ISAMBILILO 51
Uzye Ungasecelesya Wuli e Yehova mwe Vino Ukalanda kwe Wanji?
Pano e Yehova watwelewuzile, watupile icawila icizima nkaninye, akuli kuti icawila cakuvwanga. Uzye akawikako amano kwe vino tukawomvya co-o icawila? Swinya sana! (Wazya Jemusi 1:26.) Uzye nomba tungawomvya wuli co-o icawila munzila yino yingasecelesya Yehova?
1. Uzye tungawomvya wuli icete icawila ca kuvwanga?
E Baibolo yikatunena ukuti “amuno achonye cho-o, aleni simpisyanianji mwakwavwana nu kwavwana ndi vino mukachita.” (1 Watesalonika 5:11) Uzye kuli wumwi wino ungawomelezyako? Ungacita wuli pa kuti umuwomelezye? Uzipizile ukuleka amanye ukuti wacindama nkaninye kwe wewe. Pamwi ungamunenako vimwi vino wakunda pe weliwe. Uzye kuli iwaliko limwi lino ukulola ukuti lingawomelezyako wumwi wino wamanya? Kwawa amawaliko amavule nkaninye yano ungawomvya. Uwakwizuka nukuti inzila yino walandilamo cimwi yingawomelezya wanji nkaninye. Fwandi lyonsinye, uwakwelezya ukuwomvya amazwi amazima aya cikuku pano kuvwanga kwe wanji.—Imilumbe 15:1.
2. Amvwango ya musango ci yino tutazipizile ukuwa nayo?
E Baibolo yikati: “Mutize muwavwanga amazwi mawipe.” (Wazya Waefeso 4:29.) Co-o cikusula mukuti tutazipizile ukuwomvya amazwi amawipe yano yangacisa wanji. Swinya tutazipizile twakononela wanji amazina nanti ukuwamba.—Wazya Imilumbe 16:28.
3. Avyani vino vilitwavwa ukuvwanga munzila yino yingawomelezya wanji?
Ilivule vino tukalanda vikalanjizya vino tukayivwa na vino vili mu mwezo witu. (Luka 6:45) Acino tuzipizile twawombesya ukwelenganya pa vintu ivilungamane, ivizima, ivyakusalifya, swinya iviswepe. (Wafilipi 4:8) Fwandi tuzipizile ukuwikako sana amano kwe vino tukasolapo ukutamba, ukwivwa nu kuwazya pano tukupuza. Asa coco conga tuzipizile twawikako amano ku viwuza vino tukasola ukwizya na vyo. (Imilumbe 13:20) Cinji cino cilitwavwa, akwelenganya pano tutani tuvwange. Asa coco conga tuzipizile twakwelenganya na vino wanji wandi wayivwe pa mazwi yano tukulonda ukulanda. E Baibolo yikati: “Amazwi mawipe yakacisa ayasonkontela ngati alupanga, ukuwa amazwi ya muntu wamano yangapozya inkonko.”—Imilumbe 12:18.
SAMBILILA IVICILE PA-A
Sambilila vino ungalanda munzila yino yingasecelesya Yehova nu kuwomelezya wanji.
4. Uwalama ululimi
Impindi zimwi swensinye tukavwanga ivintu vino tukakwiza mukulanguluka pansizi. (Jemusi 3:2) Wazyani Wagalatiya 5:22, 23, nu kulanzyanya ya-a amawuzyo:
-
Amiwele ci yimwi peyo-o yino ungapepelapo ukuti uwe nayo pa kuti yakwavwa ukulama ululimi? Uzye yo-o imiwele yingakwavwa wuli?
Wazyani 1 Wakorinte 15:33, nu kulanzyanya lyo-o iwuzyo:
-
Uzye awantu wano ukasola ukwizya nawo na vino ukasolapo ukucita pano ukupuza vingakuma wuli imilandile yako?
Avyani vino vingalenga utalike ukulanda ivizima nanti iviwipe?
Wazyani Ekawizya 3:1, 7, nukulanzyanya lyo-o iwuzyo:
-
Ampindi ci pano cingazipa ukumyalalavye nanti ukulindilila impindi inzima iyakuvwanga?
5. Uwavwanjila wanji ivizima
Tungacita wuli pakuti tutati twavwanga iviwipe pe wanji? Tambani e VIDYO, nukulanzyanya ya-a mawuzyo.
-
Amulandu ci wuno we-e umwanawitu wino tetwamba mwe vidyo walondelanga ukupiluka mwe vino walandanga pe wanji?
-
Wacisile wuli pakuti apiluke?
Wazyani Ekawizya 7:16, nu kulanzyanya lyo-o iwuzyo:
-
Avyani vino tuzipizile twakwizuka nga twati twavwamba ukutalika kulanda iviwipe pe wanji?
Wazyani Ekawizya 7:21, 22, nu kulanzyanya lyo-o iwuzyo:
-
Uzye ya-a mawaliko yangakwavwa wuli ukuteka umwezo ndi wumwi walanda iviwipe pe wewe?
6. Uwawa ni cikuku pano ukuvwanga na wa pa ng’anda
E Yehova akalonda twawa ni cikuku nu lukundo pano tukulanda na walupwa. Tambani e VIDYO, nukulanzyanya lyo-o iwuzyo.
-
Acani cino cingakwavwa ukuwa ni cikuku pano ukuvwanga ku wa mulupwa lwako?
Wazyani Waefeso 4:31, 32, nukulanzyanya lyo-o iwuzyo:
-
Acani cino cingatwavwa ukuvwanga mu nzila yakuti awa mulupwa lwitu wasyale wakuyivwa icete?
E Yehova walanjizizye vino wayivwanga pa Mwana wakwe, e Yesu. Wazyani Mateyu 17:5, nukulanzyanya lyo-o iwuzyo:
-
Uzye ungakolanya wuli e Yehova mwe vino ukavwanga na walupwa lwako?
Uwasalifya wanji
WAMWI WAKATI: “Ne nkavwanga icili consinye. Nsisakamala nanti cimwi pe vino wanji wandi wasyale wakuyivwa. Vyovyo avyawo, ne cikulu nalanda.”
-
Uzye molimonyene tungalanda icili consinye? Amulandu ci wuno wasucila wowo?
IVISINKA VIKULU
Vino tukalanda vingavwa wanji nanti ukuwacisa. Tuzipizile ukwelenganya nkaninye pe vino tukulonda ukulanda, impindi yakulandilapo, ni nzila yakuvilandilamo.
Avyani Vino Wasambilila?
-
Amwinye mumwi muno ungawomvya icawila ca kulanda kukwavwako wanji?
-
Amilandile yamusango ci yino utazipizile ukuwa nayo?
-
Acani cino cingatwavwa ukuwa ni milandile imizima swinya iya cikuku?
MANYILAPO NA VINJI
Avyani vino vingatwavwa pa kuti twalanda vino vingawomelezya wanji?
Lola cino cingakwavwa ukukanalanda amazwi mawipe.
“Uzye Ukutukana Kwawipa?” (Icipande ca pa webusayiti)
Lola vino ungacita pakuti utati uwatalika ukwamba wanji.
Lola vino Yehova wavwizye umonsi wumwi ukuleka ukuwomvya amazwi amawipe.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
