Jehobak sortu gintuenean, opari zoragarri bat eman zigun: Hitz egiteko gaitasuna. Garrantzitsua al da berarentzat nola erabiltzen dugun opari hau? Bai horixe! (Irakurri Santiago 1:26). Beraz, nola erabili dezakegu hitz egiteko gaitasuna Jehoba pozteko?

1. Nola erabili dezakegu Jehobaren oparia modu egoki batean?

Bibliak ondorengoa esaten digu: «Eman adore elkarri eta lagundu batak besteari» (1 Tesalonikarrei 5:11). Burura etortzen al zaizu animoa behar duen norbait? Hala bada, zer egin dezakezu hobeto sentiarazteko? Argi utzi berataz kezkatzen zarela. Agian, zergatik estimatzen duzun kontatu ahal diozu ere. Pentsatu al dezakezu biblia-aipuren batean ezagutzen duzun norbait animatzeko? Aukeratu ditzakezun aipu asko daude. Gainera, gogoan izan gauzak esateko moduak asko animatu ahal dituela besteak. Beraz, saiatu zaitez modu goxo eta atsegin batean hitz egiten (Esaera Zaharrak 15:1).

2. Zeintzuk dira baztertu behar ditugun hitz egiteko moduak?

Bibliak dio: «Ez bedi atera zuen ahotik hitz zakarrik» (Irakurri Efesoarrei 4:29). Honek esan nahi du ez dugula inoiz hitz itsusirik esango. Gainera, ez dugu inoren sentimenduak mindu ditzakeen hitz desatsegin edo krudelik erabiliko. Aldi berean, esamesak eta besteei buruzko gezur gaizto mingarriak baztertu behar ditugu (Irakurri Esaera Zaharrak 16:28).

3. Zerk lagunduko gaitu modu animagarrian hitz egiten?

Askotan, gure hitzek benetan pentsatzen eta sentitzen duguna adierazten dute (Lukas 6:45). Beraz, gauza positiboetan arreta jartzeko ohitura landu behar dugu. Esaterako, zuzen, garbi, maitagarri eta goresgarriak diren gauzetan (Filipoarrei 4:8). Gauza hauetan arreta jartzeko, gure aisialdia eta lagunak zentzuz aukeratu behar ditugu (Esaera Zaharrak 13:20). Hitz egin baino lehen pentsatzeak lagunduko digu ere. Aztertu zer eragina duten gure hitzek besteengan. Bibliak dio: «Berritsuen mihia [edo pentsatu gabeko hitzak] ezpata zorrotza, zuhurrena osasunbidea» (Esaera Zaharrak 12:18).

 SAKONDUZ

4. Kontrolatu zure hitz egiteko modua

Batzuetan, esaten dugunaz beranduago damutzen gara (Santiago 3:2). Irakurri Galaziarrei 5:22, 23 eta aztertu elkarrekin:

• Zure hitz egiteko modua kontrolatzeko, hauetako zein ezaugarri eskatuko zenituzke otoitzean? Nola lagundu ahal dizute ezaugarri hauek?

Irakurri 1 Korintoarrei 15:33 eta aztertu elkarrekin:

• Zer eragin izan dezakete lagunek eta aisialdiak zure hitz egiteko moduan?

Irakurri Kohelet 3:1, 7 eta aztertu elkarrekin:

• Batzuetan, isilik egotea edota zerbait esateko une egokiago bat aukeratzea zentzudunagoa izan daiteke. Noiz erabaki dezakegu hau egitea?

 5. Besteei buruz modu positiboan hitz egin

6. Atsegina izan zure familiarekin hitz egitean

 LABURPENA

Hitzek botere handia dute. Zer esaten dugun, noiz esaten dugun, eta nola esaten dugun kontu handiz pentsatu behar dugu.

Berrikuspena

• Nola erabili ditzakegu gure hitzak besteei laguntzeko?

• Zein da baztertu nahi dugun hitz egiteko modua?

• Zerk lagundu ahal digu beti modu atseginean eta animagarrian hitz egiten?