Yova nongʉe ko ná saa na, ke bbʉngʉe bblo pli thonga ná kado ko dho, føri kʉ lo le ti nari. Nde ngbaribbai ma ko njínji fø kado na nari ká ke adi nja mana na ddi? Ddio! (Azø Yakobo 1:26.) Ko ká ka ko tilo ngbaribbai nja Yova ba hwè d’e?

1. Lotidha dhi kado na ká ko ka ko njinjí bblo ngbaribbai?

Biblia ripo ko dho “ko di ko li kpakpa ndirigoti ko di ko iso pɨpɨ ko kana.” (1 Watesalonike 5:11) Ni ká ddinga ro kpakpa ni ka ni li ná le-djo inga le-ve djo ddi? Ni ká ka ni njí addu nja kpa rr ndima bblo d’e? Adhori kpa dho nari kʉ kpa kʉ mana na bbo ni dho. Njaro ni ka ni d’ra kpa ni jirie dho ná sifa ro d’ra kpa dho. Kpakpa na ni ka ni li chu ni chu ná ddikpa le ná andiko nga ro ká ni no ddi? Ni ka ni vʉ ná andiko kʉ bí. Anonga nari kʉ, ngbaribbai ma ni loti nari ka ndi li nja ndrŭ kpakpa bbo. Krʉ ddo ró adi rimbu ni ti lo bblo ndirigoti nyenyenga na.​—Mezali 15:1.

2. Kodho ká ringani ko pʉ ngbǎ di ná lo ko ró ro?

Biblia pori: “Nzɨ ni bba momo ná lo si ni tso nǎ ro.” (Azø Waefeso 4:29.) Føri na mana kʉ kodho nzá ringani ko ti nzá tsetse ná lo inga ko tilo ngadhi heshima ro ndirigoti ko ti makali kʉ ná lo ko vo na nja ndrŭ thí ronga ri. Ri nzá ngani ko ti ndrŭ lo ndirigoti ko gba ndrŭ djǒ tso ri.​—Azø Mezali 16:28.

3. Ko tsotso ká addu ka ndi kó ndiro ko ti ná lo li nja ndrŭ kpakpa d’e?

Bí ina ko di loti ddikpa lo djo ró, føri adi ko thí nǎ kʉ ná lo dhǒ ndirigoti ngbaribbai ma ko ko rr fø lo djo nari dho. (Luka 6:45) Føri dzá lo dho, ringani ko di ngaddi bblo kʉ ná lo djo, føri kʉ chø kʉ ná lo, tsetse ná lo, ngbà dho ndrŭ nanga ka ndi jini ná lo ndirigoti madha dhi lo. (Wafilipi 4:8) Ndiro ko njí fø lo d’e, ringani ko vʉ ko nyǒ ko dje na ná ritsi ndirigoti kodhó bbakau nyodyu na. (Mezali 13:20) Ri kʉ bblo ko ddinga lo ko po nari njí ndirigoti ko nja ngbaribbai ma ndrŭ ka ndima mbu ndima ko po ná lo dho nari. Biblia pori: “Nzá le ddinga ro le ti ná lo adi nga krr ddiddi sà bbai, ro nyodyu dhi ke dà adi le gøgø.”​—Mezali 12:18.

 ANE LONANGA BBO

4. Addinga ni ti ná lo djo

Nja saa na, ko po ná lo adi ra ko nanga d’od’o luti. (Yakobo 3:2) Azø Wagalatia 5:22, 23, ndirigoti anitilo i ngadhudha djo:

• Fø sifa kana ro ká ni ka ni nzinga ngbá ri djo ndiro ri kó ni tsotso ni di loti bblo d’e? Njonjo kʉ ná fø sifa ká ka ndi kó ni tsotso ngbaribbai?

Azø 1 Wakorinto 15:33, ndirigoti anitilo i ngadhudha djo:

• Nidhó bbakau ma, ni ni nyǒ djé na ná ritsi ma na ká ka ndi lø nidhó lotidha ronga ngbaribbai?

Azø Muhubiri 3:1, 7, ndirigoti anitilo i ngadhudha djo:

• Ri ká kʉ ngbá saa na i ri ka ndi é nyodyu dhi lo nzɨ ko tilo inga ko bbá saa ro dá vi lo ko ti nari njí?

 5. Ati bblo lo nja ndrŭ djo

6. Adi loti jidha na nidhó familia na

 LO DZÁ DɄNGA

Ko po ná lo ka ndi li ndrŭ kpakpa inga ndi vó ndrŭ thí ronga vo. Ringani ko ddinga bblo ko po ná lo djo, ngbá saa na ma ko ri po ndirigoti ngbaribbai ma ko ri po nari djo.

Lo djolu le ngʉ nari

• Ni ká ka ni tilo ngbaribbai ndiro ri kó nja ndrŭ tsotso ko d’e?

• Ni ká jiri ni pʉ ngbǎ di ná lo ni ró ro?

• Addui ká ka ndi kó ko tsotso ndiro ko di loti jidha na ndirigoti ko di ndrŭ li kpakpa ko ti ná lo chulu d’e?