Ge Jehofa a be a re bopa, o re file mpho e botse kudu, e lego bokgoni bja go bolela. Na Jehofa o na le taba le gore re diriša mpho yeo bjang? Ee! (Bala Jakobo 1:​26.) Bjale re ka dira eng gore re thabiše Jehofa ka dilo tšeo re di bolelago?

1. Re swanetše go šomiša bjang mpho yeo Jehofa a re filego yona ya go bolela?

Beibele e re: “Tšwelang pele le kgothatšana e bile le agana.” (1 Bathesalonika 5:​11) Na go na le motho yo o mo tsebago yo a hlokago go kgothatšwa? O ka dira’ng gore o mo thuše? Mmotše gore o na le taba le yena. Mohlomongwe o ka mmotša gore o rata eng ka yena. Na go na le lengwalo leo o ka kgothatšago motho yo mongwe ka lona? Go na le mangwalo a mantši ao o ka a dirišago go kgothatša motho yo mongwe. Le gona, dula o gopola gore tsela yeo o bolelago ka yona, le yona e ka kgothatša motho kudu. Ke ka baka leo o swanetšego go dula o leka go bolela le batho ba bangwe ka tsela e botho le e boleta.​—Diema 15:1.

2. Ke dilo dife tšeo re sa swanelago go di bolela?

Beibele e re: “Anke polelo e bodilego e se ke ya tšwa melomong ya lena.” (Bala Baefeso 4:​29.) Se se ra gore ga se ra swanela go rogana, goba go bolela dilo tšeo di ka kwešago batho ba bangwe bohloko. E bile ga se ra swanela go seba ka batho ba bangwe le go ba thomeletša.​—Bala Diema 16:28.

3. Re ka thušwa ke eng gore re kgone go bolela dilo tšeo di ka kgothatšago ba bangwe?

Gantši re bolela dilo tšeo re di naganago le tšeo di lego ka dipelong tša rena. (Luka 6:​45) Ka gona re swanetše go ithuta go nagana ka dilo tšeo di lokilego, tšeo di hlwekilego, tšeo di rategago, le tšeo di tumišegago. (Bafilipi 4:8) E le gore re kgone go nagana ka dilo tše, re swanetše go kgetha gabotse dilo tšeo re ithabišago ka tšona, le go kgetha bagwera gabotse. (Diema 13:​20) Le gona, go bohlokwa kudu gore re nagane pele re bolela. Ipotšiše gore dilo tšeo o di bolelago, di tlo dira gore batho ba bangwe ba ikwe bjang. Beibele e re: “Go na le yo a bolelago a sa naganišiše bjalo ka ge eka o hlaba ka tšhoša, eupša leleme la ba bohlale le a fodiša.”​—Diema 12:​18.

 ITHUTE KA MO GO TSENELETŠEGO

4. Kgetha mantšu ge o bolela

Ka moka ga rena, re fela re bolela dilo gomme ka morago ra tla ra itshola. (Jakobo 3:2) Balang Bagalatia 5:​22, 23, gomme le boledišaneng ka dipotšišo tše di latelago:

• Ke dika dife tšeo o ka rapelago Jehofa gore a go nee tšona go go thuša gore o laole tsela yeo o bolelago ka yona? Dika tše di ka go thuša bjang?

Balang 1 Bakorinthe 15:​33, gomme le boledišaneng ka potšišo e latelago:

• Bagwera ba gago le dilo tšeo o ithabišago ka tšona, di ka ama bjang tsela yeo o bolelago ka yona?

Balang Mmoledi 3:​1, 7, gomme le boledišaneng ka potšišo e latelago:

• O nagana gore ke neng moo o swanetšego go homola goba go emela nako e botse ya go bolela?

 5. Bolela gabotse ka batho ba bangwe

6. Bontšha gore o a naganela ge o bolela le lapa la gago

 O ITHUTILE ENG?

Re swanetše go dula re gopola gore dilo tšeo re di bolelago di ka kgothatša ba bangwe, goba tša ba kweša bohloko. Ka gona, re swanetše go nagana pele ka dilo tšeo re di bolelago, gore re di bolela neng le gona bjang.

Dipotšišo

• O ka diriša bjang bokgoni bja gago bja go bolela go kgothatša batho ba bangwe?

• Ke dilo dife tšeo o sa nyakego go di bolela?

• Re ka thušwa ke’ng go dula re bolela dilo tšeo di kgothatšago batho ba bangwe le go bontšha gore re a ba naganela?