MURU 51
Munaire Avi Ira Vyevyo Munaonga Nyo Vimuomelienga Yehova?
Yehova oonilenga mundila yoi niwandenga wonga, moi inela chimphaso yavadela. Kodi vinomukuza aonanga mwemo nina-indi-edela iyo chito mphaso inela? Ee. (Welengani Yakobo 1:26.) Ndiye kodi ninaire avi ira vyoonga vi-u vimuomeli-enga Yehova?
1. Kodi ni-indi-edelenga chito avi mphaso yoonga?
Baibulo linaniwandela ira ‘nidowenave miyali-ana nolimbi-ana.’ (1 Atesalonika 5:11) Kodi munaona ira viikala athu amo-iwa anayo munafuneela nyo alimbi-a? Nanga munaire avi ira muwalimbi-e? Muwasimikizelenga ira mbofuneya vinjinji. Nyo munokoza awandela makalelo apama anayo kan’naatu anayo kanauomelani. Kodi munoganizela lemba limo-iliwa lene lelo linamulimbi-e muthu m’mo-iwa? Viikala malemba anjinji moi munokoza sakula limo-i noli-indi-eda chito. Kamudiwale teto ira munokoza limbi-a muthu chifukwa ya mawu anayo musakulile nyo a-indi-eda chito koma teto mwemo munaongela nyo. Eeno thawi detene muongenga mooma murima koma teto modeka. — Miyambo 15:1.
2. Kodi ninafuneela pewa onga vyongo vyiivi?
Baibulo linaonga ira: “Mawu alietene ovunda katikume vamulomo vinyu.” (Welengani Aifeso 4:29.) Vyevi vinatapulela ira ninafuneela pewa onga mawu oruwana kapena aibewe. Koma teto kaniongenga vyongo na yolinga yofuna muvyi-a murima muthu m’mo-iwa. Nipewenga teto miseche koma teto vyongo vyotakala vyokuza athu amo-iwa. — Welengani Miyambo 16:28.
3. Chin’ni inanikami-e ira niongenga vyongo vyolimbi-a?
Thawi dimo-i vyongo vyevyo ninaonga iyo vinotonyi-eda vyongo vyevyo vili m’murimani mwi-u kapena vyevyo ninaganiza iyo. (Luka 6:45) Eeno niesaesenga vifunji-a ira niganizelenga vyongo vyapama vyevyo vyili vyolungama, vyowela, vyachikondi koma teto vyoyamikeleya. (Afilipi 4:8) Ira vyevi viwandeye ninafuneela nisamalenga vosakula vyosangalasa koma teto athu owaledana. (Miyambo 13:20) Ninopanga pama teto ambeela ganizela vyevyo ninafuna iyo onga na-anavionge. Niganizelenga teto mwemo vyoonga vi-uvyo vinakuzeleathu athu amo-iwa. Baibulo linaonga ira: “Viikala muthu unoyo unaonga mooganizela na mawu olata ngati lupanga. Koma lumi la athu a zelu linoili-a.” — Miyambo 12:18.
FUNJEDANI VYOWENJEDELEYA
Onani vyevyo munaire nyo ira muongenga vyongo vyevyo vinaomeli-e Yehova nolimbi-a athu amo-iwa.
4. Musamalenga na vyevyo munaonga nyo
Iyo etene thawi dimo-i ninoonga vyongo vyoi vanduli viwa ninodandaulana. (Yakobo 3:2) Welengani Agalatiya 5:22, 23, era eeno tapanyani vyofuka vyo-arelavi:
-
Kodi munafuneela vepa Yehova ira aukami-eni kaana makalelo aavi na yolinga yoi musamalenga na vyevyo munaonga nyo? Kodi makalelo anala kanaukami-eni avi?
Welengani 1 Akorinto 15:33, era eeno tapanyani yofuka yo-arelela:
-
Kodi afwinyu koma teto vyosangalasa vyevyo munasakula nyo vinakuze avi mwemo munaongela nyo?
Pivyongo vyiivi vyevyo vinairi-e ira muongenga pama kapena kamuongenga pama?
Welengani Namalaleya 3:1, 7, era eeno tapanyani yofuka yo-arelela:
-
Kodi chithawi iivi ineyo munafunelanyo kala pee kapena dedi-eda thawi yapama yoi muonge?
5. Muongenga vyongo vyapama vyokuza amo-iwa
Kodi munapewe avi onga mawu anayo kanakumudwi-e athu amo-iwa? Onelani VIDIYO, era eeno tapanyani vyofuka vyo-arelavi.
-
Chifukwa n’ni m’bali wa muvidiywela afuneela chenja mwemo aongela liye vyokuza athu amo-iwa?
-
Nanga apangile n’ni ira achenje?
Welengani Namalaleya 7:16, era eeno tapanyani yofuka yo-arelela:
-
Kodi niumbuwelenga likundo liivi ira nipewe onga vyongo vyotakala vyokuza muthu m’mo-iwa?
Welengani Namalaleya 7:21, 22, era eeno tapanyani yofuka yo-arelela:
-
Kodi mavesala kanaukami-edeni avi ira kamumbaraanyenga vya murima muthu m’mo-iwa aonga vyongo vyotakala vyokuza nyoovo?
6. Muongenga pama na athu a m’baja linyu
Yehova unafuna ira niongenga mwachikondi koma teto mooma murima na athu a m’banja li-u. Onelani VIDIYO, era eeno tapanyani yofuka yo-arelela.
-
Chin’ni inaukami-eni ira muongenga mooma murima m’banja linyu?
Welengani Aifeso 4:31, 32, era eeno tapanyani yofuka yo-arelela:
-
Kodi niongenga mawu woi avi na athu a m’banja li-u ira kavivwenga ira ninowaomeliwana?
Yehova oosambaula mwemo mwamuomeliwana liye Mwanae Yesu. Welengani Mateyu 17:5, era eeno tapanyani yofuka yo-arelela:
-
Kodi munamusazi-ede avi Yehova voonga na athu a m’banja linyu?
Muirenga chidwi na vyevyo amo-i kanairaathu nowayamikela
ATHU AMO-IWA KANAONGA IRA: “Miyo ndinaonga vyevyo vizile m’muruni mwanga. Ndiye kaya athu kanokumudwa vyevyo pivyeewa.”
-
Kodi nanyene munaona eeno? Chifukwa n’ni munaonga eeno?
VYEVYO NIFUNJEDILE IYO
Vyevyo ninaonga iyo vinokoza kumudwi-a kapena limbi-a athu amo-iwa. Eeno ninafuneela samala na vyevyo ninaonga iyo mwemo ninaongela iyo, koma teto thawi ineyo ninaonge iyo.
Vyofuka Vyoweli-eda
-
Kodi pivyongo vyiivi vyevyo munaonge nyo ira mulimbi-enga amo-iwa na vyevyo munaonga nyo?
-
Kodi pivyongo vyiivi vyevyo munafuna nyo pewa vionga?
-
Kodi chin’ni inanikami-e ira thawi detene niongenga vyongo vyapama koma teto vyolimbi-a?
ONANI VIMO-I
Chin’ni inakami-e ira niongenga vyongo vyazelu?
Onani vyevyo vinaukami-eni ira kamuongenga mawu otakala.
Onani vyevyo munaire nyo ira mupewenga miseche.
Onani mwemo Yehova mwakami-edile liye muthu m’mo-iwa unoyo avuteya ira a-iye ruwana.
“Ndinayamba Kuganizira Kwambiri za Moyo Wanga” (Nsanja ya Olonda, August 1, 2013)
