Yobetsikantakariri Yioba atiripee iñanatakaakeri. ¿Ikemirompa Yioba añanatiri? ¡Je, ikemiro! (Piñanatero Santiaco 1:26). ¿Jaoka onkantyari añanate ankimoshiretakantyariri Yioba?

1. ¿Jaoka onkantyari añabeete?

Okantee Iriñane Tasorentsi: “Poametavacaajeitea maaroni piveshireajeitanteari” (1 Tesaronicasati 5:11). ¿Piñakerimpa yobashireta pishaninka? ¿Pimaterompa pibeshireakayeari? Poinijayeri pishaninka pinintiri, pinkanteri paitarika yantayetakeri kameetsayetatsiri. ¿Piyotirompa aparoni sankenatachari Bibiriaki pibeshireakantyariri bashiretachari? Timatsi osheki sankenarentsi pantantyarori oka. Ariorika pinkenketsatakayeri pishaninka, keariompia eiro pobashiretakaaritsi irointikea pibeshireakayeari. Irotake okameetsatantari eiro pishintsitirotsi piñabeetantari, irointikea piñanate kameetsa (Proverbios 15:1).

2. ¿Paita eiro añanatitsi?

Okantee Bibiria: ‘Eiro piñanatirotsi kaari kameetsatatsi’ (piñanatero Ejesosati 4:29). Irotake eiro añanatantarotsi kaari kameetsatatsi, eiro akantimatantitsi, eiro abairotsi akemayetiri ñantsi, aisati eiro atseeyakotaritsi itsipapee atiri (piñanatero Proverbios 16:28).

3. ¿Paita amitakoteene añabeetantyari kameetsa?

Maaroni añanatiri opoñari asankaneki aisati atoinaki (Irocashi 6:45). Irotake okameetsatantari ankenkeshiretero kameetsayetatsiri, ankameetsate, aneshinonkatante, intakotantya, ankabintsante aisati anintabakaajeitya (Jiriposhisati 4:8). Amatantyarori maaroni okapee, eiro amenirotsi shiakaantsi, eiro akemirotsi pampoyeantsi yantayetiri tseenkantatsiri, irointikea ankoyeeri kameetsari atsipabintsare (Proverbios 13:20). Tekera piñanate pinkenkeshirempa jaoka inkantyari kemempine. Okanti Bibiria: “Ainiro neanatantarori caari cameetsatatsi oashinoncanti; irointiquea ineanatiri iotatsiri, oveshireacanta” (Proverbios 12:18).

 PIYOTASANOTERO YOTAANTSIKA

4. Paamabentyaro pinkanteri

Maarojeini akomitaro akenketsatiri (Santiaco 3:2). Piñanatero Carashiasati 5:22, 23 aisati pinkenketsatabakaajeitya:

• Pikoakerika piñanate tampatika, ¿paita pinkoakoteriri Yioba? Pimonkaraterorika sankenarentsika, ¿jaoka pinkantanentyari?

Piñanatero 1 Corintosati 15:33 aisati pinkenketsatabakaajeitya:

• Pintsipabintsatyaririka kaari kameetsajeitatsi, aisati pinkemerorika kaariperotatsiri, ¿arimpa ompajenkempi okapee? ¿Paita ompajenkempiri?

Obametee Eclesiastés 3:7, TNM: “Otimimotee tiempo amajeretantyari aisati añabeetantyari”.

• ¿Jaoka onkantyari piñanatantyari? Aisati, ¿jaoka onkantyari pimajerete?

 5. Pinkenketsatakoteri kameetsa itsipapee

6. Pinkenketsatakayeri kameetsa pishaninka

 EIRO PIPEAKOTAROTSI

Añanateririka kameetsa atiri ankimoshiretakayeri. Irompa añanateririka kaari kameetsatatsi abashiretakayeari. Irotake okameetsatantari ankenkeshirea paita ankanteri, jaoka onkantyari añanatantyari aisati jaoka onkantyari eiro añanatanta.

Paita piyotabakeri

• ¿Jaoka pinkantyari piñanateri itsipapee pibeshireakantyariri?

• ¿Paita eiro añanatitsi?

• ¿Paita amitakotempine piñanatantyariri kameetsa itsipapee?