ISI NKE 51
Olee Ihe Ị Ga-eme Ka Ihe Ị Na-ekwu Na-atọ Jehova Ụtọ?
E nwere ọmarịcha onyinye Jehova nyere anyị mgbe o kere anyị. Onyinye ahụ bụ na o kere anyị ka anyị na-ekwu okwu. Ọ̀ na-achọ ịma ihe anyị ji onyinye a o nyere anyị na-eme? N’eziokwu, ọ na-achọ. (Gụọ Jems 1:26.) Olee otú anyị nwere ike isi mee ka ihe anyị na-ekwu na-atọ Jehova ụtọ?
1. Gịnị ka anyị kwesịrị iji onyinye ahụ na-eme?
Baịbụl gwara anyị, sị: “Na-agbanụ ibe unu ume ma na-emenụ ka ibe unu dị ike.” (1 Ndị Tesalonaịka 5:11) Ò nwere ndị i chetara i nwere ike ịgba ume? Olee otú ị ga-esi gbaa ha ume? Mee ka obi sie ha ike na ị hụrụ ha n’anya. I nwere ike ịgwa ha ihe mere i ji hụ ha n’anya. Ò nwere amaokwu Baịbụl i chetara ị ga-eji gbaa mmadụ ume? E nwere ọtụtụ amaokwu Baịbụl i nwere ike isi na ha họrọ ndị nke ị ga-eji gbaa mmadụ ume. Chetakwa na otú i si kwuo okwu nwere ike ịgba mmadụ ume. N’ihi ya, ị na-agwa mmadụ okwu, gbalịa wetuo obi ala, jirikwa olu ọma.—Ilu 15:1.
2. Olee ụdị okwu anyị na-ekwesịghị ịna-ekwu?
Baịbụl kwuru, sị: “Ka okwu rere ure ghara isi unu n’ọnụ pụta.” (Gụọ Ndị Efesọs 4:29.) Ihe a o kwuru pụtara na anyị ekwesịghị ịna-ekwu okwu na-adịghị mma. Anyị ekwesịghịkwa ịna-ekwu ihe nwere ike imenye mmadụ ihere ma ọ bụ gbuo mmụọ ya. Anyị ga-ezerekwa ịgba asịrị na ikwutọ mmadụ.—Gụọ Ilu 16:28.
3. Olee ihe ga-enyere anyị aka ịna-ekwu okwu otú ga-agba ndị ọzọ ume?
Ihe ndị anyị na-akpụkarị n’ọnụ na-egosi otú anyị si ele ihe anya na ihe ndị dị anyị n’obi. (Luk 6:45) N’ihi ya, anyị kwesịrị ịgba mbọ ka anyị na-eche ihe ndị dị mma, ya bụ, ihe ndị ziri ezi, ihe ndị dị ọcha, ihe ndị na-eme ka mmadụ hụ ibe ya n’anya, na ihe ndị kwesịrị otuto. (Ndị Filipaị 4:8) Ihe ga-enyere anyị aka ịna-eche ihe ndị a bụ ịkpachara anya n’ihe ndị anyị ji eme onwe anyị obi ụtọ nakwa ụdị ndị anyị na-emete enyi. (Ilu 13:20) Ihe ọzọ ga-enyere anyị aka bụ ịna-eche ihe anyị chọrọ ikwu eche. Chee otú obi ga-adị ndị ọzọ n’ihi ihe i kwuru. Baịbụl kwuru, sị: “Okwu mmadụ kwuru n’echeghị echiche dị ka ebe e ji mma agha maa mmadụ, ma okwu ndị ma ihe na-agwọ mmadụ.”—Ilu 12:18.
MỤTAKWUO IHE
Chọpụta otú ị ga-esi mee ka ihe ị na-ekwu na-atọ Jehova ụtọ, na-agbakwa ndị ọzọ ume.
4. Na-eche ihe ị ga-ekwu eche
Mgbe ụfọdụ, anyị na-ekwu ihe anyị na-emecha kwaara ụta. (Jems 3:2) Gụọnụ Ndị Galeshia 5:22, 23. Unu gụchaa ya, unu eleba anya n’ajụjụ ndị a:
-
Ị chọọ ịna-eche ihe ị na-ekwu eche, olee nke n’ime àgwà ndị a kpọrọ aha ebe a ị ga-arịọ Jehova ka o nyere gị aka ịna-akpa? Olee otú àgwà ndị a nwere ike isi nyere gị aka?
Gụọnụ 1 Ndị Kọrịnt 15:33. Unu gụchaa ya, unu eleba anya n’ajụjụ a:
-
Olee ụdị okwu mmadụ nwere ike ịna-ekwu ma ọ bụrụ na ya na ndị ọjọọ na-akpa ma ọ bụ na o ji ihe na-adịghị mma eme onwe ya obi ụtọ?
Gịnị nwere ike ime ka otú i si ekwu okwu gbanwee?
Gụọnụ Ekliziastis 3:1, 7. Unu gụchaa ya, unu eleba anya n’ajụjụ a:
-
Olee mgbe mmadụ kwesịrị ịgba nkịtị ma ọ bụkwanụ mgbe o nwere ike ichere ruo oge ọzọ ka mma ọ ga-ekwu ihe ọ chọro ikwu?
5. Na-ekwu ihe dị mma gbasara ndị ọzọ
Olee ihe anyị nwere ike ime ka anyị ghara ịna-agwa ndị ọzọ okwu ọjọọ ma ọ bụ okwu ga-emenye ha ihere? Kpọnyenụ VIDIO a. Unu lechaa ya, unu eleba anya n’ajụjụ ndị a:
-
Gịnị mere nwanna a anyị lere na vidio ji chọọ ịgbanwe ihe ndị ọ na-ekwu gbasara ndị ọzọ?
-
Gịnị ka o mere nyeere ya aka ịgbanwe?
Gụọnụ Ekliziastis 7:16. Unu gụchaa ya, unu eleba anya n’ajụjụ a:
-
E nwee ihe mere ka anyị chọọ ikwu ihe na-adịghị mma gbasara onye ọzọ, gịnị ka anyị kwesịrị icheta?
Gụọnụ Ekliziastis 7:21, 22. Unu gụchaa ya, unu eleba anya n’ajụjụ a:
-
Olee otú amaokwu abụọ a nwere ike isi nyere gị aka ka ị ghara iwe iwe ma mmadụ kwuo ihe na-adịghị mma gbasara gị?
6. Jiri olu ọma na-agwa ndị ezinụlọ unu okwu
Jehova chọrọ ka anyị jiri olu ọma na-agwa ndị ezinụlọ anyị okwu, na-agwakwa ha okwu otú gosiri na anyị hụrụ ha n’anya. Kpọnyenụ VIDIO a. Unu lechaa ya, unu eleba anya n’ajụjụ a:
-
Olee ihe ga-enyere gị aka ịna-eji olu ọma agwa ndị ezinụlọ unu okwu?
Gụọnụ Ndị Efesọs 4:31, 32. Unu gụchaa ya, unu eleba anya n’ajụjụ a:
-
Olee ụdị okwu na-eme ka udo dịrị n’ezinụlọ?
Jehova kwuru otú ihe Ọkpara ya bụ́ Jizọs dị ya. Gụọnụ Matiu 17:5. Unu gụchaa ya, unu eleba anya n’ajụjụ a:
-
Olee otú i nwere ike isi na-eme ụdị ihe a Jehova mere ma ị na-agwa ndị ezinụlọ unu okwu?
Na-eleru anya ka ị chọpụta mgbe ị ga-aja mmadụ mma
ỤFỌDỤ NA-ASỊ na ha na-agwa ndị ọzọ otú ọ dị ha n’obi, na ha achọghị ịma ma ọ̀ dị ha mma ma ọ bụ na ọ dịghị ha mma.
-
Ihe a ha na-ekwu ọ̀ dị mma? Gịnị mere i ji zaa ihe ị zara?
NCHỊKỌTA
Ihe anyị kwuru nwere ike ịgba mmadụ ume ma ọ bụ wee ya iwe. Anyị kwesịrị ịna-echebara ihe anyị chọrọ ikwu echiche, chebakwara mgbe anyị chọrọ ikwu ya na otú anyị chọrọ isi ekwu ya echiche.
Ajụjụ ndị e ji echeta ihe a mụrụ
-
Olee ụzọ ndị i nwere ike isi jiri ihe ị na-ekwu nyere ndị ọzọ aka?
-
Olee ụdị okwu ị na-ekwesịghị ịna-ekwu?
-
Gịnị nwere ike inyere anyị aka iji olu ọma na-agwa ndị ọzọ okwu, na-agwakwa ha ya otú ga-agba ha ume?
IHE Ị GA-ELEBAKWU ANYA
Gịnị nwere ike inyere anyị aka ịna-ekwu ihe ga-agba ndị ọzọ ume?
Chọpụta ihe nwere ike inyere gị aka ka ị ghara ịna-ekwu okwu ọjọọ.
“Ịkpọ Mmadụ Iyi Ọ̀ Dị Njọ nke Otú Ahụ?” (Isiokwu gbara n’Ịntanet)
Chọpụta ihe ị ga-eme ka ị ghara ịna-agba asịrị.
E nwere otu nwoke ịkwụsị ịkpọ ndị mmadụ iyi siiri ike. Chọpụta otú Jehova si nyere ya aka ya emechaa kwụsị ya.
“M Malitere Ichesi Echiche Ike ma Ò nwere Uru Ndụ M Na-ebi Baara M” (Ụlọ Nche, Ọgọst 1, 2013)
Isiokwu A Nwekwara Ike Ịmasị Gị
AJỤJỤ NDỊ MMADỤ NA-AJỤKARỊ
Olee Otú Ndịàmà Jehova na Ndị Mmadụ Si Amụ Baịbụl?
Anyị na gị mụwa Baịbụl, i nwere ike iji nsụgharị Baịbụl ọ bụla na-amasị gị. I nwere ike ịkpọ ndị ezinụlọ unu niile ma ọ bụ ndị enyi gị ka ha soro na-amụ ya.
