Иегова мыланна ойлен моштымашым пӧлеклен. Кузе ме тиде пӧлекым кучылтына, Иеговалан садиктак мо? Конешне уке. (Иаковын 1:26 лудын лекса.) Тугеже ойлымына дене Иеговам кузе куандарен кертына?

1. Ойлен моштымашым кузе чын кучылтман?

Библий мемнам тарата: «Икте-весыдам кумылаҥдыза да пеҥгыдемдыза» (1 Фессалоникысе-влаклан 5:11). Шоналтыза, палымыда-влак кокла гыч поро мутым колаш кӧлан кӱлешак? Кумылжым нӧлташлан те мом ыштен кертыда? Тудо тыланда садиктак огыл манын, тудым ӱшандарыза. Мутлан, каласен кертыда, молан те тудым акледа. Иктаж-могай библийысе почеламут дене кумылаҥден кертыда. Тыгай почеламут пеш шуко. Тыгак эскерыза, кузе те ойледа. Тидыжат весе-влакым кумылаҥден кертеш. Сандене эре ныжылгын да порын мутланаш тыршыза (Притчи 15:1).

2. Мутланымаште мо деч кораҥман?

Библийыште возымо: «Тендан умшада гыч нимогай йӧрдымӧ мут ынже лек». (Ефесян-влаклан 4:29 лудын лекса.) Ме уда да шакше мут-влакым она кучылт. Тыгак чоным сусыртышо мут дечат кораҥына. А эше ме манеш-манешым она шаркале да весе-влак нерген шоям она ойло. (Притчи 16:28 лудын лекса.)

3. Ойлымына дене весе-влакым кумылаҥдаш мо полша?

Чӱчкыдын мутна ончыкта, мом ме чынжымак шонена да шижына (Лукан 6:45). Сандене мыланна сайым ужаш тыршаш да ушнам «мо сай, мо ару, мо келшыше, мо мокташ йӧрышӧ», тидын дене темаш кӱлеш (Филиппысе-влаклан 4:8). Тыге ышташлан мыланна эскерен шогыман, кузе ме канена да кӧ дене йолташ улына (Притчи 13:20). А эше иктаж-мом каласыме деч ончыч шоналташ кӱлеш, кузе мутна весе-влаклан влиятлен кертеш. Библийыште возымо: «Шоныде ойлымаш керде семын сусырта, а уш-акылан еҥын йылмыже паремда» (Притчи 12:18).

 КЕЛГЫНРАК ШЫМЛЕН НАЛЗА

4. Мом, кунам да кузе ойлаш эскерен шогыза

Южгунам ме чыланат иктаж-мом каласымылан ӧкынен кертына (Иаковын 3:2). Галат-влаклан 5:22, 23 лудын лекса да вашмутым пуыза:

• Ойлымыдам эскерен шогашлан могай койыш нерген кумалын кертыда? Кузе нине койыш-влак тыланда полшен кертыт?

1 Коринфян-влаклан 15:33 лудын лекса да вашмутым пуыза:

• Молан эскерен шогыман, кузе канеда да кӧ дене жапым эртареда? Кузе тиде ойлымыланда влиятлен кертеш?

Экклезиаст 3:1, 7 лудын лекса да вашмутым пуыза:

• Могай ситуацийыште нимомат ойлыман огыл але шонымыдам вес гана келшыше жапыште каласаш сайрак лиеш ыле?

 5. Весе-влак нерген сайым ойлыза

6. Лишыл-влак дене порын мутланыза

 ТӰҤ ШОНЫМАШ

Ойлымына весе-влаклан чот влиятлен кертеш. Сандене эскерен шогыман, мом, кунам да кузе ме ойлена.

Ушештарымаш

• Кузе мут дене айдемым пеҥгыдемдаш да кумылаҥдаш лиеш? Примерым кондыза.

• Могай шомак ден ойлымаш деч кораҥмыда шуэш?

• Эре порын да кумылаҥден ойлаш мо полша?