Jehovakwe ni sribebare ngwane, ni mikani blite kwe ye regalo kwin krubäte biani kwe nie. ¿Nita dre nuainne regalo yebiti ye ütiäte kräke? Jän, ¡ütiäte krubäte kräke! (mäkwe ñäkä Santiago 1:26 yebätä). Ye medenbätä, ¿nikwe blitadre ño ne kwe matadre kwinbätä?

1. ¿Jehovakwe ni mikani blite yebiti nikwe dre nuaindre?

“Munkwe ja moto mika nuäre kwärikwäri […] amne, munkwe ja mika bäri dite” nieta Bibliakwe nie (1 Tesalonicenses 5:11). ¿Ni iti tuin di nekä mäi? ¿Mä raba dimike ne kwe ja rabadreta ruin kwin ie? Mä ütiäte krubäte ti kräke mä nie ni yei. Kukwe kwin nuainta kwe ye mäkwe ngwan törö ie. ¿Texto keteiti raba ni di nekä dimike ye nüra mä töite? Texto tärä kabre ni ye dimikakäre. Ne madakäre, mäkwe kukwe niedi ño ye raba ni mada dimike ye mäkwe ngwan törö jai. Ye medenbätä, mäkwe ja di ngwan blite töi jämebiti aune bätärekä (Proverbios 15:1).

2. ¿Kukwe ño abokän ñan betadrekä ni kadate?

“Munkwe ñan blita kämekäme” nieta Bibliakwe (mäkwe ñäkä Efesios 4:29 yebätä). Ye abokän, ñaka ñäkädre käme aune ñaka ñäkädre tare ni madai mikakäre ngwarbe ja kisete. Ne madakäre kukwe niebare kaibe nie ye ñaka kädriedre aune ñaka kukwe dätedre ni mada kädriekäre (mäkwe ñäkä Proverbios 16:28 yebätä).

3. ¿Dre käkwe ni dimikai blite kwin ni mada dimikakäre?

Dreta ni töite aune ja ruin ño nie ye erere betekä ni kadate (Lucas 6:45). Aisete, ja di ngwandre töbike kukwe kwin yebätä. Ye abokän kukwe metre, kukwe deme, kukwe käikitadrekä aune kukweta ni mike ja tarere yebätä töbikadre (Filipenses 4:8). Yekäre, kukwe ja näkwitara kwin känändre aune ja ketamuko kwin känändre (Proverbios 13:20). Arato, ni jämi blite ye känenkri töbikadre kwin. Mäkwe kukwe niei ye matai ño ni madabätä yebätä töbike. “Blitata okwä kware ye ngitrabiti ni nuainta tare ye kwrere, akwa nitre töbätä tidrä ye tä ni träin miketa kwin” nieta Bibliakwe (Proverbios 12:18).

 JA TÖTIKE BÄRI NGUSETA

4. Mäta dre niere yebätä mäkwe ja ngübabiti

Ruäre nita blite biti nita nemen töbike “tikwe ñaka niedre näre”, ye nemen bare bäsi ni jökräbätä (Santiago 3:2). Ñäkädre Gálatas 5:22, 23 yebätä aune kukwe ne kädriedre jabe:

• Ñan blitadre okwä kware yekäre, ¿mäkwe kukwe meden ribedre Jehovai? ¿Kukwe ne raba mä dimike ño?

Ñäkädre 1 Corintios 15:33 yebätä aune kukwe ne kädriedre jabe:

• ¿Ja näkwita aune ni ben mäta ja kete ye raba mä ngwen blite ño?

Ñäkädre Eclesiastés 3:1, 7 yebätä aune kukwe ne kädriedre jabe:

• ¿Ñongwane bäri kwin kada ketadre o kä bäri kwin ngübadre blitakäre?

 5. Blitadre kwin ni madabätä

6. Töi jämebiti mäkwe blita mä mräkätre ben

 ¿DRE NIBI GARE MÄI?

Ni kukwei ye dite krubäte. Aisete, nikwe dre niedi, ñongwane niedi aune niedi ño yebätä töbikadre.

Ngwankäreta törö

• ¿Blita yebiti mä raba dre nuainne ni mada dimikakäre?

• ¿Kukwe ño abokän ñaka betadrekä ni kadate?

• ¿Dre käkwe ni dimikai käre blite kwin aune töi jämebiti?