Keda stvoringja amen, o Jehova dengja amen jekh but šužo poklon — i sposobnost te kera lafi. Dali tano leske važno sar koristinaja adava poklon? Oja, sigurno! (Čitin Jakov 1:26.) Adaleske, te dikha sar šaj te koristina amari sposobnost te kera lafi ko način sar so mangela o Jehova.

1. Sar šaj ko šukar način te koristina amare lafija?

I Biblija vakerela amenge: „Ohrabrinen tumen maškar tumende hem izgradinen jekh jekhe“ (1. Solunjanite 5:11). Dali pendžarea nekas kaske so valjani ohrabruvanje? So šaj te kere te šaj te osetinel pe pošukar? Na primer, šaj te vakere leske kaj ov tano tuke važno, te spomnine leske nešto so ceninea ki leste ili te rode nesavo biblisko stiho so ka ohrabrinel le. Ki Biblija isi but asavke ohrabruvačka stihija so šaj te birine. Isto agjaar, ma bistre kaj o način sar ka vakere adala lafija tano but važno. Adaleske, sekogaš trudin tut te ove obzirno hem te kere lafi ljubezno (Izreki 15:1).

2. Save lafija na valjani te koristina?

I Biblija vakerela: „Nijekh lošno lafi te na ikljol taro tumaro muj“. (Čitin Efešanite 4:29.) Adaleske, na koristinaja gruba hem navredliva lafija so šaj te povredinen e javeren. Isto agjaar, na valjani te ogovorina hem te klevetina e javeren. (Čitin Izreki 16:28.)

3. So ka pomožinel amenge te kera lafi ko jekh ohrabruvačko način?

But puti amare lafija sikavena so isi amen ko vilo hem so vrtinela pe amenge ki godi (Luka 6:45). Adaleske, valjani te trudina amen te razmislina bašo pozitivna bukja — bukja soj tane pravedna, čista, so ka pottikninen amen ko mangipe hem soj pofalna (Filipjanite 4:8). Akava ka ovel amenge polokho ako mudro birinaja amari zabava hem amare amalen (Izreki 13:20). Isto agjaar, ka ovel šukar, angleder te vakera nešto, te razmislina sar amare lafija ka vlijajnen upro javera. I Biblija vakerela: „O lafija soj vakerde bizo te mislinel pe posavena sar mači, ama i čhib e mudro manušengiri sasljarela“ (Izreki 12:18).

 DOZNAJN POVIŠE

4. Razmislin angleder te vakere nešto

Ponekogaš, sarine vakeraja nešto bašo so palo adava peraja pišmani (Jakov 3:2). Čitin Galatite 5:22, 23, a palo adava keren lafi bašo akala pučiba:

• Bašo kola taro akala osobine šaj te moline tut te šaj te pomožinen tuke te pazine ko tle lafija? Sar šaj te pomožinen tuke akala osobine?

Čitin 1. Korinkjanite 15:33, a palo adava keren lafi bašo akava pučibe:

• Sar o društvo hem i zabava šaj te vlijajnen upro adava sar keraja lafi?

Čitin Propovednik 3:1, 7, a palo adava keren lafi bašo akava pučibe:

• So mislinea, ko kola situacie ka ovel pošukar te čutine ili te adžikere pošukar momenti te šaj te vakere nešto?

 5. Ker šukar lafi e javerendar

6. Ov ljubezno keda kerea lafi tle familijaja

 SO SIKLILEM

Amare lafija šaj ili te pomožinen ili te povredinen e javeren. Adaleske, valjani šukar te pazina so vakeraja, keda vakeraja hem sar vakeraja.

Sar ka odgovorine?

• Sar šaj ko šukar način te koristina amare lafija?

• Sar na valjani te kera lafi?

• So ka pomožinel amenge amare lafija sekogaš te oven ljubezna hem ohrabruvačka?