DUNGU 51
¿Chumngechi ayühulabüiñ Jehová taiñ dungun mu?
Jehová deumabilu pu che elubi tañi dungual, tüba müna manelbali. Jehová, ¿manelbalpebi mai chumngechi dunguquiiñ? ¡Mai, beli! (Papiltunge Santiago 1:26). Beimu, ¿chumngechi ayühulabüiñ Jehová taiñ eipin mu?
1. ¿Chumabüiñ taiñ cüme entol taiñ eipin?
Biblia eipi: “Hueluquechi yabültucuhuaimün ca nehuentucuhuaimün” (1 Tesalonicenses 5:11). ¿Quimnimi quiñe peñi cam lamngen duamnelu ñi yabültucungeal? ¿Chumabüimi tami yabültucuabel? Eipiabüimi tami balintunebel ca chemu bente balintunebimi. Cabei raquiduamabüimi quiñeque huirin tripalu Biblia mu tami yabültucuabel. Ca ngoimaquilnge, chumngechi entuquimi tami eipin müna manelbali. Beimu ñochi dunguabüimi ca piuqueyehun mu (Proverbios 15:1).
2. Dunguliiñ, ¿chem dungu mu cuñiutucuhuaiñ?
Biblia eipi: “Tripaquilpe hueyaque dungu tamün hun mu” (papiltunge Efesios 4:29). Beimu hueyaque dungu eipilaaiñ, pod dungulaaiñ ca cuñiutucuhuaiñ taiñ hueya duamelnoabel pu che taiñ eipin mu. Cabei hueya dunguyelaaiñ caquelu che mu ca coilatudungulaaiñ taiñ huedalcaabel caque che (papiltunge Proverbios 16:28).
3. ¿Chem quelluaiñmu (incaaiñmu) cümeque dungu eipial?
Taiñ eipin pengeli chem raquiduamcüliiñ ca chem müli taiñ piuque mu (Lucas 6:45). Beimu müna manelbali raquiduamal cümeque dungu mu. Raquiduamliiñ norngechi, libngechi, piuqueyebalngechi ca yambalngechi dungu mu, cümeque raquiduam niepoaiñ (Filipenses 4:8). ¿Ca chumabüiñ taiñ cüme raquiduamal? Cüme ngümintoiñ (dulliaiñ) chem dungu bemaiñ cüme upaliiñ, ca cümeque hueni quintoiñ (Proverbios 13:20). Cabei petu dungunoliiñ, raquiduamabüiñ chum duamelabüiñ tati pu che taiñ eipin mu. Beimu Biblia eipi: “Tati eipingequelchi dungun raquiduamngenon mu, tüba quiñe allben reque bemquelu quiñe bütra cuchillo, huelu tati quimche tañi eipiquel yabülduamelqui” (Proverbios 12:18).
DOI CÜME QUIMNGE
¿Chumngechi ayühulabüiñ Jehová ca yabültucuabüiñ pu che taiñ eipin mu?
4. Cuñiutucuhuaimi chem tami eipial
Quiñeque mu pür dunguquiiñ raquiduamnon mu. Dungulu hula raquiduamquiiñ taiñ eipinoabel (Santiago 3:2). Papiltoiñ Gálatas 5:22, 23. Papiltungele hula ngütramcaabiiñ tübachi pu ramtun:
-
¿Chem dungu mülelu tübachi huirin tripalu Biblia mu ngillatobüimi Jehová tami eluatu? Biblia tañi eipin, ¿chumngechi quelluabeimu tami cümeque dungu eipial?
Papiltoiñ 1 Corintios 15:33. Papiltungele hula ngütramcaabiiñ tübachi pu ramtun:
-
Tami pu hueni ca chumngechi cüme upaquimi, ¿yepeabeimu mai tami hueyaque dungu eipial? ¿Chemu?
¿Chem dungu yeabeimu tami hueya dungual cam cüme dungual?
Papiltoiñ Eclesiastés 3:1, 7. Papiltungele hula ngütramcaabiiñ tübachi ramtun:
-
¿Chumül am doi cümeabüi tami ñücübcüleal cam ñochiduam mu dungual?
5. Tami eipin mu cüme duamelabüimi caque che
¿Chumabüiñ taiñ hueya duamelnoabel pu che taiñ eipin mu? Quintulbe tati VIDEO. Quintulngele hula ngütramcaabiiñ tübachi epu ramtun:
-
Tati huentru tripalu video mu, ¿chemu nehuentuhui tañi cüme dungual caquelu che mu?
-
¿Chumi tañi cüme dungual caquelu che mu?
Papiltoiñ Eclesiastés 7:16. Papiltungele hula ngütramcaabiiñ tübachi ramtun:
-
Raquiduamliiñ taiñ hueya dungual caquelu che mu, ¿chem dungu loncontucuneabiiñ?
Papiltoiñ Eclesiastés 7:21, 22. Papiltungele hula ngütramcaabiiñ tübachi ramtun:
-
Quiñe che hueyaque dungu eipile eimi mu, ¿chumngechi quelluabeimu Biblia tami lladcübemnoal?
6. Piuqueyen mu dunguabimi tami pu che
Jehová ayüqui taiñ dunguabel taiñ pu che cüme duam mu ca piuqueyen mu. Quintulbe tati VIDEO. Quintulngele hula ngütramcaabiiñ tübachi ramtun:
-
¿Chem quelluabeimu cüme piuque mu dunguabel tami pu che?
Papiltoiñ Efesios 4:31, 32. Papiltungele hula ngütramcaabiiñ tübachi ramtun:
-
Tami cüme duamelabel tami pu che, ¿chumngechi entuabüimi tami eipin?
Jehová eipibi Jesús tañi chum duamcülen quidu mu. Papiltoiñ Mateo 17:5. Papiltungele hula ngütramcaabiiñ tübachi ramtun:
-
Ngütramcabilmi tami pu che, ¿chumngechi inaabüimi Jehová?
Cümeque dungu eipiabimi pu cüme bemquelu.
QUIÑEQUE CHE EIPIQUI: “Iñche tañi raquiduamquen eipiquen müten, chem raquiduampe ume caquelu pu che”.
-
¿Cümelu troquibimi beichi raquiduam? ¿Chemu am?
CHEM PEIÑ TÜBAMU
Taiñ eipiel cümelcaabüi cam hueyalcaabüi caquelu pu che. Beimu cüme raquiduamaiñ chem dungu taiñ eipial, bemngechi taiñ hueya duamelchenoal.
Chem quimeleleiñmu tüba
-
¿Chumngechi cüme duamelabüimi caque che tami eipin mu?
-
¿Chem dungu mu cuñiutucuhuaimi tami dungunoal?
-
Tami cümeque dungu eipial ca piuqueyehun mu dungual, ¿chem quelluabeimu?
DOI QUIMABÜIMI
¿Chumabüiñ taiñ yabültucucheal taiñ eipin mu?
Pebinge chem dungu quelluabeimu tami eipinoal podngechi dungu.
“¿Hueyalcapi mai eipial podngechi dungu?” (Papiltun internet mu)
Pebinge chem dungu quelluabeimu tami hueya dunguyenoal tati pu che mu.
Pebinge chumngechi Jehová quellubi quiñe huentru ñi eipihuenoal podngechi dungu.
“Raquiduamün chumngechi yenepon tañi mongen” (Ti Huerquen 1 agosto 2013)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
