დუდ 50
მუჭო შეილებნა გიღდან ბედნერ ოჯახ? — ნაწილ 2
სქუალეფ ძღვინ რე იეჰოვაშე. თინა მშობლეფშე ელჷ, ნამდა ჯგირო ქიზრუნენა თე ძღვინშე. თეშ ოკეთებელო იეჰოვა მშობლეფს ბრძნულ რჩევეფს არზენს. თიშ რჩევეფს სქუალეფიშ მოხვარა ხოლო შეულებ, ნამდა ხე ქეშუნწყუან წარმატებულ ოჯახურ ცხოვრებას.
1. მუ რჩევას არზენს იეჰოვა მშობლეფს?
იეჰოვას ოკო, მშობლეფს უჸორდან მუნეფიშ სქუალეფ დო მუთ შილებე ბრელ დრო დუთმან თინეფს. თეს გეძინელ, თის ოკო, მშობლეფქ დოთხილუან სქუალეფ ზიანშე დო გეგმირინუან ბიბლიურ პრინციპეფ თინეფიშ ოგურაფალო (იგავები 1:8). თინა მუმალეფს ურაგად: „იეჰოვაშ მოსაწონო . . . ქიგიოწურეთ [თქვან სქუალეფ]“ (წეკითხით ეფესოელეფიშ 6:4). იეჰოვას გურს უხარენს, მუჟამსით მშობლეფ მეჸუნა თიშ მითითებას, ნამუთ სქუალეფიშ რდუალას ოხუ დო თე პასუხიშმგებლობას შხვას ვეგნოჩანა.
2. მუ რჩევას არზენს იეჰოვა ბაღანეფს?
იეჰოვა ბაღანეფს ოგურუანს: „ქუდაჸუნით მშობლეფს“ (წეკითხით კოლოსელეფიშ 3:20). მუჟამსით ბაღანეფ პატიცემათ ოქცუნა დო ომორჩილნა მშობლეფს, თინეფ ქოთ იეჰოვას დო ქოთ დიდა დო მუმას უხარენა გურს (იგავები 23:22—25). იესოქ თეშ ჯგირ მაგალით დომტუეს. თიშ უმკუჯინუო, ნამდა თინა სრულყოფილ რდჷ, იშენით ომორჩილუდ დო პატიცემათ ოქცუდ მუშ მშობლეფს (ლუკა 2:51, 52).
3. მუჭო შეულებ თქვან ოჯახის, დეახლოვას იეჰოვას?
მშობელ ქორეთ-და, გოკოდან იჸი, თქვან სქუალეფს ხოლო თეშ უჸორდან იეჰოვა, მუჭოთ თქვა გიჸორა. თე მიზანიშ მეჭირნაფა შეილებნა ბიბლიას მოჩამილ სიტყვეფიშ მეჸუნათ: „გონებაშა ქინუდვჷ თინა [იეჰოვაშ სიტყვეფ] სქან სქუას დო ქეჩი თეშენ ჸუდეს, შარას გილულაშ დროს“ (კანონი 6:7). სიტყვეფ, „გონებაშა ქინუდვჷ“, ნიშნენს ართ დო იგივე მუდგარენიშ ბრელშა გურაფას. ალბათ გიჩქნა, თქვან სქუალეფს მუდგარენქ ვა გაჭყორდანინ, თინა ბრელშა ოკო გუმეორათ. თე მუხლის მოჩამილ სიტყვეფ თის ნიშნენს, ირდღას გორათ შესაძლებლობა, ნამდა თქვან სქუალეფს იეჰოვაშ გურშენ ქუდურაგადუათ. ჯგირ იჸუაფ, ირმარას დროს გეგმურთუნდათ ოჯახწკუმა ართო თაყვანიშცემას. სქუალეფ ვა რჸუნან-და, ირმარას დროშ გიშართუალა ღორონთიშ სიტყვაშ დაგურაფალო თქვა ხოლო მოიღანა ჯგირობუას.
ქიგეგით უმოს
ქიგეგით პრაქტიკულ რჩევეფ, ნამუთ მიგეხვარებნა, თქვან ოჯახ ბედნერ დო თხილერ რდას.
4. ჸოროფათ დაგურეთ ბაღანეფს
სქუაშა გურაფა შილებე ვა რდას ადვილ. მუჭო შეულებ ბიბლიას თქვან მოხვარა? წეკითხით იაკობიშ 1:19, 20 დო უკულ გარჩით თუდო მოჩამილ კითხვეფ:
-
მუჭო შეულებნა მშობლეფს გიმირჩქინან ჸოროფა ბაღანეფწკუმა ჩიებაშ დროს?
-
მუჟამსით მშობლეფს გურ აფნა მოულირ, მუშენ ოკო ვა დასაჯან ბაღანეფ? a
5. დოთხილეთ თქვან სქუალეფ
თქვან სქუალეფიშ ოთხილარო მნიშვნელოვან რე, თითოულ ბაღანაწკუმა ქიჩუათ სექსიშ გურშენ. თენა შილებე უხერხულ გაფდან. ქოძირით ვიდეო დო უკულ გარჩით თუდო მოჩამილ კითხვეფ.
-
მუშენ რე რთულ ნამთინე მშობელშო სქუალეფწკუმა სექსიშ გურშენ ჩიება?
-
მუ საშვალებეფ გიმირინუ ნამთინე მშობელქ სქუალეფშა სექსიშ გურშენ დარაგადაფალო?
მუჭოთ ნაწინასწარმეტყველეფ რდჷ, სატანაშ ქვეყნიერება უმოს უბადოთ გინმირთუ. წეკითხით 2 ტიმოთეშ 3:1, 13 დო უკულ გარჩით თუდო მოჩამილ კითხვა:
-
13-ა მუხლის მოშინაფილ უბადო კათაშე ნამთინე, ბაღანეფიშ მიმართ სექსუალურ მოძალადე რე. თაშ ნამდა, მუშენ რე მნიშვნელოვან მშობლეფშო, სქუალეფს სექსიშ დო თიშ გურშენ ოგურუან, მუჭო დეცვან დუდ მოძალადეშე?
ქოიჩქუდესო?
იეჰოვაშ მოწმეეფ გიშაშქვანა ბრელნერ ოგურაფალ საშვალებას, ნამუთ ოხვარ მშობლეფს, ოგურუან მუნეფიშ სქუალეფს სექსიშ დო თიშ გურშენ, მუჭო დეცვან დუდ ძალადობაშე. მაგალთო, ქოძირით:
6. პატიცემათ მექცით მშობლეფს
ბაღანეფს დო მოზარდეფს მშობლეფიშ პატიცემაშ გიმორჩქინა თით შეულებნა, ნამდა პატიცემათ დურაგადუან თინეფს. ქოძირით ვიდეო დო უკულ გარჩით მოჩამილ კითხვეფ:
-
მუშენ რე მნიშვნელოვან, ახალგაზრდაქ პატიცემათ დურაგადუას მშობლეფს?
-
მუჭო შეულებ ახალგაზრდას, თეშ დურაგადუას მშობლეფს, ნამდა პატიცემა ქაძირუას თინეფს?
წეკითხით იგავეფიშ 1:8 დო უკულ გარჩით თუდო მოჩამილ კითხვა:
-
მუჭო ოკო მიქცუას ახალგაზრდაქ, მუჟამსით მშობლეფ მითითებას არზენა?
7. ოჯახამო ემსახურით იეჰოვას
იეჰოვაშ მოწმეეფიშ ოჯახეფ ირმარას კონკრეტულ დროს გიმურთუნა ოჯახურ თაყვანიშცემას. მუჭო შეილებნა თიშ ჩატარება? ქოძირით ვიდეო დო უკულ გარჩით თუდო მოჩამილ კითხვეფ:
-
მუჭო შეულებ ოჯახის, ირიათო უღდას ოჯახურ თაყვანიშცემა?
-
მუშ კეთება შეულებნა მშობლეფს, ნამდა ოჯახურ თაყვანიშცემაქ პრაქტიკულქ დო სახალისოქ ქიჸუას? (ქოძირით თე დუდიშ დაჭყაფუს მოჩამილ სურათ)
-
მუშენ შილებე თქვან ოჯახშო ძნელ რდას ართო გურაფა?
ჯვეშ ისრაელს, იეჰოვა ოჯახეფშე ითხინდჷ, ნამდა რეგულარულო იჩისკო წმინდა წერილეფიშ გურშენ ართიანწკუმა. წეკითხით კანონიშ 6:6, 7 დო უკულ გარჩით თუდო მოჩამილ კითხვა:
-
მუჭო შეილებნა თე პრინციპიშ გიმორნაფა?
მუ შეილებნა გარჩუათ ოჯახურ თაყვანიშცემაშ დროს?
-
მემზადით კრებაშ შეხვალამეფშო.
-
წეკითხით დო გარჩით თი ბიბლიურ შემთხვევეფ, ნამუთ თქვან ოჯახშო იჸუაფ საინტერესო.
-
ჭიჭე ბაღანეფ ქორჸუნან-და, ვებგვერდშე jw.org, გეგნიჭარით ვარდა გეშაბეშტეთ ოვარჯიშებელეფ ბაღანეფშო.
-
მოზარდ სქუალეფ ქორუნან-და, გარჩით ახალგაზრდეფშო მოჩამილ სტატიეფ ვებგვერდის jw.org.
-
ქუდოდგით ბიბლიურ ისტორიეფიშ ინსცენირებეფ.
-
ქუჯინით ვიდეოს ვებგვერდშე jw.org დო გარჩით თინა.
ნამთინექ შილებე თქუას: „ბიბლია ბაღანეფშო მანგარ რთულ გაგებელ რე“.
-
თქვა მუს თქუანდით?
დასკვნა
იეჰოვას ოკო, მშობლეფს უჸორდან მუნეფიშ სქუალეფ, ოგურუანდან დო თხილანდან თინეფს; თეს გეძინელ, სქუალეფ პატიცემათ ოქცუდან დო ომორჩილდან მშობლეფს დო ოჯახეფ ართო ცენდან თის თაყვანს.
გამეორებელ კითხვეფ
-
მუჭო შეულებნა მშობლეფს ოგურუან მუნეფიშ სქუალეფს დო დეცვან თინეფ?
-
მუჭო შეულებნა ბაღანეფს მშობლეფიშ პატიცემაშ გიმორჩქინა?
-
მუ ჯგირობუა მოუღ ირმარას ოჯახურ თაყვანიშცემაშო დროშ გიმორთუალას?
დამატებით მასალა
მუ ეწადირთუნა თქვან ბაღანეფს დიდობას?
„ამშვ მუდგარენ, მუთ ბაღანეფქ ოკო დიგურუან“ („გეგშაკურცხით!“ №2, 2019 წ.)
ქიგეგით, მუ პრაქტიკულ რჩევეფს ირზენს ბიბლია თინეფშო, მით ხანშამიშულირ მშობლეფს ულუანს.
„მუს იჩიებ ბიბლია ხანშამიშულირ მშობლეფიშ მიკოლუაფაშენ?“ (ვებ მასალა)
ქოძირით, მუჭო გინირთჷ წარმატებულ მუმათ პიროვნებაქ, ნამდგას ვა უჩქუდ, მუჭო რდუკო სქუალეფ.
ქიგეგით, მუჭო შეულებნა მუმალეფს, გამანგარან ურთიერთობა მუნეფიშ ქომოლსქუალეფწკუმა.
„მუჭო შეულებნა მუმალეფს, ვადინუან ხოლოშიან ურთიერთობა ქომოლსქუალეფწკუმა?“ („გინაჯინალ კოშკი“ 1 ნოემბერი, 2011 წ.)
a ბიბლიას „დასაჯება“ დაკავშირებულ რე მითითებაშ, ხემძღვანელობაშ დო შენიშვნაშ მეჩამაშა. თინა ვა ნიშნენს ძალადობას ვარდა სასტიკო მოქციებას (იგავები 4:1).
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
