PELAJAR 51
Baka Ni Nuan Ulih Ngerinduka Ati Jehovah Ngena Jaku?
Lebuh Jehovah nempa mensia, Iya meri kitai siti pemeri,—iya nya penau bejaku. Kati Iya ibuhka chara kitai ngena pemeri nya? Au, tentu Iya beduli! (Bacha James 1:26.) Nyadi, baka ni kitai ulih ngemuliaka Jehovah ngena jaku kitai?
1. Baka ni kitai ulih ngena pemeri bejaku enggau manah?
Bup Kudus madah: “Peransang sereta tulung sukung pangan diri, baka ke dikereja kita diatu.” (1 Tesalonika 5:11) Baka ni kitai ulih nitihka jaku lalau tu? Kitai ulih berundingka seseiku orang ke begunaka jaku peransang. Udah nya, kitai ulih ngasuh iya andal kitai rindu sereta ibuhka iya. Kitai mega ulih bekunsika siti tauka dua iti ayat Bup Kudus ke ulih meransang. Kingatka mega, chara kitai bejaku amat beguna. Nya alai, uji meh nyebut leka jaku ti manah enggau chara ti nelap.—Jaku Dalam 15:1.
2. Nama jaku ke patut diseliahka kitai?
Bup Kudus madah: “Anang mansutka jaku ti jai.” (Bacha Epesus 4:29.) Nya alai, kitai enda patut ngena jaku ti kamah tauka sengaja nyebut utai ti ngemediska ati orang. Kitai mega patut nyeliahka diri ari bejaku tauka betenahka orang bukai.—Bacha Jaku Dalam 16:28.
3. Nama ulih nulung kitai nyebut jaku ti meransang?
Kitai suah mansutka utai ti bisi dalam ati. (Luke 6:45) Nya alai, kitai patut bebendar nyimpan utai ti manah ba ati kitai. Kitai ulih ngereja nya enggau milih pemerindang sereta bakih ti manah. Lalu bebendar meh berundingka utai ti lurus, ti tuchi, ti badas, ti nelap, sereta utai ti tau dipuji. (Pilipi 4:8) Kingatka mega, kitai patut berunding dulu sebedau bejaku. Utai ke dipadah kitai ulih meransang tauka ngachau asai ati orang. Bup Kudus madah: “Leka jaku ti disebut enggau enda berunding, ngasuh ati balat telih baka pedang [‘baka diachuk pedang,’ NWT], tang jaku ti disebut enggau bejimat, ulih nyuman.”—Jaku Dalam 12:18.
BELAJAR MAYUH AGI
Peratika baka ni kitai ulih bejaku enggau chara ti ngerinduka ati Jehovah sereta meransang orang bukai.
4. Bejimat enggau utai ke disebut nuan
Kadang-kadang, kitai engka nesal ati enggau utai ke disebut kitai. (James 3:2) Bacha Galatia 5:22, 23, lalu kerandauka tanya tu:
-
Ngambika ulih nyebut utai ti meransang, kitai begunaka bantu ari Jehovah kena nulung kitai bisi kualiti ti manah. Nama kualiti ke deka dikemansangka nuan? Baka ni kualiti nya ulih nulung nuan?
Bacha 1 Korint 15:33, lalu kerandauka tanya tu:
-
Baka ni bala bakih enggau pemerindang ulih meri empas ngagai chara nuan bejaku?
Nama utai ke ulih ngachau chara nuan bejaku?
Bacha Pengajar 3:1, 7, lalu kerandauka tanya tu:
-
Ni maya ti ngena alai kitai enda bebunyi tauka patut bejaku?
5. Nyebut utai ti manah pasal orang bukai
Baka ni kitai ulih nyeliahka diri ari ngena jaku ti jai tauka jaku ti ngemediska ati orang? Mainka VIDEO, lalu kerandauka tanya tu.
-
Ba video tu, nama kebuah menyadi tu deka ngubah chara iya bejaku pasal orang bukai?
-
Nama utai ke patut digaga iya ngambika ulih berubah?
Bacha Pengajar 7:16, lalu kerandauka tanya tu:
-
Baka ni jaku lalau ba ayat tu ulih nulung kitai lebuh kitai bisi pengingin deka bejaika orang bukai?
Bacha Pengajar 7:21, 22, lalu kerandauka tanya tu:
-
Baka ni ayat tu ulih nulung nuan nagang diri ari ringat lebuh ninga orang bukai bejaika nuan?
6. Bejaku enggau nelap ngagai diri sebilik
Jehovah dekaka kitai bejaku enggau diri sebilik ngena chara ti manah sereta nelap. Mainka VIDEO, lalu kerandauka tanya tu.
-
Nama ulih nulung nuan bejaku enggau nelap ngagai diri sebilik?
Bacha Epesus 4:31, 32, lalu kerandauka tanya tu:
-
Baka ni kitai ulih ngayanka pengerindu ngagai diri sebilik ari chara kitai bejaku?
Jehovah madahka asai ati Iya ngagai Anak Iya, Jesus. Bacha Matthew 17:5, lalu kerandauka tanya tu:
-
Baka ni nuan ulih nunda Jehovah lebuh bejaku enggau diri sebilik?
Giga meh peluang kena muji orang bukai
BISI ORANG MADAH: “Peneka ati aku meh bejaku. Kapa berundingka orang bukai.”
-
Kati nuan setuju enggau penemu tu tauka enda? Nama kebuah?
LANSA
Jaku kitai amat bekuasa. Nya alai, kitai patut berunding dulu sebedau bejaku. Pikirka utai ti deka disebut, kemaya nyebut nya, sereta chara kitai mansutka jaku nya.
Ulang Kaji
-
Baka ni kitai ulih nyungkak orang bukai nengah jaku kitai?
-
Nama jaku ke patut diseliahka kitai?
-
Baka ni kitai ulih nentuka diri seruran bejaku enggau chara ti manah sereta meransang?
ARAM BELAJAR
Nama ulih nulung kitai ngena penau bejaku enggau manah?
Belajar nyeliah ari ngena jaku ti kamah.
“Kati Ngena Jaku Jai nya Endang Amat Salah?” (Artikel ba laman web jw.org)
Peda baka ni nuan ulih nyeliah ari panjuk cherita bula.
Bacha baka ni Jehovah nulung seiku menyadi lelaki ngetu ngena jaku ti kamah.
“Aku Berengkah Berunding pasal Tuju Pengidup Aku” (Menara Jaga, 1 Ogos 2013)
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
