YAĆHACHICUY 51
Imanuypam cushichichwan Jehovata limayninchicwan
Jehová licalilcachil, juc regaluctam umalanchic: limaycäta. ¿Jehovapä puydinchun allinta limananchic? Aw, paypä puydinmi. (Liguicuy Santiago 1:26). Chayurá, ¿imanuypam limananchic Jehovata cushichinanchicpä?
1. ¿Imanuymi limayninchic canman Jehovata cushichinanchicpä?
Bibliami nimanchic: ‘Jinalla callpanchanaculcay ñatac yanapanaculcay’ (1 Tesalonicenses 5:11). Ichapis mayanpis llaquiśha cayaptin ¿imanuypam payta consuelanquiman? Allictam cuyac nilculmi. Alawanquimanmi allinta lulaśhampï. ¿Ima Bibliapi textuctam liguipaycunquiman consuelaycunayquipä? Achca textucunam cayan aclanayquipä. Chaypi’a tuquillap limapayculmi yanapaycunquiman. Chaymi mayanwanpis limanquiman jawcalla ñatac cuyayllawan. (Proverbios 15:1).
2. ¿Imacunactam mana limananchicchu?
Bibliami nin: “Amatac imaypis juyu limaycuna śhimiquipi yaluchunchu” (liguicuy Efesios 4:29). Ya’anchic manam limananchicchu anla limaycunacta, nï mayantapis sintichinanchicpä. Chaypi’a, manam waśhalima cananchicchu, nï yan’alpi tumpacuśhunchu (liguicuy Proverbios 16:28).
3. ¿Imam yanapamäśhun allinta limananchicpä?
Limaśhanchicwanmi licachiśhun imanuy nuna caśhanchicta (Lucas 6:45). Chaymi piensananchic allin cällaman. Caycunam: Allin lulaycunaca, alawanapä cäcunaca, ñatac cuyanapä cäcunaca (Filipenses 4:8). Chaypämi allinta aclananchic uyalinapäpis, licanapäpis ñatac allin amigucunactam ashiśhun (Proverbios 13:20). Chaypi’a piensaśhun manalapis limal. Bibliaca nin: “Nana-nanaypa limäcunäpa limaynin ispädanülämá ćhaycun; yaćhayniyücäpa limayninñatacmi ichá jampicun” (Proverbios 12:18).
MASTA YAĆHAYCUŚHUN
Imanuypam limachwan Jehovata cushichinanchicpä ñatac juccunacta animananchicpä.
4. Manalapis limal allinta piensay
Llapanchicmi imaypis mana piensal limalanchic. (Santiago 3:2). Liguiśhun Gálatas 5:22, 23 ñatac limaśhun caypi:
-
Limaśhayquita controlanayquipä cay texto nishannü, ¿imacunactam mañacunquiman Jehovata? ¿Imanuypam chay mañacuśhayqui yanapaśhunquiman?
Liguiśhun 1 Corintios 15:33 ñatac limaśhun caypi:
-
Aclaśhayqui amiguyquicuna, aclaśhayqui diversioncuna, ¿yanapaśhunquichun limaynïquićhu icha manachun?
¿Imacunam limaynïquita mana allinmanpis o allinmanpis muyuchinman?
Liguiśhun Eclesiastés 3:1, 7 ñatac limaśhun caypi:
-
¿Imaymi upälla cananchic ñatac imaymi limananchic?
5. Limay allinta juccunapi
¿Imacunam yanapamachwan juccunacta mana sintichinanchicpä? Licaśhun VIDEUCTA ñatac limaśhun caypi:
-
¿Imapïmi hermanuca manaña munalachu juccunapi mana allin limayta?
-
Chaypä, ¿imactam lulala?
Liguiśhun Eclesiastés 7:16 ñatac limaśhun caypi:
-
¿Imactam yalpananchic mayanpipis mana allinta limayta munal?
Liguiśhun Eclesiastés 7:21, 22 ñatac limaśhun caypi:
-
Mana allinta ampi limaptin, ¿imanuypam yanapaśhunquiman cay textucunaca mana sinticunayquipä?
6. Familiayquiwan cuyayllawanmi limanayqui
Jehová munan familianchicwan cuyaywan limananchictam. Licaśhun VIDEUCTA ñatac limaśhun caypi:
-
¿Imam yanapaśhunqui familiayquiwan cuyaywan limanayquipä?
Liguiśhun Efesios 4:31, 32 ñatac limaśhun caypi:
-
¿Imanuymi limayninchic canman familianchicwan jawcalla cawsacunanchicpä?
Jehová chulin Jesusta nila allicta cuyaśhanta. Liguiśhun Mateo 17:5 ñatac limaśhun caypi:
-
¿Imanuypam am atichinquiman Jehovata familiayquiwan limal?
Juccunacta felicitay allincunacta lulaśhampi.
WAQUINCUNA NIPÄCUN: “Ya’a piensaśhatam limä. Juccunacta mana gustaptin’a imam ucaman”.
-
Ampis, ¿chaynütachun ninqui?
IMACTAM YAĆHALUNCHIC
Limayninchicwanmi pictapis sinticachichwan o cushicachichwan, chaymi manalapis imactapis limal puntacta piensananchic.
Yalpaśhun
-
¿Imanuypam limaśhanchicwan pictapis yanapachwan?
-
¿Imacunactam mana limananchicchu?
-
¿Imam yanapamäśhun cuyaywan ñatac allinta limananchicpä?
MASTA YAĆHANAYQUIPÄ
¿Imam yanapamäśhun allinta limananchicpä? Chaypita licay videuta.
Yaćhaycuy yanapaśhunayquipä mana anlacunacta limanayquipä.
“¿Qué problema hay en decir malas palabras?” (Artículo de jw.org)
¿Imactam lulanquiman mayantapis waśhanta mana limanayquipä? Licay videucta.
¿Imam yanapala juc hombricta manaña limananpä anla limaycunacta? Liguiy.
“Comencé a pensar en el rumbo que estaba tomando mi vida” (La Atalaya, 1 de agosto de 2013)
