Cana o Iehova cărdea-ame, vo dea amen o baro daro, te daisaras te das duma. Si anda leste importanto sar das duma? Sar te na! (Citisaren Iacov 1:26.) Cadea că, sar daisaras te bucurisaras le Iehovas cana das duma?

1. Sar trebulas te das duma averența?

I Biblia phenel amenghe ‘te zuriaras-ame vi mai dur iech averes hai te vazdas-ame iech averes’. (1 Tesaloniceni 5:11) Prinjianes manușa cai silen nevoia te aven zuriarde? So daștis te cheres anda lende caște simțosaren-pe mai mișto? Phen lenghe că duchal-tu lendar. Daștis te phenes lenghe so placial-tu lende. So verseto biblico daștis te phenes varecasche caște zuriares-les? Si but versetea mașcar save daștis te alosares. Tha na bâstăr că o modo sar des duma daștil te zuriarel averen sa cadea de but sar le dumes cai phenes-le. Cadea că, de chi zor te des duma sea o timpo pherdo lașimos hai blândețea. (Proverbe 15:1)

2. Sar ci trebulas te das duma?

I Biblia phenel: ‘Niciech duma melali te na înclel anda tumaro mui’. (Citisaren Efeseni 4:29.) Cadaia însemnol că amen ci va avela te das duma melales hai nici te phenas averenghe buchia jiungale cai pusaven lengo ilo hai duchaven-le. Mai but, ci va avela te das duma nasul anda aver hai nici te phenas anda lende hohaimata cai duchaven. (Citisaren Proverbe 16:28.)

3. So ajutil-ame te zuriaras averen prin o modo sar das duma?

Butivar, le buchia anda save das duma sicaven so si ciaces ande amaro ilo hai ande amari goghi. (Luca 6:45) Anda codoia, trebul te sichioas te gândisaras-ame mai but ca le lașe buchia cai sile orta, uje, cai meritin te aven iubime hai sile demno așarimasco. (Filipeni 4:8) Caște cheras cadaia, trebul te las sama casa phiras hai so distracții alosaras. (Proverbe 13:20) Mai but, avelas mișto te gândisaras-ame de mai anglal ca so va avela te phenas hai sar va avela te das duma. Gândisar-tu dacă so va avela te phenes va cherela mișto sau nasul codolesche cai așunel-tu. I Biblia phenel: „Cana varecon del duma bi te gândil si sar cana pusavel-tu iech sabia, tha i șib codolenghi goghiaver si sastiarimos”. (Proverbe 12:18)

 HACHIAR MAI MIȘTO

4. Le sama ca so phenes, cana phenes hai sar phenes-la

Poiechdata, savore phenas buchia anda save, mai târzio, fal-ame nasul. (Iacov 3:2) Citisaren Galateni 5:22, 23 hai pala codoia den duma:

• Caște les sama sar des duma, save buchia andal versetea cames te manghes-le le Iehovasche? Sar daștin te ajutin-tu cadala?

Citisaren 1 Corinteni 15:33 hai pala codoia den duma:

• Sar daștin le amala hai le distracții te paruven o modo sar des duma?

Citisaren Eclesiasto 3:1, 7 hai pala codoia den duma:

• Cana avelas mai mișto te încăras parpale amari șib sau te ajucăras o timpo potrivime caște das duma?

 5. Phen lașe buchia anda aver

6. De duma lașimaia codolența andai familia

 SO SICHILEAM

So phenas daștil te ajutil sau te duchavel averen. Trebul te gândisaras-ame mișto ca so phenas, cana phenas hai sar phenas-la.

So dichleam

• Sar daștis te des duma cadea încât te ajutis averen?

• Sar trebulas te na des duma?

• Sar daisaras te das duma pherde lașimos hai te zuriaras averen sea o timpo?