DILONGI 50

Bue dikanda diaku dilenda bela mu mayangi—(Tini ki 02)

WILA MU

Bana, badi dikaba dibedi kuidi Yehova. Yehova wulembo lombi kuidi bambuta bakeba bana bawu bumboti. Mu diambu di sadisa bambuta, Yehova weta kubavana zindongi. Yehova kembi diaka kuidi bana mambu momo balenda vanga mu diambu di dikanda diawu diba mu mayangi.

1. Zindongi mbi Yehova keta vana kuidi bambuta?

Yehova katidi bambuta bazola bana bawu ayi baviokisanga thangu yiwombo ayi bawu. Katidi diaka bambuta batanina bana bawu, ayi basadila zitsikudukusu zi Bibila mu diambu di ba balonga. (Zingana 1:8) Ayi kembi kuidi badisa ti: “Batatamana yonzula bana bawu mu landakana zitsikudukusu ayi zindubu zi Yehova.” (Tanga Efeso 6:4.) Yehova weta yangalala mu thangu bambuta balembo sadila ndongi beni yoyi ayi weta mona diaka khini enati bakadi vana kiyeko kilonga bana bawu kuidi batu bankaka.

2. Zindongi mbi Yehova keta vana kuidi bana?

Yehova weta lomba kuidi bana ti: ‘Batumukinanga bambuta ziawu.’ (Tanga Kolosayi 3:20.) Bana bo beta zitisa bambuta ziawu ayi kubatumukina, beta yangidika Yehova ayi bambuta ziawu. (Zingana 23:22-25) Yesu wumonisa kifuani kimboti thangu ka ba muana lezi. Kadiambu ko niandi wuba wuduka, wuzitisa bambuta ziandi ayi wubatumukina.—Luka 2:51, 52.

3. Bue dikanda diaku dilenda luta fikimina Nzambi?

Enati widi mbuta, weta tomba ti bana baku bazola Yehova banga ngeyo. Bue wulenda kubasadisila basadila Yehova? Bibila kitubidi ti: ‘Wufueti kotisa [mbembo Yehova] kuidi bana baku mu thangu lulembo solula, thangu luvuendi ku nzo ayi thangu lulembo diati mu nzila.’ (5 Mose 6:7) “Kotisa” yinsundula kubavutukilanga thangu ka thangu mambu momo weta kubalonga. Banga phila lubuzabidi, lufueti kubavutukilanga mambu momo mueti kubalonga mu diambu di babika kumazimbakana. Verse ya yinsundula, wufueti tombanga thangu yi tubila mambu ma Yehova thangu ka thangu kuidi bana baku. Yikala diambu dimboti mu bakanga thangu yi longuka Bibila kadika sabala mu dikanda buba luisi ko bana.

TUVISA MBOTI MBOTI

Tutala mambu momo batu badi mu dikanda balenda vanga mu diambu di baba mu mayangi ayi mu lutanunu.

4. Longa bana baku mu luzolo

Longa muana dikala ko diambu difioti. Bue Bibila kilenda sadisila? Tanga Zaki 1:19, 20 ayi vana mimvutu mu biuvu biabi:

Bue bambuta balenda monisina bana bawu ti beta bazola mu thangu balembo solula yawu?
Bila mbi yisi fuana ko bambuta basembilanga bana bawu mu nganzi? *

5. Tanineno bana beno

Mu diambu di lutanina bana beno, yikala diambu dimboti mu kubakamba masolo matedi tsangusulu nitu. Thangu zinkaka wulenda mona tsoni mu kubakamba masolo beni. Tala VIDEO ayi vana mimvutu mu biuvu biabi bilandikini.

VIDEO: Batelá bana na yo na “makambo oyo ezali mabe” (2:58)

Bila mbi bambuta bankaka beta muena tsoni tubila diambu ditedi tsangusulu nitu ayi bana bawu?
Bue bambuta bo batubidi mu video yayi banungina tubila mambu ma tsangusulu nitu kuidi bana bawu?

Banga kuandi phila mbikudulu yi Bibila yi tubila ti, nza yi Satana yela mana wala mambu mambimbi. Tanga 2 Timote 3:1, 13 ayi vana mvutu mu kiuvu kiaki:

Batu bambimbi bo batubidi mu verse 13, muidi na batu bobo beta bebisa bana mu mambu ma tsangusulu nitu. Bila mbi dididi diambu dimfunu bambuta batubilanga mambu ma tsangusulu nitu kuidi bana bawu ayi kubasudikisa bue balenda kitanina kuidi batu bobo balenda kubabebisa mu diambu beni?

Wubedi buzabilanga?

Khubukulu yi Bambangi zi Yehova yeta bimisa bisadulu biwombo mu diambu di sadisa bambuta batubila mambu ma tsangusulu nitu kuidi bana bawu ayi mu diambu di babatanina kuidi batu bo balenda babebisa mu diambu beni. Ayi tala mua ndambu bisadulu beni:

6. Kinzika bambuta ziaku

Bana ayi mintueni beta monisa ti beta zitisa bambuta ziawu mu phila yoyi beti kubakambila mambu. Tala VIDEO ayi vana mimvutu mu biuvu biabi bilandikini.

VIDEO: Ndenge nini nakoki kosolola na baboti na ngai? (2:19)

Mamboti mbi ntueni kalenda baka enati wulembo solula mu luzitu loso ayi bambuta ziandi?
Bue ntueni kalenda monisina ti weta zitisa bambuta ziandi mu thangu kalembo solula yawu?

Tanga Zingana 1:8 ayi vana mvutu mu kiuvu kiaki:

Bue ntueni kafueti bela mu thangu bambuta ziandi balembo mvani ndongi?

7. Sambileno Yehova mu dikanda

Bambangi zi Yehova beta sobula thangu kadika sabala mu tulanga tsambudulu yi dikanda. Tsambudulu beni yi dikanda bue yifueti bela? Tala VIDEO ayi vana mimvutu mu biuvu biabi bilandikini.

VIDEO: Losambo na kati ya libota—Mikakatano mpe mapamboli (8:04)

Bue batu badi mu dikanda balenda tudila mu diambu di banunga tulanga tsambudulu yi dikanda kadika sabala?
Mbi bambuta balenda tula mu diambu di tsambudulu yi dikanda yi ba thangu mosi yimfunu ayi yimboti?—Tala foto yidi va thonono yi dilongi diadi.
Mbi bilenda kakidila ndongokolo yi Bibila mu dikanda?

Yehova wuzola ti makanda ma bana ba Iseli matadila thangu zioso masonoko mandi. Tanga 5 Mose 6:6, 7 ayi vana mvutu mu kiuvu kiaki:

Bue wulenda sadila tsikudukusu beni yayi?

Mambu momo lulenda tulanga mu tsambudulu yi dikanda dieno:

Bongisanga zikhutukunu zi kimvuka.
Tanga disolo dimosi di Bibila dio dikanda dieno dieta zola ayi kudisoludila va kimosi.
Enati bana luidi, lulenda kubabongila bima bitadidi bana mu siti’eto yi jw.org voti kubabimisina biawu mu phapi.
Enati muidi na bana bo beka bantueni, lulenda soludila dio didi mu jw.org dio dibatadidi.
Lulenda tula kipa ki disolo di Bibila.
Tala video yidi mu jw.org ayi kuyisoludila.

BATU BANKAKA BETA TUBA TI: “Bibila phasi kidi mu diambu di bana bakisudika.”

Mbi wulenda vutula?

MU BUKHUFI

Yehova tidi bambuta bazola, balonga ayi batanina bana bawu, bana bazitisanga bambuta ziawu ayi baba tumukinanga ayi tidi ti makanda matulanga tsambudulu va kimosi.