بچے ماں باپ کے لیے یہوواہ خدا کی طرف سے تحفہ ہوتے ہیں۔ یہوواہ چاہتا ہے کہ ماں باپ اِس تحفے کا اچھی طرح خیال رکھیں۔ وہ ماں باپ کو بہت سے اچھے مشورے دیتا ہے جن پر عمل کرنے سے وہ ایسا کر سکتے ہیں۔ اُس کی ہدایتوں پر عمل کرنے سے بچے بھی گھر کے ماحول کو خوش‌گوار بنانے میں اپنا حصہ ڈال سکتے ہیں۔‏

1.‏ بائبل میں ماں باپ کو کیا نصیحت کی گئی ہے؟‏

یہوواہ چاہتا ہے کہ ماں باپ اپنے بچوں سے پیار کریں اور اُن کے ساتھ زیادہ سے زیادہ وقت گزاریں۔ وہ یہ بھی چاہتا ہے کہ ماں باپ اُن کی حفاظت کریں اور بائبل میں دیے گئے اصولوں کے ذریعے اُن کی تربیت کریں۔ (‏امثال 1:‏8‏)‏ وہ والدوں سے کہتا ہے:‏ ‏”‏یہوواہ کی طرف سے [‏اپنے بچوں]‏ کی .‏ .‏ .‏ رہنمائی کرتے ہوئے اُن کی پرورش کریں۔“‏ (‏اِفسیوں 6:‏4 کو پڑھیں۔)‏ جب والدین یہوواہ کی ہدایتوں کے مطابق اپنے بچوں کی پرورش کرتے ہیں اور کسی اَور پر یہ ذمے‌داری نہیں ڈالتے تو یہوواہ اُن سے خوش ہوتا ہے۔‏

2.‏ بائبل میں بچوں کو کیا نصیحت کی گئی ہے؟‏

یہوواہ بچوں کو نصیحت کرتا ہے:‏ ‏”‏اپنے ماں باپ کے فرمانبردار ہوں۔“‏ (‏کُلسّیوں 3:‏20 کو پڑھیں۔)‏ جب بچے اپنے ماں باپ کی عزت کرتے ہیں اور اُن کا کہنا مانتے ہیں تو یہوواہ بھی خوش ہوتا ہے اور اُن کے ماں باپ بھی۔ (‏امثال 23:‏22-‏25‏)‏ اِس سلسلے میں یسوع مسیح نے بڑی اچھی مثال قائم کی۔ جب وہ چھوٹے تھے تو اُنہوں نے اپنے ماں باپ کی عزت کی اور اُن کا کہنا مانا حالانکہ وہ بے‌عیب تھے اور اُن کے ماں باپ عیب‌دار۔—‏لُوقا 2:‏51، 52‏۔‏

3.‏ آپ ایک خاندان کے طور پر خدا کے قریب کیسے جا سکتے ہیں؟‏

اگر آپ کے بچے ہیں تو بے‌شک آپ چاہتے ہوں گے کہ آپ کے بچے بھی یہوواہ خدا سے اُتنی محبت کریں جتنی آپ کرتے ہیں۔ آپ اپنے بچوں کے دل میں یہوواہ کے لیے محبت کیسے پیدا کر سکتے ہیں؟ آپ بائبل میں لکھی اِس نصیحت پر عمل کر سکتے ہیں:‏ ‏”‏تُو [‏یہوواہ کی باتوں]‏کو اپنی اولاد کے ذہن‌نشین کرنا اور گھر بیٹھے اور راہ چلتے .‏ .‏ .‏ وقت اِن کا ذکر کِیا کرنا۔“‏ (‏اِستثنا 6:‏7‏)‏ ذہن‌نشین کرانے کا مطلب ہے:‏ کسی بات کو بار بار دُہرا کر سمجھانا۔ آپ نے دیکھا ہوگا کہ بچوں کو کوئی بات یاد کرانے کے لیے آپ کو وہ بات اکثر دُہرانی پڑتی ہے۔ اِس آیت کا مطلب ہے کہ آپ کو باقاعدگی سے اپنے بچوں کے ساتھ یہوواہ کے بارے میں بات کرنی چاہیے۔ اچھا ہوگا کہ آپ ہفتے میں ایک دن مقرر کریں جب آپ خاندان کے طور پر مل کر یہوواہ کی عبادت کر سکیں۔ اگر آپ کے بچے نہیں ہیں تو بھی آپ کو ہر ہفتے مل کر پاک کلام کا مطالعہ کرنے سے فائدہ ہوگا۔‏

 موضوع کی گہرائی میں جائیں

 6.‏ اپنے ماں باپ کی عزت کریں

 خلاصہ

یہوواہ خدا چاہتا ہے کہ ماں باپ بچوں سے پیار کریں، اُن کی تربیت کریں اور اُن کی حفاظت کریں۔ وہ چاہتا ہے کہ بچے اپنے ماں باپ کی عزت کریں اور اُن کا کہنا مانیں۔ وہ یہ بھی چاہتا ہے کہ خاندان مل کر اُس کی عبادت کریں۔‏

دُہرائی

• والدین اپنے بچوں کی تربیت اور حفاظت کیسے کر سکتے ہیں؟‏

• بچے اپنے ماں باپ کی عزت کیسے کر سکتے ہیں؟‏

• ہر ہفتے خاندانی عبادت کے لیے وقت نکالنے کے کون سے فائدے ہیں؟‏