LONGI DIA 51
Aweyi Tulenda Yangidikila Yave Muna Mvovo Mieto?
Vava Yave katuvanga, watuvana lukau lwamfunu lwa vova. Nga e mpila tusadilanga lukau lwalu mfunu ina kwa Yave? Elo. (Tanga Yakobo 1:26.) Ozevo, aweyi tulenda sadila lukau lwalu muna mpila iyangidikanga Yave?
1. Nkia mpila yambote tulenda sadila lukau Yave katuvana?
Bibila kikutuvovesanga vo: “Nukasakesanga yo kumika muntu yo nkwandi.” (1 Tesalonika 5:11) Nga ozeye muntu ovuidi lukasakeso o mfunu? Adieyi olenda vanga muna kunkasakesa? Unsonga vo wete diandi otokanenanga. Olenda kumvovesa vo otoma kunzolanga. Nga olenda sadila sono muna kunkasakesa? Vena ye sono yayingi olenda sadila. Sungamena mpe vo e mpila ovovela e diambu ilenda kasakesa akaka. Ozevo, ntangwa zawonso vovelanga kuna ngemba.—Ngana 15:1.
2. Nkia mpila mvovo tufwete venga?
Bibila kivovanga vo: “Muna nua mieno ke mulendi vaika mvovo miambi ko.” (Tanga Efeso 4:29.) Ediadi disongele vo ke tufwete sadilanga mvovo miambi ko yovo mialutiangu milenda lweka akaka. Tufwete venganga mpe fu kia kumba akaka.—Tanga Ngana 16:28.
3. Nkia diambu dilenda kutusadisa mu sadila mvovo milenda kasakesa akaka?
Nkumbu miayingi mambu tuvovanga mesonganga mana tuyindulanga ye mana mena muna ntima mieto. (Luka 6:45) Muna kuma kiaki, tufwete vanganga ngolo mu sia sungididi muna mambu mansongi, mambu mavelela, mawonso mevovelwanga e mbote ye mambu mawonso ma lusanisinu. (Filipi 4:8) Muna sia sungididi mu mambu mama, tufwete toma solanga e nsaka ye akundi eto. (Ngana 13:20) Diambote mpe twavaulanga e ntangwa muna teka yindula vitila twavova. Tufwete vavanga zaya kana aweyi akaka bemona muna mana tuvova. Bibila kivovanga vo: ‘O vova lembi yindula dina nze muntu osukanga nsosolo, kansi lubini lwa nkwa ngangu wuka luwukanga.’—Ngana 12:18.
ZAYA DIAKA MANKAKA
Tala una olenda vovelanga mu mpila iyangidikanga Yave ye una olenda kasakesela akaka muna mvovo miaku.
4. Toma kebanga mvovo miaku
Ezak’e ntangwa, tuvovanga mambu, i bosi tukuyibanzanga. Tanga Ngalatia 5:22, 23, i bosi, vana e mvutu za yuvu eyi:
-
Muna fu iyikilu mu sono kiaki, nkia fu olenda lomba kwa Yave muna sambu? Aweyi e fu yayi ilenda kusadisila?
Tanga 1 Korinto 15:33, i bosi, vana e mvutu za kiuvu eki:
-
Akundi ye nsaka osolanga, aweyi zilenda vanga muna mpil’aku yavovela?
Nki kilenda soba e mpil’aku yavovela?
Tanga Kimpovi 3:1, 7, i bosi, vana e mvutu za kiuvu eki:
-
Nkia ntangwa dilenda vava vo twakala e pi-i yovo vingila e ntangwa yambote mu vova diambu?
5. Vovelanga akaka mambu mambote
Aweyi tulenda vengela fu kia vovelanga akaka e mbi? Tala e VIDEO, i bosi, vana e mvutu za yuvu ilende.
-
Nze una omwene muna video, ekuma mpangi ndioyo kazola sobela mpila yambi kavovelanga akaka?
-
Nkia diambu kavanga muna soba?
Tanga Kimpovi 7:16, i bosi, vana e mvutu za kiuvu eki:
-
Nkia diambu tufwete sungamena avo tubakamene ngindu za vovela akaka e mbi?
Tanga Kimpovi 7:21, 22, i bosi, vana e mvutu za kiuvu eki:
-
Aweyi e sono kiaki kilenda kusadisila mu lembi funga makasi avo muntu uvovele mbi?
6. Songanga ngemba vava omokenanga ye esi nzo aku
Yave ozolele vo twamokenanga ye esi nzo eto kuna zola ye ngemba zawonso. Tala e VIDEO, i bosi, vana e mvutu za kiuvu kilende.
-
Nki kilenda kusadisa mu vovela kuna ngemba ye esi nzo aku?
Tanga Efeso 4:31, 32, i bosi, vana e mvutu za kiuvu eki:
-
Aweyi ofwete mokenenanga ye esi nzo aku kimana bamona vo okubazolanga?
Yave wasonga vo wazolanga Yesu wa mwan’andi. Tanga Matai 17:5, i bosi, vana e mvutu za kiuvu eki:
-
Aweyi olenda tanginina Yave muna mpila omokenenanga ye esi nzo aku?
Vavanga e lau dia sanisina akaka
AVO MUNTU UVOVESE VO: “Konso dina ngindwidi, i diau ivova. Avo wantu ke bayangalele ko, ke mantadidi ko.”
-
Ngeye mpe i wau oyindulanga? Ekuma?
MAMBU MASINA MA LONGI DIADI
Mana tuvovanga malenda sadisa yovo lweka akaka. Muna kuma kiaki, tufwete toma yindulanga mana tuvova, nkia ntangwa tuvova mo ye mpila tuvovela mo.
Nkia Mambu Olongokele?
-
Nkia mpila zankaka olenda sadila lubini muna sadisa akaka?
-
Nkia mpila mvovo ozolele venga?
-
Nki kilenda kutusadisa mu kala akwa ngemba yo kasakesa akaka ntangwa zawonso?
TALA MPE OMA MALENDE
Nkia diambu dilenda kutusadisa mu sadila lubini mu kasakesa akaka?
Tala diambu dilenda kusadisa mu venga fu kia sadila mvovo miansoni.
“Osadila Mvovo Miansoni Ekuma Dinina Kikilu Diambi?” (Longi dina muna jw.org)
Tala e mpila olenda vengela bwa muna ntambu wa kumba akaka.
Tala una Yave kasadisila muntu mosi mu yambula sadila mvovo miansoni.
“Yayantika Yindula Kuna Zingu Kiame Kiamfilanga” (Eyingidilu dia 1 dia Agositu, 2013)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
