kotoma anyunyura? a

5. Koyuwa idwekon

Kanu jo ayuwar idwekon, erai ibore yenepol ijo ainerenen kanginidiopet kakesi nuikamunitos aelo. Epedorete nu asubit bala nukileic. Koboliak EBIDIO, kosodete aimor aingiseta nuetupakinete.

EBIDIO: Koyuwa Ikonidwe Kotoma Aronis (2:58)

Kanuinyo etionikinitor auriak ice einer keda ikecedwe nuikamunitos aelo?
Epone ani apedoriata auriak ice aisisianakin ikecedwe nuikamunitos aelo?

Kwape adwaritere, akwap na naeyait Satan iyata amunaar noi. Kosiom 2 Timoteo 3:1, 13, kosodete aimor aingiset nata:

Ice kotunga luarokok luineritai kokokoron 13 isiolete idwe. Aso, kanuinyo eraar ibore yenepol auriak aisisianakin ikecedwe nuikamunitos aelo ka epone loepedoriata idwe ayuwar kaneejaasi luekotosi aiteper kes?

Ijeni kereka jo?

Itolomununete Ajenak Luka Yawe iboro luipu, luingarakinete auriak aisisianakin ikecedwe nuikamunitos aelo ka ayuwar kes kaneejaasi itunga lueroko. Kwape aanyunet, koany:

Koyuwa Idwekon (ebidio)
Learn From the Great Teacher, esula lo 10 keda lo 32
“Aisisianakin Ikonikoku Nuikamunitos Aelo” (Awake! No. 5 2016)

6. Koyongite auriakakon

Epedorete idwe ludidik ka atumunak einer keda auriakakec kitodunitos ayongit. Koboliak EBIDIO, kosodete aimor aingiseta nuetupakinete.

EBIDIO: Epone Ani Apedoria Eong Einer Keda Auriakaka? (2:19)

Kanuinyo ibusakinitor ikoku einer keda auriakake kitodunite ayongit?
Epone ani epedoria ikoku einer keda auriakake kitodunite ayongit?

Kosiom Awaragasia 1:8, kosodete aimor aingiset nata:

Anyoika bo nuibusakinit ikoku aswam naijaikiniata auriakake ngesi aicoretait?

7. Komaata Yawe kwape ekale

Itemokinitos ikalia luka Ajenak Luka Yawe apak kangolisabiiti kanu aima nepepe kwape ekale. Epone ani emaere kwape ekale? Koboliak EBIDIO, kosodete aimor aingiseta nuetupakinete.

EBIDIO: Ainingosia Keda Arerengusio Nuka Aima Kwape Ekale (8:04)

Epone ani epedoria ekale adunyakinit atupit ainapeta nuka aima nepepe?
Anyoika nuepedori aurian aswam kanu aitaraun aima kwape ekale ibore yeningarakini ido yenelelakinitos lukokale?—Koany aput naegei kaisisiaet kana.
Ani bo ainingosit naticepak epedori aisimik yes aisisia nepepe kwape ekale?

Kolo sek koIsirael, akoto Yawe ikalia adumunun apak einer nuikamunitos Akekirot. Kosiom Ikisila 6:6, 7, kosodete aimor aingiset nata:

Epone ani ipedoria oni atupakin aicoretait na?

Aomisio nuingarakinete kanu aima kwape ekale:

Itemonokisi nepepe nuebeit aisisia kotoma airiamununeta.
Kosiomata kotoma Obaibuli akiro nuepedori ekale alelakin kosodete aimor.
Arai ejaasi ijo idwe ludidik, kikop arai bo kijeru kolago loka jw.org atutubet naeinakinitere idwe nuiswama.
Arai ejai ijo ikoku yenerai atumunan, komorata keda ngesi aisisiaeta nuka atumunak nuejaas olago jw.org.
Kwape ekale, ituputooros bala idiotunga luinerit Ebaibuli kosodete aswam kwape kakesi.
Kiteoto kosodete aimor ediobidio loko jw.org.

EBAKASI ICETUNGA EBE: “Mam idwe epedorete amisiikin Ebaibuli.”

Epone ani ibongokinia ijo?

NUIDAU AISISIAUN

Ekoto Yawe auriak amin, aituutoor, ka ayuwarit ikecedwe; idwe da ayongit ka arimaarit auriakakec; ido ekoto bobo ngesi ikalia aima nepepe.

Ainyogoor

Epone ani epedoriata auriak aituutoor ka ayuwarit ikecedwe?
Epone ani epedoriata idwe ayongit auriakakec?
Anu bo ajokisio nuedumuni ekale kotoma aitemokin apak kangolisabiiti kanu aima nepepe kwape ekale?

Apak naingetakinitor aisisiaet na:

Nuebeit ijo aitodolikin

Kingitu luce kotoma atukot aomisio nuepedorete aingarakin kotoma aima kwape ekale.

Ace:

Your other goal