IRUẸMWI 51
Gi Ẹmwẹ Ne U Ta Gha Yẹẹ E Jehova
Vbe Jehova yi ima, ọ keghi ya ẹse ọhẹ nọ hin usi we ima, ọni ọre ne ima na sẹtin guan. Sokpan, ẹmwẹ ne ima ta kevbe vbene ima ya tae, sẹtin sọnnọ e Jehova, ọ sẹtin vbe gha yẹẹ ọre! (Tie Jems 1:26.) Nọnaghiyerriọ, de vbene ima khian ya sẹtin gha guan vbe odẹ nọ ya ẹko rhiẹnrhiẹn e Jehova?
1. De odẹ nọ khẹke ne ima ya gha loo ẹse ọhẹ ọghe ẹmwẹ na ta?
E Baibol tama ima wẹẹ: “Wa gha rhie ẹtin ye egbe iwu, wa gha ye egbe obọ.” (1 Tẹsalonaika 5:11) Uwẹ rẹn ọmwa rhọkpa nọ gualọ igiọdu ra? Vbua khian ya sẹtin rhie igiọdu ne ọmwa vberriọ hẹ? Gi ọmwa nii rẹn wẹẹ u hoẹmwẹ ọnrẹn. U sẹtin gi ẹre rẹn emwi nọ ru, nọ yẹẹ ruẹ. U rẹn ako ọghe evbagbẹn nọhuanrẹn rhọkpa ne u gha sẹtin ya rhie igiọdu ne ọmwa ra? Ọ wa bun ne u gha sẹtin loo. Yerre wẹẹ, ẹmwẹ ne u ta kevbe odẹ ne u ya tae wa ru ekpataki, ọ sẹtin rhie igiọdu ne ọmwa, ọ sẹtin vbe gbe ọmwa orhiọn mu otọ. Nọnaghiyerriọ, gha guan vbe odẹ ne khuẹrhẹ.—Itan 15:1.
2. De ẹmwẹ nọ ma khẹke nọ gha ke ima unu ladian?
E Baibol khare wẹẹ: “Wa ghẹ gha fi obi unu gie egbe.” (Tie Ẹfisọs 4:29.) Ọna rhie ma wẹẹ, ọ ma khẹke ne ima gha ta ẹmwẹ nọ kẹkẹ, ra ne ima gha ta ẹmwẹ ekpọ, ra ẹmwẹ ne ima rẹnrẹn wẹẹ ọ gha sọnnọ emwa ọvbehe, ra nọ gha da iran. Ọ ma vbe khẹke ne ima gha ta emwa ọvbehe ọtakhọ, ra na gha mu eni iran rhia vbe iyeke.—Tie Itan 16:28.
3. Vbọ khian ru iyobọ ne ima ya gha ta ẹmwẹ nọ rhie igiọdu ne ọmwa?
Ẹmwẹ nọ ke ima unu ladian, ẹre ọ rhie ẹre ma, emwi nọ rre ima ekhọe, ra emwi ne ima mu roro. (Luk 6:45) Nọnaghiyerriọ, te ima gha hia ne ekhọe ima gha winna ghee emwi ni maan, ‘emwi ẹmwata, emwi nẹi mwẹ iruẹn, emwi adazẹ kevbe nọ mwẹ uyi.’ (Filipai 4:8) Emwi nọ gha ru iyobọ ne ima, ọre ne ima gha ya ẹwaẹn zẹ ọse kevbe ne ima gha begbe vbe odẹ ne ima ya rọkhọ egbe. (Itan 13:20) Ọ vbe khẹke ne ima gha kọn ẹmwẹ ta. U ke guan, u ghi ka muẹn roro, vbene ẹmwẹ nii khian gha ye hẹ vbe ekhọe emwa ọvbehe. E Baibol khare wẹẹ: “Ẹmwẹ akpa, te ọ fian ẹwẹn nọ da zẹvbe umozo, sokpan ẹmwẹ na ya ẹwaẹn ta, te ọ kpe ẹwẹn rrie.”—Itan 12:18.
GUALỌ OTỌ RE SAYỌ
Gia ziro yan vbene u gha ya sẹtin gha guan vbe odẹ nọ gha ya ẹko rhiẹnrhiẹn e Jehova kevbe odẹ nọ gha rhie igiọdu ne emwa ọvbehe.
4. Gha kọn ẹmwẹ ta
Ugbẹnso, ma keghi ta ẹmwẹ ne ima do gha gbe I ma rẹn yi vbe okiekie. (Jems 3:2) Tie Galatia 5:22, 23, iyeke ọni, uwa ghi ziro yan avbe inọta na:
-
De ne uwẹ gha na erhunmwu yi, ne u gha mwẹ vbe uwu avbe uyinmwẹ na, nọ gha ru iyobọ nuẹn ya gha kọn ẹmwẹ ta? De vbene avbe uyinmwẹ na khian ya ru iyobọ nuẹn hẹ?
Tie 1 Kọrinti 15:33, iyeke ọni, uwa ghi ziro yan avbe inọta na:
-
Uwẹ yayi wẹẹ, emwa ne u gu mu obọ, ra odẹ ne u ya sọyẹnmwẹ egbe, gha sẹtin ya ruẹ gha ta ẹmwẹ nọ maan, ra nẹi maan ra? Vbua gu kha vberriọ?
De emwi nọ gha sẹtin ya ruẹ gha ta ẹmwẹ dan? De emwi nọ gha sẹtin ya ruẹ gha ta ẹmwẹ nọ rhie igiọdu ne ọmwa?
Tie Asan-Ibo 3:1, 7, NW, iyeke ọni, uwa ghi ziro yan avbe inọta na:
-
De ẹghẹ nọ khẹke na ya hunwan? De ẹghẹ nọ khẹke na ya guan?
5. Gha ta ẹmwẹ emwa ọvbehe nọ maan
De emwi nọ gha ru iyobọ ne ima, ne ima ghẹ gha ta ẹmwẹ ekpọ, ra ẹmwẹ nọ gha sọnnọ emwa ọvbehe? Kpee VIDIO na, iyeke ọni, uwa ghi ziro yan inọta ni lelẹe.
-
Vbe vidio na, vbọzẹ ne ọtẹn nokpia na, na gha hoo nọ fi werriẹ vbe odẹ nọ ya ta ẹmwẹ emwa ọvbehe?
-
Vbọ ghi ya sẹtin fi werriẹ hẹ?
Tie Asan-Ibo 7:16, iyeke ọni, uwa ghi ziro yan inọta na:
-
Vbọ khẹke ne ima yerre, vbe ima gha khian ta ẹmwẹ dan vbekpa emwa ọvbehe?
Tie Asan-Ibo 7:21, 22, iyeke ọni, uwa ghi ziro yan inọta na:
-
De vbene ako ọghe Baibol na, khian ya sẹtin ru iyobọ nuẹn hẹ, ne u ghẹ mu ohu gberra egbe, vbe ọmwa gha ta ẹmwẹ dan vbekpa ruẹ?
6. Gha ya ọghọ vbe ute gu emwa vbe uwu ẹgbẹe ruẹ guan
E Jehova hoo ne ima gha gu emwa vbe uwu ẹgbẹe ima guan, vbe odẹ nọ gha rhie ẹre ma wẹẹ ima hoẹmwẹ iran. Kpee VIDIO na, iyeke ọni, uwa ghi ziro yan inọta nọ lelẹe.
-
De emwi nọ gha ru iyobọ nuẹn ya gha ya ọghọ vbe ute gu emwa vbe uwu ẹgbẹe ruẹ guan?
Tie Ẹfisọs 4:31, 32, iyeke ọni, uwa ghi ziro yan inọta na:
-
De odẹ nọ khẹke ne ima ya gha guan, nọ gha rhie igiọdu ne emwa ima vbe uwu ẹgbẹe?
E Jehova keghi tae ladian, vbene ẹmwẹ Ovbi ẹre ighẹ Jesu ye hẹ vbe ekhọe irẹn. Tie Matiu 17:5, iyeke ọni, uwa ghi ziro yan inọta na:
-
Vbua khian ya sẹtin ya egbe taa e Jehova hẹ, vbe odẹ ne u ya gu emwa vbe uwu ẹgbẹe ruẹ guan?
Loo ẹkpotọ nọ rhirhi kie ya gha tian emwa ọvbehe
EMWA ESO KEGHI KHA WẸẸ: “Vbene ẹmwẹ wa ya rrọ mwẹ ekhọe, erriọ I ya tae. Nọ wẹẹ ehọ i gi irẹn ya danmwehọ, irẹn ẹre ọ ghi rẹn.”
-
Erriọ uwẹ vbe ghee ẹre ra? Vbua gu kha vberriọ?
OLIKA ẸMWẸ
Ẹmwẹ ne ima ta sẹtin sọnnọ emwa ọvbehe, ọ sẹtin vbe rhie igiọdu ne iran. Rhunmwuda ọni, te ọ khẹke ne ima gha kọn ẹmwẹ ta, ma ghi vbe rẹn ẹghẹ nọ khẹke ne ima ya tae.
Ogbewerriẹ
-
De odẹ eso ne ima gha ya sẹtin ya ẹmwẹ ne ima ta rhie igiọdu ne emwa ọvbehe?
-
De ẹmwẹ nọ ma khẹke nọ gha ke ruẹ unu ladian?
-
Vbọ khian ru iyobọ ne ima ya gha ta ẹmwẹ ne khuẹrhẹ, nọ rhie igiọdu ne ọmwa vbe ẹghẹ hia?
RUẸ SAYỌ
Vbọ khian ru iyobọ ne ima ya gha ta ẹmwẹ nọ rhie igiọdu ne ọmwa?
Ghee emwi nọ gha ru iyobọ nuẹn, ne ẹmwẹ dan ghẹ gha ladian vbe unu ruẹ.
“Emwi Dan Gele Nọ Ra Deghẹ A Na Gha Tie Ẹbọ Ra?” (Ọ rre intanẹt)
Ghee emwi nọ gha ru iyobọ nuẹn, ne u ghẹ gha ta emwa ọvbehe ọtakhọ.
Ghee vbene Jehova ya ru iyobọ ne okpia ọkpa ya sẹtin ban ẹmwẹ dan na ta hẹ.
“I Na Ghi Suẹn Gha Mu Ẹmwẹ Agbọn Mwẹ Roro” (The Watchtower, August 1, 2013)
You May Also Like
AVBE INỌTA NE EMWA MỌBỌ NỌ
Vbọre Iruẹmwi Ọghe Baibol?
Gualọ otọre, nu miẹn ewanniẹ ọghe avbe inọta ni dekaan emwamwa iruẹmwi e Biabol ọghọhẹ ọghomwa.
