AYEGHLE 51
Aval avé ô ne ve Jehôva n’nem mbeng ya aval wa kobe ?
Éyong Jehôva a nga vele bia, a nga ve bia mbemba das, das ye a kobe. Ya bis aval bia belane das té ? Ôwé, a yiène de bo ! (A lang Jacques 1:26.) Éde aval avé bi ne belane oyem naa bi ve Jehôva n’nem mbeng ?
1. Aval avé bi ne yem belane nkobe Jehôva a nga ve bia das ?
Bible a dzô bia naa « tsinighan naa mia vehane mengu’u bevoo ya éba bevoo ya fe a wônane bevoo ya éba bevoo. » (1 Bethessalonicien 5:11) Ye wa yem môt ézing a yi naa be ve ñe ngu’u ? Za dzam ô ne bo nfa ye naa ô vole ñe ? Boghe naa môt té a yem abim wa dzing ñe. Éyong ézing ô ne ñe dzô é mbemba be-mam wa yen ébe ñe. Ye wa siman éfus ya Bible ézing ô ne belane do nfa ye naa ô ve ñe mengu’u ? Bifus ô ne top bi ne abuiñ. Ô taa vuène naa aval wa ye kobe da ye nam é bôt bevoo, aval daa fe ane bifiè wa ye belane bio. Éde é ne naa, dzenghe naa ô kobe tam ase ya mbemba n’nem ya mvua.—Minkana 15:1.
2. Za meval minkobe bia yiène saalé ?
Bible a dzô naa : « Biboo bifiè bi taa kuiñ añu dèè. » (A lang Beéphésien 4:29.) Dzam té da yili naa, biaa yiène ki belane nkobe ô ne mvin, nge ki a dzô é mam me ne nget, nge ki naa ma ve ôsoan ya ôsiman ye naa bia kômô dzughu é bôt bevoo. Bia yiène saalé minsua ya bibora.—A lang Minkana 16:28.
3. Dzé é ne bia vole naa bi kobe aval da ve é bôt bevoo ngu’u ?
Biyong bizing, a wôla bo naa é mam bia dzô, ma lere é mam me ne bia a n’nem ya é mam bia simane. (Luc 6:45) Da yili naa bia yiène veban ôsiman wèè ya é mam me ne mbeng, é mam me ne sôsôe, é mam mene nfuban, édzidzing, ya fe é mam ma ve ôlughu. (Bephilippien 4:8) Nfa ye naa bi bo do, bia yiène yem top bivuiñ ya mbemba mengom. (Minkana 13:20) Bia yiène fe tare tem kaa naa bi kobe. Wa yiène fe simane aval é bôt bevoo ba ye yen é mam wa ye dzô. Bible a dzô naa : « Bifié bi ne kaa tare tem, bi ne ane mpuara ô bele zep ébèñ, ve, ôyem é bôt be ne nkee wa sèñ meveng. »—Minkana 12:18.
A TUGHA FAS
Bia zu yen za aval nkobe wa ve Jehôva n’nem mbeng ya ve é bôt bevoo ngu’u.
4. Boghe nkee ya é dzam wa dzô
Biyong bizing, bia besese bi ne dzô é dzam bi ne sughane dzôban. (Jacques 3:2) A lang Begalates 5:22, 23, éyong té mia lèè minlang mia daghe minsili mia zu mi :
-
Nfa ye naa ô tobe akeng ya é dzam wa dzô, ya aval wa dzô do, mefulu mevé me ye éfus di, ô ne dzaa Jehôva naa a vole wa naa ô bele me ? Aval avé mefulu meté me ne wô vole ?
A lang 1 Becorinthien 15:33, éyong té mia lèè minlang mia daghe nsili wa zu wi :
-
Aval avé bivuiñ ya mengom bia top bi ne name bifiè bia belane bio ?
Dzé é ne name aval bia kobe ?
A lang Ecclésiaste 3:1, 7, éyong té mia lèè minlang mia daghe nsili wa zu wi :
-
Éyong évé é ne mbeng naa bidzip añu nge ki naa bi yane tam éfe nfa ye naa bi yem kobe ?
5. Kobeghan é mam me ne mbeng ébe é bôt bevoo
Aval avé bi ne saalé nkobe wa ye dzughu é bôt bevoo nge ki a lere naa bia bis é dzam ba ye wôran ? Daghane ÉNGENGENG, éyong té mia lèè minlang mia daghe minsili mia zu mi :
-
Éngengeng di été, amu dzé moadzang a nga yen naa a yiène tsen aval a kobe é mam ma daghe é bôt bevoo ?
-
Za dzam a nga bo naa a tsen ?
A lang Ecclésiaste 7:16, éyong té mia lèè minlang mia daghe nsili wa zu wi :
-
Za dzam wa yiène simane éyong wa wôrane naa wa kômô dzô é dzam é ne abé ébe môt ?
A lang Ecclésiaste 7:21, 22, éyong té mia lèè minlang mia daghe nsili wa zu wi :
-
Éyong môt a kobe bia abé, aval avé bifus bité bi ne bia vole a zômô do ?
6. A kobe bôt be ye é nda bôt dèè ya mbemba n’nem
Jehôva a kômô naa bi kobe ya bôt be ye é nda bôt dèè ya mbemba n’nem ya fe édzing. Daghane ÉNGENGENG, éyong té mia lèè minlang mia daghe nsili wa zu wi :
-
Dzé da ye wô vole naa ô kobe ya bôt be ye é nda bôt duè ya mbemba n’nem ?
A lang Beéphésien 4:31, 32, éyong té mia lèè minlang mia daghe nsili wa zu wi :
-
Za aval nkobe bi ne belane wô naa é nda bôt dèè é tobe mevakh été ?
Jehôva a nga dzô aval a nga wôran ébe é moan wèñ, Yésu. A lang Matthieu 17:5, éyong té mia lèè minlang mia daghe nsili wa zu wi :
-
Aval avé ô ne vu Jehôva éyong wa kobe ya é nda bôt duè ?
Dzenghe é mam me ne ve naa ô kut é bôt bevoo foas
NGE MÔR ÉZING A DZÔ WÔ NAA : « Ma dzô é dzam ma kômô. Nge é bôt bevoo baa dzing ki do, da daghe bebién. »
-
Ye wa yebe aval ôsimane té ? Amu dzé ?
AKIGHE BES
Bifiè bi bele ngu’u. Éde é ne naa, bia yiène tare tem é dzam bia zu dzô, éyong bia ye de dzô ya aval bia ye de dzô.
Ôbaghle
-
Meval mevé ô ne belane bifiè buè naa wa vole é bôt bevoo ?
-
Za menval minkobe bia yiène saalé ?
-
Dzé da ye bia vole naa bi kobe tam asese ya mbemba n’nem ya wône mebun é bôt bevoo ?
Ô NE FE KE DAGHE
Dzé é ne bia vole naa bi bele bifiè bi ne mbeng ?
Desarrollemos la lengua de los sabios nge ki Progresse dans la langue des sages (8:04)
Yeneghe é dzam é ne wô vole naa ô dzôghe mbia bifiè.
« ¿Qué problema hay en decir malas palabras? » nge ki « Est-ce vraiment mal d’être grossier ? » (Nlô-adzô té ô ne a nden)
Dzenghe aval ô ne saalé ôlam minsua
Yeneghe aval Jehôva a nga vole môt naa a sum naa a dzôghe mbia nkobe wèñ.
« Comencé a pensar en el rumbo que estaba tomando mi vida » nge ki « J’ai sérieusement réfléchi à ce que je faisais de ma vie » (La Atalaya, 1 de agosto de 2013 ; La Tour de Garde, 1er août 2013)
