Иеговэ дэ зэфІэкІ дахащэ къытхилъхьащ — дыпсэлъэфу абы дыкъигъэщІащ. А тыгъэр къызэрыдгъэсэбэп щІыкІэм Иеговэ мыхьэнэ ириту пІэрэ? ДауикІ, ирет! (Къеджэ Екъуб 1:26.) Дапхуэдэу дэ ди бзэр къызэрыдгъэсэбэпын хуейр, Иеговэ дгъэгуфІэн щхьэкІэ?

1. Дапхуэдэу ди бзэр къызэрыдгъэсэбэпын хуейр?

Библием дыкъыхуреджэ: «Зым адрейр ирырегъэгушхуэ икІи зым адрейм гурэ псэкІэ нэхъ лъэкІыныгъэ ирырегъэгъуэт» (1 Фессалоникэ 5:11). Уэ пцІыхухэм щыщу хэт псалъэ гуапэ хуэныкъуэми егупсыс. Ар бгъэгушхуэн щхьэкІэ сыт пщІэ хъунур? Абы жепІэ хъунущ ар уэ фІыуэ зэрыплъагъур икІи лъапІэу зэрыплъытэр. Псалъэм папщІэ, жепІэ хъунущ абы хэлъ хьэл-щэнхэм щыщу сыт хуэдэр нэхъ уигу ирихьми. Библием ит едзыгъуэ гуэркІэ ар бгъэгушхуэфыну пІэрэ? ЦІыхур зыгъэгушхуэфын едзыгъуэ куэд Библием итщ. Зыщомыгъэгъупщэ: жыпІэ псалъэхэм нэмыщІ, ахэр зэрыжыпІэ щІыкІэми мыхьэнэшхуэ иІэщ. Абы къыхэкІкІэ гуапэу, щабэу сыт щыгъуи узэрыпсэлъэным хущІэкъу (Притчи 15:1, Гъэсэпэтхыдэхэр).

2. Сыт хуэдэ псэлъэкІэм пэІэщІэ зыхуэтщІын хуей?

Библием щыжыІащ: «ЕмыкІу псалъэ фи жьэм къыжьэдэвмыгъэкІ». (Къеджэ Ефес 4:29.) Дэ дыхъуанэкъым, псалъэ фІей, псалъэ къемызэгъхэр къэдгъэсэбэпкъым икІи цІыхум и жагъуэ хъун, и пщІэр езыудыхын псалъэ жагъуэхэр жытІэкъым. А псом нэмыщІ дэ бзэгу зетхьэкъым, зыми пцІы тетлъхьэкъым, зыми и щэхуи дгъэІукъым. (Къеджэ Притчи 16:28, Гъэс.)

3. Ди псэлъэкІэмкІэ адрейхэр дапхуэдэу зэрыдгъэгушхуэфынур?

И нэхъыбэм ди псалъэхэм къыхощ ди гупсысэхэмрэ ди гурыщІэхэмрэ (Лука 6:45). Аращи, дэ фІым, сэбэпынагъ зыхэлъым дегупсысу зедгъэсэн хуейщ икІи дигури ди акъылри пэжыгъэкІэ, къабзагъэкІэ, лъагъуныгъэкІэ дгъэнщІын хуейщ (Филиппи 4:8). А псор ди щхьэм илъу, зэрызыдгъэпсэху щІыкІэмрэ ныбжьэгъухэмрэ хэплъыхьауэ къыхэтхын хуейщ (Притчи 13:20). Абы нэмыщІ зыгуэр жытІэн ипэ, дыкъэувыІэу дегупсысын хуейщ ди псалъэхэр адрейхэм къазэрыщыхъунум. Библием итщ: «Зи бзэ хуэмысакъым и псалъэм, джатэм хуэдэу, укъеуІэ, ауэ цІыху Іущ и псалъэр хущхъуэм хуэдэщ» (Притчи 12:18).

 НЭХЪ КУУУЭ ХЭПЛЪЭ

4. ЖыпІэм, ар зэрыжыпІэ щІыкІэм икІи щыжыпІэ зэманым кІэлъыплъ

Дэ псоми дызыхущІегъуэжын псалъэхэр щыжытІэ къохъу (Екъуб 3:2). Галатие 5:22, 23 итым къеджи мы упщІэм егупсыс:

• Мы пычыгъуэм зи гугъу ищІ хьэл-щэнхэм щыщу дэтхэнэхэра уэ къыбдэІэпыкъунур уи псэлъэкІэм укІэлъыплъыжыну? Сыт хуэдэ хьэл-щэнхэрат Иеговэ ущІелъэІунур, зыхэплъхьэну къыбдэІэпыкъун щхьэкІэ?

1 Коринф 15:33 итым къеджи мы упщІэм егупсыс:

• Нэгу зегъэужьыкІэ къыхэпххэмрэ уи ныбжьэгъухэмрэ уи псэлъэкІэр дапхуэдэу зэрахъуэжыфынур?

Экклезиаст 3:1, 7 итым къеджи мы упщІэм егупсыс:

• Сыт хуэдэ Іуэхугъуэхэм деж зыри жыдмыІэмэ е жытІэну дызыхуеяр иужькІэ жытІэмэ щынэхъыфІыр?

 5. Адрейхэм фІыкІэ ятепсэлъыхь

6. Уи унагъуэм щІэсхэм гуапэу епсалъэ

 КЪЭПЩЫТЭЖ

Псалъэхэм къаруушхуэ щІэлъщ. Аращи, жытІэм, ар зэрыжытІэ щІыкІэм икІи щыжытІэ зэманым фІыуэ дыкІэлъыплъын хуейщ.

Мы упщІэхэр зэгъусэу зэпкърыфх:

• Дауэ цІыхур псалъэкІэ зэрыбгъэгушхуэфынур икІи абы узэрыдэІэпыкъуфынур?

• Сыт хуэдэ псэлъэкІэм уэ пэІэщІэ зыхуэпщІыну ухуей?

• Ди псэлъэкІэр сытым дежи гуапэу, уигъэгушхуэу щытын щхьэкІэ сыт тщІэн хуейр?