TOLI 51
Fai sa meke Yehofa piisii anga den sani di ye taki?
A taki di u poi taki a wan moin kado di Yehofa gi u. Yehofa e luku fa we wooko anga a kado ya. Ai luku fa we taki anga taawan tu. (Leisi Yakowbesi 1:26.) Faw sa meke Yehofa piisii anga den sani di we taki?
1. Fa Yehofa wani u taki anga taawan?
Beibel taki ‘u mu e gi useefi taanga-sikin, u mu e yeepi useefi tu’ (1 Tesalonikasama 5:11). I sabi wantu sama di abi taanga-sikin fanowdu? Sai sa du fu yeepi den? I sa taigi den taki i lobi den. Kande i sa gafa den fu wan manii fu den di i lobi. I sabi wan tekisi di sa gi den taanga-sikin? A omen tekisi de di sa gi taawan taanga-sikin. Holi a pakisei taki a ná den sani di ye taki wawan pelensipali, ma a fasi fa ye taki tu. Neen meke ala yuu i mu e meke moiti fu taki bun anga taawan.—Odo 15:1.
2. San u mu holi a pakisei te we taki anga taawan?
Beibel taki: ‘Wa mu meke nawan poli taki komoto aini u mofu.’ (Leisi Efeisesama 4:29.) A sani ya wani taki wa mu e kosi taawan, wa mu e gi tyobo lafu toli, wa mu e saanti sama, wa mu e taki lolo taki, efuso lei gi taawan.—Leisi Odo 16:28.
3. San o yeepi u fu taki sani di e gi taawan taanga-sikin?
Gaanse leisi den toli di we gi, e soi san de aini wi ati (Lukasi 6:45). Neen meke u mu e meke moiti fu pakisei bun sani. U mu e pakisei sani di kiin, sani di e gi sama taanga-sikin anga sani di sama e taki bun fu den. Efu u wani pakisei bun sani, u mu e luku bun sowtu poku we aliki anga sowtu felon we luku (Odo 13:20). Wan taa sani di o yeepi u fu taki sani di e gi taawan taanga-sikin, a te we denki bun fosi u taki wan sani. A bun fu pakisei taki: ‘Fa a sani di mi o taki ya o meke taawan fii? Beibel e taki: ‘Te wan sama nai denki fosi a taki, da a leti enke ai sutu taawan anga wan fetihow. Ma a mofu taki fu wan koniman de enke deesi.’—Odo 12:18.
LUKU A TOLI YA MOO FINI
Wo si faw sa meke Yehofa piisii anga den san di we taki, anga faw sa taki sani di e gi taawan taanga-sikin.
4. Luku bun san ye taki
Son yuu we taki sani di wa be wani taki (Yakowbesi 3:2). Leisi Galasiyasama 5:22, 23, da i luku efii poi piki den akisi ya:
-
Sowtu wan fu den manii ya i si enke i sa begi Yehofa fu a yeepi i fu abi? Fa den manii ya o yeepi i fu taki switi anga taawan?
Leisi 1 Korentesama 15:33, da i luku efii poi piki a akisi ya:
-
Fa den mati fii, anga den sani di ye luku, efuso aliki sa meke i taki anga taawan?
Fa den mati fii anga den sani di ye luku efuso aliki sa meke ye taki anga taawan?
Leisi Peleikiman 3:1, 7, da i luku efii poi piki a akisi ya:
-
On ten a bun fu de pii efuso fu wakiti fosi i taki wan sani?
5. Taki bun sani fu taawan
San o yeepi i fi ya taki sani di o meke sen kisi taawan? Pee a FELON, da i luku efii poi piki den akisi ya.
-
Saide a baala aini a felon be wani kengi a fasi fa a be e taki fu taawan?
-
San yeepi en fu kengi?
Leisi Peleikiman 7:16, da i luku efii poi piki a akisi ya:
-
San u mu holi a pakisei te we fii fu kuutu wan sama?
Leisi Peleikiman 7:21, 22, da i luku efii poi piki a akisi ya:
-
Fa a tekisi ya sa yeepi i fi ya ligei te i yee taki wan sama taki i sani?
6. I mu e taki switi anga den sama fi yu osufamii
Yehofa wani u taki switi anga den sama fu wi osufamii. Pee a FELON, da i luku efii poi piki a akisi ya.
-
San sa yeepi i fu taki switi anga den sama fi yu osufamii?
Leisi Efeisesama 4:31, 32, da i luku efii poi piki a akisi ya:
-
Faw mu taki anga den sama fu wi osufamii efu u wani den fii taki u lobi den?
Yehofa be taigi Yesesi taki a lobi en. Leisi Mateyesi 17:5, da i luku efii poi piki a akisi ya:
-
Faw sa waka a Yehofa baka te we taki anga den sama fu wi osufamii?
Suku okasi fu e gafa taawan
SON SAMA E TAKI: ‘A mi mofu, a san mi wani mi e taki. Mi nai booko mi ede anga san sama o taki.’
-
Ye si enke a sama ya abi leti? Saide i taki so?
SAI LELI?
Den sani di ye taki sa meke taawan fii bun, ma den sa meke den á fii bun tu. Neen meke i mu luku bun san ye taki, fa ye taki, anga on ten ye taki.
Sai be o piki?
-
Sai sa taki fu gi taawan taanga-sikin?
-
Fai mu e taki anga taawan?
-
San sa yeepi i fu taki switi anga taawan ala yuu?
MOO SANI FU A TOLI YA
San o yeepi u fu taki bun anga taawan?
Luku san o yeepi i fii nai kosi.
Luku san o yeepi i fi ya taki sama sani.
Luku fa Yehofa yeepi wan man di be lobi kosi.
‘Mi bigin pakisei fa mi libi be o waka’ (A Saanantongo Wakititolen fu 1 augustus 2013)
