ISHOMO RYA 51
Himbisa Yehova omu bi ori kugamba
Yehova akatuhanga twine ekiconco c’omutano; eco kiconco ni obushoborozi bw’okugamba. Mbehi Yehova nafa aha ku turi kukoresa eco kiconco? Nabifaho buzima! (Shoma omuri Yakobo 1:26.) Mbwenu shi ni bata oku turi kubasa kukoresa obushoborozi bwitu bw’okugamba omu buryo oburi kutuma Yehova yahimbisibwa?
1. Ni bata oku tushemerire kukoresa ekiconco kitu c’okugamba?
Bibuli netuhiga ngu, ‘tugumyane kandi twombekane.’ (1 Abatesalonika 5:11) Mbehi hine omuntu owu ori kumanya ori kwetenga okuhumurizibwa? Ni enki eki ori kubasa kukora kugira ngu omuhumurize? Muhamize ku nomufaho. Nobasa n’okumusima ahabw’ebirungi ebi ari kukora. Mbehi hine orunyiriri oru ori kumanya oruri kubasa kumugumya? Hariho enyiriri nyingi ezi ori kubasa kukoresa. Yijuka ku ebigambo ebi ori kugamba biri kugira engaruka ah’abandi, kurugirira aha ku ori kubigamba. Obwe rero, burijo ogume ogambe ebigambo birungi ebiri kombeka.—Enfumu 15:1.
2. Ni biha bigambo ebi tushemerire kwerinda?
Bibuli negira ngu: ‘Omu kanwa kanyu hatarirugamu ekigambo cona ekibi.’ (Shoma omu Baefeso 4:29.) Eco nikimanyisa ku tutashemerire kukoresa ebigambo bibi, ebiri kubasa kutuma abandi bayehurira kubi. Nambwenu tushemerire kwerinda kutwara orugambo.—Shoma omu Nfumu 16:28.
3. Ni enki ekiri kubasa kutukwasa kugamba ebigambo ebiri kombeka abandi?
Obwire bwingi ebi turi kugamba nibyereka ebi turi aha mutima ninga shi ebi turi kutekateka. (Luka 6:45) Obwe rero, tushemerire kwemanyiza kugamba ebigambo birungi, ebishemire, ebiri kusimwa, eby’oburyo kandi ebiri kushemeza. (Abafilipi 4:8) Nituba tushemerire kutorana twetonzire oburyo bw’okweshemeza n’abanywani bitu. (Enfumu 13:20) Tushemerire kubanza twatekateka tutakagambire. Tekateka aha ku ebi ori kugamba birije kugira engaruka aha bandi. Bibuli negira ngu: ‘Hariho orahukiriza ebigambo ebiri kucumita nka rurara konka orurimi rw’omunyabwenge nirutamba.’—Enfumu 12:18.
YEGA BYINGI
Manya oku ori kubasa kukoresa ebigambo ebiri kubasa kutuma Yehova yahimbisibwa kandi ebiri kugumya abandi.
4. Yerinde omu bi ori kugamba
Obumwe hine obu turi kwefuza ahabw’ebi tugambire. (Yakobo 3:2) Shoma omu Bagalatia 5:22, 23, rero muganire ahari ebi bibuzo:
-
Ni eha mitwarize eyi ori kubasa kushaba Yehova kugira ngu ekukwase kwerinda omu bi ori kugamba? Ni bata oku eyo mitwarize eri kubasa kukugasira?
Shoma omu 1 Bakorinso 15:33, rero muganire ahari eki kibuzo:
-
Ni bata oku abanywani abu ori kusharamu n’oburyo bw’okweshemeza obu ori kukunda biri kugira engaruka aha bigambo ebi ori kukoresa?
Ni enki ekiri kubasa kuhindura oburyo obu ori kugambamu?
Shoma omu Mubuurizi 3:1, 7, rero muganire ahari eki kibuzo:
-
Ni ryari obu kiri kuba kiri ec’obwenge kwehunamira, ninga shi kutegereza obwire burungi bw’okugira eki wagamba?
5. Gambira abandi ebigambo ebirungi
Ni bata oku turi kubasa kwerinda kujuma abandi ninga shi kubagambira ebigambo bibi? Zana VIDIYO, rero muganire ahari ebi bibuzo.
-
Nk’oku wakireba omuri vidiyo, ahabw’enki mwenetata yabire ashemerire kuhindura oburyo obu yabire nagambamu abandi?
-
Ni enki ecamukwasize kuhinduka?
Shoma omu Mubuurizi 7:16, rero muganire ahari eki kibuzo:
-
Ni enki eki tushemerire kwijuka twaza kugamba ebintu bibi aha muntu?
Shoma omu Mubuurizi 7:21, 22, rero muganire ahari eki kibuzo:
-
Ni bata oku ezi nyiriri ziri kubasa kukukwasa kuguma oturize, hagira omuntu owakugambaho ebintu bibi?
6. Guma okorese ebigambo birungi omu ka
Yehova nayenda ngu tukorese ebigambo birungi twaba turi kuganira n’ab’omu ka yitu. Zana VIDIYO, rero muganire ahari eki kibuzo.
-
Ni enki ekirije kukukwasa kugambira ab’omu ka yawe ebigambo birungi?
Shoma omu Baefeso 4:31, 32, rero muganire ahari eki kibuzo:
-
Ni biha bigambo ebiri kombeka ebi turi kubasa kugambira ab’omu ka?
Yehova akagamba oku yabire nareba Omwana weye, Yesu. Shoma omuri Matayo 17:5, rero muganire ahari eki kibuzo:
-
Ni bata oku ori kubasa kutoreza Yehova waba ori kuganira n’ab’omu ka yawe?
Ronda oburyo bw’okusima abandi
ABANTU ABAMWE NIBAGAMBA NGU: “Ninyegambira ebi ndi kutekateka byona, tindi kufa aha ku abandi bari kubikwata.”
-
Mbehi n’iwe ni ko ori kubireba? Ahabw’enki?
EMPINYE
Ebigambo byine amani. Nituba tushemerire kwetondera ebi turi kugamba, obwire bw’okubigambamu, n’oku turi kubigamba.
Wayega ki?
-
Ni bata oku ori kubasa kukoresa ekiconco cawe c’okugamba omu kukwasa abandi?
-
Ni biha bigambo ebi oshemerire kwerinda kugamba?
-
Ni enki ekiri kubasa kutukwasa kugumizamu kugamba ebigambo birungi kandi ebiri kombeka abandi?
CONDOZA
Ni enki ekiri kubasa kutukwasa kukoresa ebigambo birungi?
Manya ekintu ekiri kubasa kukukwasa kwerinda kukoresa ebigambo bibi.
“Mbehi kukoresa ebigambo bibi ni kibi?” (Enkuru y’ahari intaneti)
Reba oku ori kubasa kwerinda kugwa omu mutego g’okutwara orugambo.
Reba oku Yehova yakwasize omushija omwe kureka kukoresa ebigambo bibi.
