DISÁ 51
Kyebhi Kitutena Kusangulukisa Jihova mu Kuzwela ni Akwetu?
Kyoso Jihova kya tubhange, mwene watubhana ujitu wakatunda: o dimi. O kwila mwene ubhana valolo mu ukexilu utukalakala ni ujitu yú? Kyene, mwene ubhana valolo! (Tanga Tiyaku 1:26.) Kyebhi kitutena kuzwela mu ukexilu usangulukisa Jihova?
1. Kyebhi kitwatokala o kuzwela?
O Bibidya yamba ‘sulukenu mu ku dikolokotesa ni kudiswinisa mudyenu.’ (1 Tesalonika 5:11) Waxinganeka kya ku muthu wabhindamena ku muswinisa? Ihi i utena o kubhanga phala muthu yú kudivwa kyambote? Ehela o muthu kwijiya kwila eye wa musuwu. Eye nange utena ku muximana mu idifwa yambote yala nayu. O kwila utena kuxinganeka velusu ya Bibidya itena ku mukwatekesa? Kwene jivelusu javulu ji utena o kusola. Lembalala we kwila, o ukexilu wé wakuzwela utena kukwatekesa o muthu mba kana. Kyenyiki, sota jinga kuzwela ni henda ni kulenduka.—Jisabhu 15:1.
2. Ukexilu webhi wakuzwela utwabhingi kuweha?
O Bibidya yamba: “Ki mu tunde ndaka yabolo mu kanu dyenu.” (Tanga Efezu 4:29.) Kiki kilombolola kwila, mukanu dyetu kimutokala kutunda izwelu yabolo mba kuzwela kima kibhangesa muthu kudivwa kyayibha. Twabhingi we kweha o ukexilu wa kulongolola ni kutanga makutu.—Tanga Jisabhu 16:28.
3. Ihi yanda tukwatekesa kuzwela mu ukexilu uswinisa akwetu?
Mu kidi, o ima ituzwela ilondekesa o ima yala kumuxima ni mu kilunji. (Luka 6:45) Mukonda dyakiki, twabhingi kubhanga nguzu phala kuxinganeka mu ima iswinisa, ima ya ujitu, ima yayuka, ima yazele, ima yawabha ni ima ya kuximana. (Filipe 4:8) Phala kubhanga kiki, twabhingi kusola kyambote o itonokenu yetu ni makamba metu. (Jisabhu 13:20) Kima kyambote we kubanza ande dya kuzwela. Xinganeka kyebhi akwetu kyanda divwa ni izwelu yê. O Bibidya yamba: “Sayi athu, uzwelelu wâ u toma ku mixima kala jiphondo ja xibhata; dimi-phe dya jihete ja kuzwela, di bheka kudisanza.”—Jisabhu 12:18.
DILONGE DINGI
Tala kyebhi ki utena kuzwela mu ukexilu usangulukisa Jihova, ni mu ukexilu uswinisa akwetu.
4. Aluka ni ima i uzwela
Sayi ithangana, tuzwela ima itubhangesa kudyela kupholo. (Tiyaku 3:2) Tanga Ngalásya 5:22, 23, mukusuluka bhanga o ibhwidisu ya kayela:
-
O velusu yiyi izwela idifwa yavulu itena kukukwatekesa kulanga o dimi. Kidifwa kyebhi kiwamesena kubhinga kwa Jihova? Kyebhi o idifwa yiyi itena kukukwatekesa?
Tanga 1 Kolindu 15:33, mukusuluka bhanga o kibhwidisu kya kayela:
-
Kyebhi o makamba ni itonokenu itusola itena kufunyisa o ukexilu wetu wakuzwela?
Tanga Ndongixi 3:1, 7, mukusuluka bhanga o kibhwidisu kya kayela:
-
Mukithangana kyebhi kitwabhingi kudixibha ni kukinga o kithangana kya kuzwela?
5. Zwela ima yambote ya lungu ni akwenu
Kyebhi kitutena kweha kuluwalesa akwetu mu ima ituzwela? Tala OVIDYU, mukusuluka bhanga o ibhwidisu ya kayela.
-
Mu vidyu, mukonda dyahi phange wamesenene kulungulula o ukexilu wê wakuzwela ni akwa?
-
Ihi yabhange mwene phala kulungulula o ukexilu wê?
Tanga Ndongixi 7:16, mukusuluka bhanga o kibhwidisu kya kayela:
-
Ihi itwabhingi kulembalala ande dya kuzwela kima kyayibha kya lungu ni akwetu?
Tanga Ndongixi 7:21, 22, mukusuluka bhanga o kibhwidisu kya kayela:
-
Kyoso akwetu kya kuzwela kyayibha, kyebhi o velusu yiyi itena kukukwatekesa phala ki uluwale?
6. Londekesa henda mu kuzwela ni mwiji wé
Jihova wamesena kwila tukala tu athu alenduka, tulondekesa henda mu kuzwela ni mwiji wetu. Tala OVIDYU, mukusuluka bhanga o ibhwidisu ya kayela.
-
Ihi yandakukwatekesa kuzwela ni henda ni mwiji wé?
Tanga Efezu 4:31, 32, mukusuluka bhanga o kibhwidisu kya kayela:
-
Twamesena kuzwela mu ukexilu ubhangesa o mwiji wetu kudivwa kwila twa azolo. Kyebhi kitutena kubhanga kiki?
Jihova wambe kwila, wazolele Mon’ê, Jezú. Tanga Matesu 17:5, mukusuluka bhanga o kibhwidisu kya kayela:
-
Kyebhi ki utena kukayela o phangu ya Jihova mu kuzwela ni mwiji wé?
ATHU AVULU AMBA: “Eme ngizwela yoso ingamesena. Se o muthu udivwa kyayibha mak’emwene.”
-
Eye uxikina mu izwelu yiyi? Mukonda dyahi?
IHI IWADILONGO
O izwelu yala ni kutena. Twabhingi kudilanga mu ima itwandazwela, o kithangana kitwandazwela ni kyebhi kitwandazwela.
Kubhitulula
-
Mu maukexilu ebhi u utena kusola o izwelu phala kukwatekesa akwenu?
-
Ukexilu webhi wakuzwela uwamesena kweha?
-
Ihi itena kutukwatekesa jinga kukala tu athu alenduka ni kuswinisa akwetu bhukaxi ka izwelu yetu?
TOKWESA DINGI
Ihi itena kutukwatekesa kuzwela mu ukexilu uswinisa akwetu?
Tala ihi itena kukukwatekesa kweha o ukexilu wakuzwela ima yabolo.
“O Kwila Kima Kyayibha Kuzwela o Ima Yabolo?” (Milongi ya jw.org)
Tala kyebhi ki utena kweha kuzwela ima yayibha ya lungu ni akwetu.
Tala kyebhi Jihova kya kwatekesa diyala kweha kuzwela ima yabolo.
“Nga mateka ku banza kiavulu ku muenhu uami” (O Mulangidi, 1 wa Kakwinyi wa 2013)
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
