CIIYO 51
Mbweenga Mwasangalasha Yehova Mushintu Nshomwaamba
Yehova ndyaakatulenga, wakatupa cipo cibotu abuumbi—cipo cakwaamba. Ano sa alabikila maano mbotusebensesha cipo ici? Ncakutatoonsha alabikilako maano! (Amubelenge Jemusi 1:26.) Aboobo ino inga twacita buyani kwaamba ayi nshetwaamba shinoosangalasha Yehova?
1. Ino cipo cakwaamba inga twacisebensesha buyani?
Baibo ilaamba ayi: ‘Amutolelele kuyuminishanya.’ (1 Bene Tesalonika 5:11) Sa kuli bamwi mbomushi beenga bayandika kuyuminishikwa? Ino inga mwacita buyani kwaamba ayi mubayuminishe? Amucite shitondesha ayi mulababikila maano. Mpashi inga mwacita boobo kwiinda mukubalwiita ncomubasunini. Sa kuli lilembo ndyemutokwiibaluka ndyeenga mwasebensesha kuyuminisha umwi? Kuli malembo aanji ngeenga mwasalawo. Mutaluubi kwaamba ayi teshibo maswi eenga ayuminisha muntu sombi ambomwaamba. Aboobo amweeleshe kwaamba cakulibombya alimwi munshila itondesha nkumbu.—Tushimpi 15:1.
2. Ino nshiinshi nshotweelete kuleya kwaamba?
Baibo ilaamba ayi: “Mutabi beshimyaambo ibiibi.” (Amubelenge Bene Efeso 4:29.) Ici cilasansulula ayi tatweelete kwaamba maswi abiibi na kwaamba munshila yakutatondesha bulemu yeenga yakalasha bamwi. Alimwi tulyeelete kuleya kufuya akwaamba shakubeca pabamwi.—Amubelenge Tushimpi 16:28.
3. Ino nciinshi ceenga catucafwa kwaamba munshila yeenga yayuminisha bamwi?
Liinji shintu nshetwaamba shilatondesha mbotutolinyumfwa alimwi anshetutoyeeya. (Luka 6:45) Aboobo tulyeelete kwiiya kuyeeya pashintu shibotu, shiluleme, shitacite kampenda, shiboneka kabotu alimwi ashintu shoonse shabulemu. (Bene Filipi 4:8) Kwaamba ayi tucikoonshe kubikila maano pashintu ishi, tulyeelete kusala kabotu shakulikondelesha alimwi abeshicibusa. (Tushimpi 13:20) Cimwi ceenga catucafwa nkutaanguna kuyeeya katutana kwaamba. Amuyeeye nshomusuni kwaamba mbweenga shakuma bamwi. Baibo ilaamba ayi: “Maswi abiibi alayasa kumoyo anga ngumupeeni, sombi maswi aamba musongo alashilika.”—Tushimpi 12:18.
AMWIIYILEWO ASHIMWI
Amwiiye kwaamba maswi asangalasha Yehova alimwi eenga ayuminisha bamwi.
4. Amusale kabotu shakwaamba
Cimwi ciindi, soonse tulaamba shintu shitabete kabotu. (Jemusi 3:2) Amubelenge Bene Galatiya 5:22, 23, akubandika miipusho iyi:
-
Ino ngu mubo uli pamibo iyi weenga wamucafwa kulama nshomwaamba, uyo ngweenga mwasuna kupaililawo? Ino mibo iyi inga yamucafwa buyani?
Amubelenge 1 Bene Kolinto 15:33, akubandika mwiipusho uyu:
-
Ino beshicibusa alimwi ashakulikondelesha nshemusala inga shakuma buyani shintu nshemwaamba?
Ino nshiinshi sheenga shakuma nshomwaamba?
Amubelenge Shikushimikila 3:1, 7, akubandika mwiipusho uyu:
-
Ino ndilili ndyeenga caba kabotu kuumunabo na kulindila ciindi cili kabotu ndyeenga mwaamba?
5. Amwaambe shibotu pabamwi
Ino inga twacita buyani kwaamba ayi tuleye kwaamba maswi eenga akalasha bamwi? Amweebele VIDYO, lyalo akubandika miipusho itokonkelaawo.
-
Kweelana anshomweebela muvidyo, ino nceebonshi mukwesu wakalinga kusuni kwaalula nshaakalinga kwaamba pabamwi?
-
Ino wakacita buyani kwaamba ayi aaluke?
Amubelenge Shikushimikila 7:16, akubandika mwiipusho uyu:
-
Ino nciinshi ncotweelete kwiibaluka ndyetwacana bweelesho bwakwaamba shitabete kabotu pabamwi?
Amubelenge Shikushimikila 7:21, 22, akubandika mwiipusho uyu:
-
Ino mavesi aya inga amucafwa buyani kutakalala na umwi waamba shibiibi pali ndimwe?
6. Amwaambe munshila yalusuno ndyemutobandika amukwashi wanu
Yehova alisuni ayi tunookwaamba munshila itondesha nkumbu alusuno ndyetutobandika mumukwashi. Amweebele VIDYO, lyalo akubandika mwiipusho utokonkelaawo.
-
Ino nciinshi ceenga camucafwa kwaamba munshila itondesha nkumbu kumukwashi wanu?
Amubelenge Bene Efeso 4:31, 32, akubandika mwiipusho uyu:
-
Ino inga twacita buyani kwaamba ayi tunokwaamba shiyuminisha ndyetutobandika amukwashi wesu?
Yehova wakaamba mbwaakalinga kulinyumfwa pali Yesu, Mwanaakwe. Amubelenge Mateyo 17:5, akubandika mwiipusho uyu:
-
Ino cakubonenaako cakwe Yehova inga mwacikonkela buyani ndyemutobandika abamumukwashi wanu?
Munoolumba bamwi
BANTU BAMWI BALAAMBA AYI: “Ndaamba shili shoonse nshentoyeeya. Tacicite mulandu ambweenga bamwi balinyumfwa.”
-
Ino mwebo mulabona buyani? Ino nceebonshi?
CITEENTE CINENE
Nshetwaamba inga shacafwa na kukalasha bamwi. Tulyeelete kuyeeya cakubikila maano pashintu nshetwaamba, ndyetweelete kwaamba alimwi ambotwaamba.
Kwiindulukaamo
-
Ino nshiinshi nsheenga mwaciita kwaamba ayi nshomwaamba shicafwe bamwi?
-
Ino nji myaambo ya buyani njemusuni kuleya?
-
Ino nciinshi ceenga catucafwa kwaamba shiyuminisha alimwi shicafwa lyoonse?
AMULANGWETEEWO ASHIMWI
Ino nciinshi ceenga catucafwa kwaamba shiyuminisha bamwi?
Amwiiye sheenga shamucafwa kuleya kwaamba maswi atabete kabotu.
“Sa Kwaamba Maswi Atabete Kabotu Nkubiibi?” (Makani acanika pa jw.org)
Amubone nsheenga mwaciita kwaamba ayi mutacatwi mukoose kakufuya.
Amwiiye Yehova mbwaakacafwa musankwa umwi kucileka kwaamba maswi atabete kabotu.
“Ndakatalika Kuyeeya Cakubikila Maano Pabuumi Bwangu” (Njashi Yamulindilishi, August 1, 2013)
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
