HAAPIIRAA 50
E nafea to oe utuafare e oaoa ˈi? (Tuhaa 2)
E ô te mau tamarii no ǒ mai ia Iehova ra. Te hinaaro ra o ˈna ia aupuru te mau metua i teie ô. Ua horoa mai Iehova i teie aˈoraa paari no te tauturu i te mau metua ia na reira. E faaite atoa ta ˈna aˈoraa eaha ta te mau tamarii e nehenehe e rave no te tauturu i to ratou utuafare ia oaoa.
1. Eaha te aˈoraa ta Iehova e horoa i te mau metua?
Te hinaaro ra Iehova ia here te mau metua i ta ratou mau tamarii e ia faaherehere i te taime no ratou. Te hinaaro atoa ra o ˈna ia paruru te mau metua i ta ratou mau tamarii i te mauiui e ia faaohipa i te mau faaueraa tumu Bibilia no te faaineine ia ratou. (Maseli 1:8) Te parau ra o ˈna no te mau metua tane: “A tamau . . . i te aupuru [i ta outou mau tamarii] i . . . te faaararaa a Iehova.” (A taio i te Ephesia 6:4.) E oaoa Iehova mai te peu e pee te mau metua i ta ˈna aratairaa, ia aupuru i ta ratou mau tamarii e e eiaha râ e horoa i taua hopoia na te tahi atu.
2. Eaha te aˈoraa ta Iehova e horoa i te mau tamarii?
Te haapii ra Iehova i te mau tamarii: “A faaroo i to outou na metua.” (A taio i te Kolosa 3:20.) Ia faatura e ia faaroo te mau tamarii i to ratou na metua, e faaoaoa ratou ia Iehova e i to ratou na metua. (Maseli 23:22-25) Ua vaiiho mai Iesu i te hoê hiˈoraa maitai i to ˈna vai-apî-raa. Noa ˈtu mea tia roa o ˈna, ua faaroo e ua faatura o ˈna i to ˈna na metua.—Luka 2:51, 52.
3. E nafea oe ia faafatata ˈtu â i te Atua ei utuafare?
Mai te peu e metua oe, mea papu e hinaaro oe ia rahi to ratou here ia Iehova mai ta oe e faaite ra. E nafea teie fa e naea ˈi ia oe? Ma te faaohipa i ta te Bibilia e parau ra: “Ia haapii tamau oe i [te mau parau a Iehova] i ta oe mau tamarii, ia paraparau oe no nia i te reira ia parahi oe i roto i to fare, ia haere oe na nia i te purumu.” (Deuteronomi 6:7) Te auraa o te taˈo ra “haapii,” o te tamauraa i te faahiti i te mau mea. Papu maitai, ia faahiti pinepine oe i te mau mea i ta oe mau tamarii, e haamanaˈo ratou i te reira. Te auraa o teie irava, ia imi noa oe i te mau taime no te paraparau i ta oe mau tamarii no nia ia Iehova. Mea maitai ia faaherehere i te tahi taime i te mau hebedoma atoa no te haapii amui i te Bibilia. Mai te peu aita e tamarii ta oe, mea maitai ia rave oe i te taime i te mau hebedoma atoa no te haapii i te Parau a te Atua.
A FAAHOHONU ATU Â
A feruri i te mau ravea tano o te tauturu i te taatoaraa o te utuafare ia oaoa e ia faaea hau noa.
4. A haapii i ta oe mau tamarii ma te here
E ere i te mea ohie ia haapii i te hoê tamarii. E nafea ïa te Bibilia e tauturu mai ai? A taio i te Iakobo 1:19, 20, e a aparau i teie mau uiraa:
-
E nafea te mau metua e faaite ai i te here ia paraparau ratou i ta ratou mau tamarii?
-
No te aha eiaha te hoê metua e aˈo i ta ˈna mau tamarii ia riri o ˈna? a
5. A paruru i ta oe mau tamarii
No te paruru i ta oe mau tamarii, mea faufaa ia paraparau oe ia ratou tataitahi no nia i te taatiraa i te pae tino. E ere râ i te mea ohie. A pata i te VIDEO, e a aparau i te mau uiraa i muri nei.
-
No te aha e ere i te mea ohie no te tahi mau metua ia paraparau i ta ratou mau tamarii no nia i te taatiraa i te pae tino?
-
Eaha ta te tahi mau metua i rave no te faataa i ta ratou mau tamarii no nia i te taatiraa i te pae tino?
Ua tohuhia, e rahi noa ˈtu â te ino i roto i te ao a Satani. A taio i te Timoteo 2, 3:1, 13, e a aparau i teie uiraa:
-
E rave ino te tahi mau taata ino tei faahitihia i roto i te irava 13 i te mau tamarii. No te aha ïa mea faufaa no te mau metua, ia haapii i ta ratou mau tamarii no nia i te taatiraa i te pae tino e e nafea ia paruru ia ratou iho i te feia ino?
Ua ite anei oe?
Ua pia te mau Ite no Iehova e rave rahi mau papai e video no te tauturu i te mau metua ia haapii i ta ratou mau tamarii no nia i te taatiraa i te pae tino e no te paruru ia ratou i te hamani-ino-raa. Ei hiˈoraa, a hiˈo:
-
A paruru i ta oe tamarii (video)
-
“A haapii i ta outou tamarii no nia i te taatiraa” (A ara mai na! No 5 2016)
6. A faatura i to outou na metua
E faaite te mau tamarii e te mau taurearea i te faatura i to ratou na metua na roto i ta ratou huru paraparauraa. A pata i te VIDEO, e a aparau i te mau uiraa i muri nei.
-
No te aha mea faufaa no te hoê taurearea ia paraparau ma te tura i to ˈna na metua?
-
E nafea te huru paraparauraa a te hoê taurearea e faaite ai e te faatura ra oia i to ˈna na metua?
A taio i te Maseli 1:8, e a aparau i teie uiraa:
-
Eaha te huru o te hoê taurearea ia horoa ˈtu to ˈna na metua i te aratairaa ia ˈna?
7. A haamori ia Iehova ei utuafare
E faataa te mau utuafare Ite no Iehova i te hoê taime i te mau hebedoma atoa no te haamori amui. Mai te aha teie haamoriraa utuafare? A pata i te VIDEO, e a aparau i te mau uiraa i muri nei.
-
E nafea te hoê utuafare e rave tamau ai i te hoê haamoriraa utuafare?
-
Eaha ta te hoê metua e rave ia faatano e ia faaoraora i te haamoriraa utuafare?—A hiˈo i te hohoˈa matamua o teie haapiiraa.
-
Eaha te mea fifi roa no oe ia haapii amui?
I Iseraela i tahito ra, ua hinaaro Iehova ia paraparau tamau te mau utuafare no nia i te mau Papai. A taio i te Deuteronomi 6:6, 7, e a aparau i teie uiraa:
-
Nafea oe e faaohipa ˈi i teie faaueraa tumu?
Manaˈo tauturu no te haamoriraa utuafare:
-
A faaineine i te mau putuputuraa a te amuiraa.
-
A taio e a aparau no nia i te hoê aamu Bibilia o te faaoaoa i to oe utuafare.
-
Mai te peu e tamariirii ta oe, a rave mai aore ra a nenei mai i te mea tano no to ˈna matahiti i nia i te jw.org.
-
Mai te peu e taurearea ta oe, a aparau i nia i te hoê tumu parau no te mau taurearea i nia i te jw.org.
-
A hauti i te hoê aamu Bibilia e ta oe mau tamarii.
-
A mataitai e a aparau no nia i te hoê video i nia i te jw.org.
TE MANAˈO O VETAHI: “Mea fifi no te mau tamarii ia taa i te Bibilia.”
-
Eaha ta oe e pahono?
HAAPOTORAA
Te hinaaro ra Iehova ia here, ia haapii e ia paruru te mau metua i ta ratou mau tamarii. Ia faatura e ia faaroo te mau tamarii i to ratou na metua e ia haamori amui te mau utuafare ia ˈna.
Haamanaˈoraa
-
Nafea te mau metua e haapii ai e e paruru ai i ta ratou mau tamarii?
-
Nafea te mau tamarii e faaite ai i te faatura i to ratou na metua?
-
Eaha te mau haamaitairaa ia faatupu i te haamoriraa utuafare i te mau hebedoma atoa?
HIˈOPOA
Eaha te mau haapiiraa no te faaineine i ta oe tamarii no te riro mai ei taata paari?
“E ono haapiiraa e haapii i ta outou tamarii” (A ara mai na! No 2 2019)
A haapii i te aˈoraa tano ta te Bibilia e horoa ra i te feia e aupuru ra i to ratou na metua ruhiruhia.
A hiˈo nafea te hoê tane aita i ite nafea ia haapii i ta ˈna mau tamarii i te manuïaraa ei metua tane.
Ua haapii mai o Iehova ia aupuru i ta mâua mau tamarii (5:58)
A hiˈo nafea te mau metua tane i te vai-piri-noa-raa i ta ratou mau tamaiti.
“E nafea te papa e hoa noa ˈi e ta ˈna tamaiti?” (Te Pare Tiairaa 1 no Titema 2011)
a I roto i te Bibilia, e faaauhia te “aˈoraa” i te haapiiraa e te aratairaa i te hoê tamarii e i te tautururaa ia ˈna ia taui i te manaˈo e te haerea tano ore. E ere roa ˈtu ïa te auraa ia haavî aore ra ia hamani ino ia ratou.—Maseli 4:1.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
