LESSION 50

Come che la to fameia la pol esser felice? — Parte 2

SONAR

I fioi i ze un bel presente che Geovà el ga dato ai genitori. Alora, lu el vol che el pare e la mare i tende tanto ben dei so fioi. Par quela, Geovà el ghe dà boni consili par giutarli a slevar ben i fioi. I so consili anca i mostra cossa i fioi i ga de far par giutar la fameia a esser felice.

1. Che consili Geovà el dà ai genitori?

Geovà el vol che i genitori i ame e i protege i so fioi dele robe rugne che ghen’è. Lu anca el vol che i genitori i dopere quel che ghen’è nela Bìblia par insegnarghe. (Proverbi 1:8) Lu el dise ai genitori: ‘Seité a slevarli nela orientassion de Geovà.’ (Ledi Efesi 6:4.) Geovà anca el vol che i genitori i dopere tuto el tempo che i pol par star insieme dei so fioi. E lu el resta tanto contento quando i genitori i se sforsa de slevar ben i so fioi invesse de assar che i altri i lo fae.

2. Che consili Geovà el dà ai fioi?

Geovà el dise ai fioi: ‘Obedì al pupà e ala mama.’ (Ledi Colossensi 3:20.) Alora, i fioi i ga de obedir e rispetar so pare e so mare. Se lori i fà questo, lori i assa Geovà e i so genitori tanto contenti. (Proverbi 23:22-25) Gesù el ga dato un bel esémpio quando l’era un toseto. Anca se lu el fusse perfeto, lu el ga sempre obedio e rispetà so pare e so mare, che no i era mia perfeti. — Luca 2:51, 52.

3. Come che la fameia la pol gaver una forte amicìssia con Geovà?

Se te sì pare o mare, sicuro che te vol che i to fioi i ame a Geovà. Cossa te pol far par giutarli a amarlo? Deuteronómio 6:7 el dise: ‘Te ghè de seitar a parlar sora le parole de Geovà ai to fioi e te ghè de insegnarle ai to fioi quando te sì sentà nela to casa, e quando te camini par la strada.’ Questo testo el mostra che te ghè de sforsarte par parlar sempre sora Geovà ai to fioi. Fursi te te ghè belche nicorto che lori sol i ze boni de ricordarse de una roba se te seiti a parlarghe una volta drio man. Alora, te ghè de seitar a parlar sora Geovà ai to fioi. Par quela, l’è tanto importante far la adorassion in fameia tute le stimane. E anca se no te ghè mia fioi, l’è importante torte del to tempo par studiar la Bìblia tute le stimane.

IMPARA DE PI!

Che consili che i ndarà giutarve a gaver una fameia felice?

4. Insegna i to fioi con amor

Pol esser fadiga insegnarghe ai fioi. Ma come che la Bìblia la pol giutarve? Ledé Tiago 1:19, 20, e dopo, parlé sora questo:

Come che i genitori i pol mostrar amor ai so fioi quando i ze drio discorer con lori?
Parché che i genitori no i ga mai de dissiplinar i so fioi quando i ze cativi? a

5. Protegi i to fioi

Par proteger i to fioi, l’è tanto importante che te ghe parli sora sesso, anca se l’è fadiga par ti. Vardé el VÌDEO, e dopo, parlé sora questo:

VÌDEO: Gavé de proteger i vostri fioi dele “brute robe” (2:58)

Parché che l’è fadiga par arquanti genitori parlar sora sesso coi so fioi?
Come che i genitori i pol parlar sora sesso coi so fioi?

La Bìblia belche la gavea dito che le persone de questo mondo le restaria cada volta pi rugne. Ledé 2 Timòteo 3:1, 13, e dopo, parlé sora questo:

Tanti de quei che el versìcolo 13 el parla fin i violenta i tosatei. Alora, parché che i genitori i ga de insegnarghe sora sesso ai so fioi e come protegerse de queste persone?

Seto questo?

Le Testimònie de Geovà le fà arquante publicassion par giutar i genitori a insegnar sora sesso ai so fioi e come protegerse de persone rugne. Varda arquanti esempi:

Toca proteger i fioi (Vìdeo)
Impara del Grando Istrutor, capìtoli 10 e 32
“Come che te pol parlar coi to fioi sora sesso?” (Despertai!, No. 5 de 2016)

6. Mostra che te rispeti i to genitori

I tosatei e i gióveni i pol mostrar che i rispeta so pare e so mare par la maniera che i parla con lori. Vardé el VÌDEO, e dopo, parlé sora questo.

VÌDEO: Come parlar coi me genitori? (2:19)

Parché che l’è bon che i gióveni i mostre rispeto a so pare e so mare?
Come che i gióveni i pol parlar de una maniera che mostre rispeto ai so genitori?

Ledé Proverbi 1:8, e dopo, parlé sora questo:

Cossa che un gióveno el ga de far quando i so genitori i ghe manda far qualcossa?

7. Adoré a Geovà in fameia

Le fameie che le ze Testimònie de Geovà le se tol tempo tute le stimane par far la adorassion in fameia insieme. Come i genitori i ga de far questa adorassion in fameia? Vardé el VÌDEO, e dopo, parlé sora questo:

VÌDEO: Adorassion in fameia — Le dificoltà e i benefissi (8:04)

Cossa pol giutarve a sempre far la adorassion in fameia?
Cossa pol giutar i genitori a far una bela adorassion in fameia? — Varda el ritrato nel scomìnsio de questa lession.
Parché che fursi pol esser fadiga par valtri far sempre la adorassion in fameia?

Geovà el volea che le fameie in Israel le discoresse sempre sora la Bìblia. Ledé Deuteronómio 6:6, 7, e dopo, parlé sora questo:

Come che te pol meter in pràtica quel che questo testo el dise?

Cossa podé far nela adorassion in fameia?

Pareciarse par le riunion.
Leder una stòria dela Bìblia che ve piase e parlar sora quel che gavé imparà.
Se valtri gavé tosatei, podé sbassar e stampar le atività che ghen’è nel jw.org.
Se valtri gavé fioi gióveni, parlé sora un artìcolo par i gióveni del jw.org.
Far finta che valtri e vostri fioi sì persone de una stòria dela Bìblia.
Vardar e parlar sora un vìdeo del jw.org.

FURSI TE GHÈ BELCHE SCOLTÀ: “Se noantri no semo boni de capir ben quel che ghen’è nela Bìblia, manco ancora i tosatei.”

Cossa che te ndarissi risponder?

COSSA CHE TE GHÈ IMPARÀ?

Geovà el vol che i genitori i ame, i insegne e i protege i so fioi. Lu anca el vol che i fioi i obedissa e i rispete i so genitori. E tuta la fameia la ga de adorar a Geovà insieme.

Sito bon de ricordarte?

Come che i genitori i pol insegnar e proteger i so fioi?
Come che i fioi i pol mostrarghe rispeto ai so genitori?
Parché che l’è importante torse tempo par adorar a Geovà in fameia tute le stimane?

Go finio questa lession nel giorno:

Sfòrsate par . . .

domandar ai fradei nela congregassion cossa che saria bel far nela adorassion in fameia.

far anca:

Sfòrsate par far anca . . .

VUTO SAVER DE PI?

Cossa che ndarà giutar i vostri fioi quando i vegnarà pi grandi?

“Sei lession par insegnar ai to fioi” (Despertai!, No. 2 de 2019)

Varda bei consili par quei che i tende dei genitori che i ze belche veci.

“Cossa che la Bìblia la dise sora tender dei nostri veci?” (Varda nel jw.org)

Varda come un pare l’è stà bon de slevar ben i so fioi.

Geovà el ne ga insegnà a slevar su i nostri fioi (5:58)

Varda come un pare el pol esser un vero amigo del so fiol.

“Come che un pare el pol seitar esser amigo de so fiol?” (La Sentinela, 1 de novembre de 2011)

a Nela Bìblia, la parola “dissiplina” la vol dir insegnar ai fioi, mostrarghe cossa che i ga de far o giutarli a fermarse de far qualcossa bruta. Quando i genitori i dissiplina i so fioi, lori no i ga mai de tratarli mal o esser rugni. — Efesi 6:4.