Кана кергяс амен, о Йехова диняс амен и чшиб, за те ащи те хоратинас. Леске си бут важно со тай сар хоратинас. (Четине Яков 1:26.) Тогава сар ащи те анас радост е Йеховаске, кана хоратинас?

1. Сар требе те хоратинас околенца?

И Библия пхенел: „Помагинен йекх авереске те овен спокойна тай зоралярен йекх аверес.“ (1 Солунци 5:11) Пенжарес ли манушес, колеске ка ачшол по-шукар, ако шунел йекх лачши дума? Пхен калке манушеске кизом бут мислинес леске тай саве букя харешинен туке лесте. Дес ли тут годи десаве стихиеске тари Библия, ковато ка зоралярел декхас? Иси бут салка стиховя. Ма бистер, кай си важно ма само со пхенес, а също сар пхенес лес. Дикх те думес винаги те овен шукар тай те сикавен, кай дехес околен. (Притчи 15:1)

2. Саве букя на требе те хоратинас?

И Библия пхенел: „Нито йекх кханили дума те на икльол тумаре мостар.“ (Четине Ефесяни 4:29.) Демек на требе те хоратинас мръсна букя, те акушас или те дукхавас околен е букиенца, колато пхенас. На требе също те хоратинас клюкес против околенде или нарочно те пхенас хохавне букя за ленге. (Четине Притчи 16:28.)

3. Сар те зоралярас околен, кана хоратинас ленца?

О букя, коленге хоратинас, сикавен со си амаре гогяте тай амаре сърцесте. (Лука 6:45) Аке соске требе те сикльовас те мислинас шукаре букиенге, колато си праведна тай шуже е Девлеске андо якха тай колато ка траден амен те сикавас любов кариг околенде тай те похвалинас лен. (Филипяни 4:8) За те мислинас салке шукаре букиенге, требе те внимавинас, кана избиринас со те дикхас, саве гиля те шунас тай саве амаленца те тховас амен. (Притчи 13:20) Ка овел шукар също те мислинас, англал те хоратинас, тай те представинас аменге сар амаре думес ка траден околен те чувствинен пес. И Библия пхенел: „Мануш, ковато хоратинел без те мислинел, все едно хевлярел чшуряса, а кана о гогявер мануша хоратинен, все едно саскярен околен.“ (Притчи 12:18)

 РОДЕ ПО-ХОРЕСТЕ

4. Внимавине со пхенес, кана пхенес лес тай сар пхенес лес

Секо йекх амендар подекхана пхенел букя, коленге после ачшол пишмани. (Яков 3:2) Четинен Галатяни 5:22, 23 тай хоратинен калке въпросиенге:

• Ако мангес те внимавинес со хоратинес, кола таро качества, коленге четингям, ка молинес тут те овен тут? Сар калка качества ка помагинен туке?

Четинен 1 Коринтяни 15:33 тай хоратинен калке въпросиенге:

• Сар ка хоратинес, ако дикхес тай шунес шукар букя тай ако тховес тут лачше амаленца? Сар ка хоратинес, ако дикхес тай шунес кханиле букя тай ако тховес тут кханиле амаленца?

Четинен Еклисиаст 3:1, 7 тай хоратинен калке въпросиеске:

• Кана ка овел шукар те траньес туке тай те хоратинес авер дром?

 5. Хоратине шукар букя за околенге

6. Сикав любов, кана хоратинес те семействоса

 СО СИКЛИЛЯМ

О букя, колато хоратинас ащи или те дукхавен околен или те помагинен ленге. Требе те мислинас шукар со ка пхенас, кана ка пхенас лес тай сар ка пхенас лес.

О най-важна букя таро уроки

• Сар те зоралярас околен, кана хоратинас ленца?

• Саве букя на требе те хоратинас?

• Со ка помагинел аменге, винаги те сикавас любов тай те зоралярас околен, кана хоратинас ленца?