LÉZIʼI 51
Ngouo o gʉo lékô ta méchouŋé mou poŋo Jéova?
Jéova la pouoon wégé, nnaa wégé maamaa fouʼ wuié aa lé chouŋé. Nti yié pégé yousé méchouŋé mégé pou ngouo tʉnzuing mbwo yé (toŋo Jag 1:26). Pégé gia nti yié ngouo pégé lôg méchouŋé mégé nna mékouʼ mbwo Jéova.
1. Ngouo pégé gʉo lékô ta yousé fouʼ yié aa lé chouŋé?
Biible gôôn ngié: «Pi kuingté ménnè mi pi né pi, gning toonté gning, gning toonté gning, paʼ pi né ngʉo pouʼou lè» (1 Tésalonika 5:11). Ta o né nzsé tso gning wuié ngouo o kuingté yé? Ngouo o gʉo lékô ta nkuingté yé? Chouŋo yé ngié a pouou ngwiée tʉnzuing mbwo wou mbing nkimté yé mmo yié o kouŋo na yé. Ta o kouangtée tso nkang ŋwaʼné wuié ngouo o tong ndôg kuingté ngang? Ménkang ŋwaʼné ée wo ta ngiôôn mié ngouo é kuiété wou. Té légé ngié nti yié mé lôg ngôôn no mbwo gning pouou ngouo tʉnzuing ntchʉa no yié mé gôôn. Aa yèe ta, ntra ndôg po mbʉlé po mékouʼ gôôn no (Provèebe 15:1).
2. Ée mèe méchouŋé mié taʼ Kréeté gwiée lé waʼ?
Biible gôôn ngié: «Mbôôn mbôô taʼ chouŋé tépong lé kuièe ntchwo pi» (toŋo Éféso 4:29). Pégé pôôn méchouŋé tépong laa méchouŋo mié ngouo é gʉo long gning yang. Pégé waʼa lénéŋé choungté tépong po léléŋée ntang mélôôn (toŋo Provèebe 16:28).
3. Ngouo pégé gʉo lékô ta ngwiée méchouŋé mié é kuingté?
Ammo yié pégé waa ngôôn lôgô ngnièe mmo yié aa tsèe létʉm ségé ngʉo ménkouaŋa mégé (Loukasé 6:45). Aa yèe ta a zète ngié pégé tʉôg ménkouaŋa mégé na méno mboŋo, «ana méno mié ée ndʉng ndʉng, émié ée mé mékouʼ, mboo mié mé singté gning moo» (Filipo 4:8). Légʉo ngié pégé kouʼou na sôôn choum, aa lé tchouŋo ntsôʼô mmo yié pégé lôgô nkièʼté nnè, mboo méchou pégé (Provèebe 13:20). A ying mbong ngié o pii tam mvôg ntsig ta ngôôn no. Kouaŋa mmo yié ngouo méchouŋé mou gʉo na pétso pʉa. Biible gôôn ngié: «Méchouŋo mié é té thié ée paʼ méntchwo pouʼ mié mé sôbté na gning, taʼ achouŋé léghié gʉo gning suiété» (Provèebe 12:18).
YING NKUIʼI NZIʼI
Gia nti yié ngouo o gôôn no ta a na mékouʼ mbwo Jéova mbing nkuingté pétso pʉa.
4. Ngouo o gʉo lékô ta nkouʼté lʉm jou?
Aa tso fʉʼ, ngouo pégé gôôn no ta mbing mmʉôgté (Jag 3:2). Toŋo Galatia 5:22, 23, mbing chouŋé na môôn ménzaté:
-
O né nkouŋo lé gôôn né Jéova ngié a kuiété wou lé jʉʼ mèe na môôn méma ta ndôg nkouʼté lʉm jou? Ngouo môôn méma kuiété wou na wèe tam?
Toŋo 1 Korénto 15:33, mbing chouŋé na yôôn nzaté:
-
Ngouo méchou pou po jou nti lôg nkièʼté nnè gʉo kô na méchouŋé mou?
Ngouo kô gʉo tso mmo na nti yié pégé chouŋé mbwo pʉa?
Toŋo Ékléziaste 3:1, 7, mbing chouŋé na yôôn nzaté:
-
A zaté lé jʉôʼ ntchwo na wèe tam ta ndôg nzuiʼté tam wuié a né nzaté lé gôôn no?
5. Gôôn no mboŋo na pétso pʉa
Ngouo pégé gʉo lékô ta ngouaʼ méchouŋé mié é té pong mboo mié ngouo é gʉo long gning yiang? Tsôʼô VIDÉO, mbing chouŋé na ménzaté mié ée mvfo.
-
Paʼ vidéo gôôn, fa wégé wé mambaŋa la gwiée lé gʉo kô ta ndôg nkoubé yé nti lôg chouŋé na pétso pʉa?
-
A la gʉo kô ta ndôg nkoubé?
Toŋo Ékléziaste 7:16, mbing chouŋé na yôôn nzaté:
-
Pégé gwiée lé kimté ngié kô fʉʼ yié nkouaŋa lé chouŋé tépong na gning too two pégé?
Toŋo Ékléziaste 7:21, 22, mbing chouŋé na yôôn nzaté:
-
Gning lôôn chouŋé tépong na wou, mba ngouo môôn ménkang ŋwaʼné kuiété wou lé kuié yèe no lékô?
6. Lôg ntchwo mboŋo ngôôn no mbwo pʉa tsiŋé nda jou
Jéova né nkouŋo ngié mé lôg mékouʼ po ntchwo mboŋo ngôôn no tsèe tsiŋé nda. Tsôʼô VIDÉO, mbing ngôôn no na nzaté yié ée mvfo.
-
Akô gé kuiété wou lé lôg mékouʼ ngôôn no mbwo pʉa tsiŋé nda jou?
Toŋo Éféso 4:31, 32, mbing chouŋé na yôôn nzaté:
-
Ée yèe nti chouŋé yié ngouo é gʉo tsiŋé nda jou jouʼ mboŋo?
Jéova la té gnié té gôôn mmo yié a la né njouʼou nti Ming wé wô. Toŋo Matio 17:5, mbing chouŋé na yôôn nzaté:
-
Ngouo o fʉʼʉ Jéova lékô na nti lé chouŋé lé pʉa tsiŋé nda jou?
Faʼ méchʉo lé lôg nkuingté pʉa.
TSO PɄA GÔÔN NGIÉ: «Méng gôôn yôôn po mmo yié méng nkouang. Tsoo gning lôôn njouʼ kékang, mba a né ndié po yé.»
-
O kouang jou pouʼou? Pouʼou nti kô?
TA O ZIʼII KÔ?
Méchouŋé gwiée pawa. Pégé gwiée lé tsigé no na mmo yié pégé gôôn, mboo tam wuié pégé gé gôôn, ngʉo nti yié pégé gé lôg gôôn.
Ta o né nkimté?
-
Ée mèe méchʉo mié ngouo o tchouŋo yousé ntchwo wou moo ndôg nkuiété pétso pʉa?
-
Ée mèe ménti méchouŋo mié o chanaa lé waʼ?
-
Ngouo kô kuiété wou lé ké ngwiée po méchouŋo mboŋo mié é kuingté pʉa?
KUIʼI FAʼ
Akô gé kuiété wégé lé gwiée méchouŋé mboŋo?
Ngouo nti yié pégé lôg chouŋé gʉo léko na pétso pʉa?
Giè paʼ ngouô o gʉo ta o lé chouŋo tépong na mézing pʉa wô.
Gia paʼ Jéova la kuiété tsoo mambaŋa lé kouʼté ntchwo wé.
« Jʼai sérieusement réfléchi à ce que je faisais de ma vie » (La Tour de Garde, 1 août 2013)
