Meta Ġeħova ħalaqna, hu għamilna kapaċi nitkellmu. Din hija xi ħaġa sabiħa. Imma jagħti kas kif nitkellmu? Iva! (Aqra Ġakbu 1:​26.) Allura l-​kliem tagħna kif jistaʼ jogħġob lil Ġeħova?

1. Kif għandna nitkellmu m’oħrajn?

Il-​Bibbja tgħidilna biex ‘nibqgħu ninkuraġġixxu lil xulxin u nibnu lil xulxin.’ (1 Tessalonikin 5:​11) Tistaʼ taħseb f’xi nies biex tinkuraġġihom? X’tistaʼ tagħmel biex tgħinhom iħossuhom aħjar? Għidilhom li vera jimpurtak minnhom. Forsi tistaʼ ssemmi xi kwalitajiet li jogħġbuk fihom. Jew tistaʼ taħseb f’xi skrittura biex tgħinhom. Hemm ħafna minn fejn tagħżel. Tinsiex ukoll li l-​mod kif tgħid xi ħaġa jistaʼ jinkuraġġixxi. Dejjem ipprova tkellem b’qalb tajba u bi ħlewwa.​—Proverbji 15:1.

2. Kif m’għandniex nitkellmu?

Il-​Bibbja tgħid: “Ħa ma toħroġ minn fommkom ebda kelma mħassra.” (Aqra Efesin 4:​29.) Dan ifisser li m’għandniex nitkellmu ħażin jew ngħidu xi ħaġa li tweġġaʼ lil oħrajn. U lanqas m’għandna nitkellmu fuq in-​nies u nigdbu fuqhom.​—Aqra Proverbji 16:28.

3. Kif nistgħu ninkuraġġixxu lil oħrajn b’li ngħidu?

Spiss dak li ngħidu juri x’qed inħossu u x’naħsbu. (Luqa 6:​45) Allura rridu ngħallmu lilna nfusna biex naħsbu fuq affarijiet pożittivi. Dawn jistgħu jkunu affarijiet tajbin, nodfa, li juru mħabba, u taʼ min ifaħħarhom. (Filippin 4:8) Biex naħsbu fuq dawn l-​affarijiet, irridu noqogħdu attenti x’nieħdu pjaċir nagħmlu u xi ħbieb ikollna. (Proverbji 13:20) Ikun tajjeb li taħseb qabel ma titkellem. Aħseb kif dak li tgħid se jeffettwa lil oħrajn. Il-​Bibbja tgħid: “Hemm min jitkellem bla ma jaħsibha qisu b’daqqiet taʼ sejf, imma lsien l-​għorrief hu fejqan.”​—Proverbji 12:18.

 TGĦALLEM IŻJED

4. Oqgħod attent x’tgħid

Kulħadd qal xi ħaġa li wara ddispjaċieh. (Ġakbu 3:2) Aqra Galatin 5:​22, 23, u mbagħad iddiskuti:

• Għal liema kwalitajiet tixtieq titlob biex toqgħod attent x’tgħid? Dawn il-​kwalitajiet kif jistgħu jgħinuk?

Aqra l-​1 Korintin 15:​33, u mbagħad iddiskuti:

• Il-​ħbieb u dak li tieħu pjaċir tagħmel, kif jistgħu jinfluwenzaw dak li tgħid?

Aqra Ekkleżjasti 3:​1, 7, u mbagħad iddiskuti:

• Meta jkun tajjeb li ma tgħid xejn jew li tistenna ħin aħjar?

 5. Għid affarijiet sbieħ dwar oħrajn

6. Tkellem b’qalb tajba mal-​familja

 XI DDISKUTEJNA?

Dak li ngħidu jistaʼ jgħin jew iweġġaʼ lin-​nies. Allura hemm bżonn li noqogħdu attenti għal dak li ngħidu, meta ngħiduh, u kif ngħiduh.

X’Tgħallimt

• Kif tistaʼ titkellem b’mod li jgħin lil oħrajn?

• Minn xiex trid toqgħod attent meta titkellem?

• X’se jgħinna biex dak li ngħidu dejjem ikun b’qalb tajba u jgħin lil oħrajn iħossuhom tajjeb?