PĚNGANGĚNDUNGANG 51
Kerea i Kau Botonge Makal᷊uasẹ̌ si Yehuwa bọu Bisaranu?
Su tempong Yehuwa něndiadi si kitẹ, i Sie něgělị hadiah maarěga ene kai kesanggupan gunang mẹ̌bisara. Apa i Sie mapadul᷊i su cara i kitẹ měpakẹ hadiah ene? Iya, i Sie mapadul᷊i. (Basa Yakobus 1:26.) Hakị u ene, kerea i kitẹ botonge měpakẹ kesanggupan mẹ̌bisara dingangu cara makal᷊uasẹ̌ si Yehuwa?
1. Kerea i kitẹ botonge měpakẹ pakapia hadiah kesanggupan mẹ̌bisara?
Alkitapẹ̌ něngoro si kitẹ gunang ’turusẹ̌ pěmpẹ̌dal᷊ahiborẹ̌ dingangu pěmpẹ̌tatoghasẹ̌ sěmbaụ su wal᷊inẹ’. (1 Tesalonika 5:11) Kěnang pẹ̌tiněna ini: Apa piạ taumata nikěnalẹ̌u perlu makaěbạ pělahiborẹ̌? Apa wotonge koatengu gunang měhiborẹ̌ si sire? Paul᷊ị si sire, i sire maarěga si kau. Aramanung i kau botonge mẹ̌sěbạ hal᷊ẹ̌ apa ikẹ̌kapuluangu bọu i sire. Apa piạ ayatẹ̌ botonge paketangu gunang měnoghasẹ̌ taumata wal᷊inẹ? Piạ lawọ ayatẹ̌ botonge paketangu. Pẹ̌tahěndung lai, cara i kau mẹ̌bisara ene piạ pěngarune gěguwạ mẹ̌sul᷊ung kere bawera nipakẹu. Hakị u ene, pẹ̌tawakal᷊ịe gunang sěntiniạ mapia lai masikome su tempong mẹ̌bisara.—Amsal 15:1.
2. Hal᷊ẹ̌ kerea tawe wotonge bisarang i kitẹ?
Alkitapẹ̌ naul᷊ị, ”Abe sarang manga bawera mawuhụ suměbang bọu mohong i kamene.” (Basa Efesus 4:29.) Ini mangal᷊ene i kitẹ tawe wotonge mẹ̌bisara ral᷊akị, kasarẹ̌, arau matingkaị kụ makatědụ naungu taumata wal᷊inẹ. I kitẹ lai tawe wotonge mẹ̌sampuhẹ̌ dingangu mẹ̌konti kụ makawuhụ arengu taumata wal᷊inẹ.—Basa Amsal 16:28.
3. Kerea tadeạu bisarang i kitẹ makatoghasẹ̌?
Kasauange, apa niwerang i kitẹ ene nělahẹ lohong naung i kitẹ arau apa tẹ̌tiněnang i kitẹ. (Lukas 6:45) Hakị u ene, i kitẹ harusẹ̌ melatih watangeng tadeạu mẹ̌tiněna manga hal᷊ẹ̌ mapia, burěsi, makarěntang kakěndagẹ̌, dingangu makarěntang daralo. (Filipi 4:8) Tadeạu mẹ̌tiněna manga hal᷊ẹ̌ ene, i kitẹ harusẹ̌ měmile pakapia hiburan dingangu hapị. (Amsal 13:20) Mapaelẹ̌ lai mạeng i kitẹ mẹ̌tiněna kal᷊imona těntal᷊ang bědang tawe nẹ̌bisara. Pẹ̌tiněna apa pengaruh baweranu su taumata wal᷊inẹ. Alkitapẹ̌ naul᷊ị, ”Bawera tawe tẹ̌tiněnang ene makal᷊esẹ mẹ̌sul᷊ungu nitěkạu tumbaka, katewe lilang taumata matahuěna kai makapia.”—Amsal 12:18.
BANGKA PAKARAL᷊UNG
Mahịe měngěndung kerea tadeạu bisarang i kitẹ makal᷊uasẹ̌ si Yehuwa dingangu makatoghasẹ̌ taumata wal᷊inẹ.
4. Diagạ bisaranu
Pẹ̌sěngsul᷊ẹ, i kitẹ maul᷊ị piram baụ hal᷊ẹ̌ kụ samurine i kitẹ mẹ̌sasěsilẹ̌ seng naul᷊ị ene. (Yakobus 3:2) Basa Galatia 5:22, 23, bọu ene bisarai kakiwal᷊o ini:
-
Su daroa, manga sipatẹ̌ apa botonge dorongangu su Mawu tadeạu makatul᷊ung si kau měndiagạ bisaranu? Kerea manga sipatẹ̌ ene botonge makatul᷊ung si kau?
Basa 1 Korintus 15:33, bọu ene bisarai kakiwal᷊o ini:
-
Apa pengaruh hapị dingangu hiburan nipilenu su bawera pẹ̌paketangu?
Apa makapěngaruh caranu mẹ̌bisara?
Basa Pengkhotbah 3:1, 7, bọu ene bisarai kakiwal᷊o ini:
-
Su tempo kerea mapaelẹ̌ i kitẹ tatapẹ̌ marěmasẹ̌ arau měngampal᷊ẹ̌ tempo nẹ̌tatahino gunang mẹ̌bisara?
5. Pẹ̌bisarạe barang mapia soal u taumata wal᷊inẹ
Kerea tadeạu i kitẹ tawe makatědụ naungu taumata wal᷊inẹ arau maul᷊ị barang dal᷊akị soal i sire? Putarẹ̌ VIDEONE, bọu ene bisarai manga kakiwal᷊one.
-
Su video ene, kawe nụe saudara ene mapulu měmalui bisarane soal u taumata wal᷊inẹ?
-
Apa nikoạe gunang mẹ̌bal᷊ui?
Basa Pengkhotbah 7:16, bọu ene bisarai kakiwal᷊o ini:
-
Apa harusẹ̌ tahěndungang i kitẹ mạeng piạ kapulu gunang mẹ̌bisara barang dal᷊akị soal u taumata wal᷊inẹ?
Basa Pengkhotbah 7:21, 22, bọu ene bisarai kakiwal᷊o ini:
-
Kerea manga ayatẹ̌ ini makatul᷊ung si kau tawe mẹ̌pědu su tempong taumata wal᷊inẹ nẹ̌bisara barang dal᷊akị soal i kau?
6. Pakapia su tempong mẹ̌bisara su kěluarganu
Yehuwa mapulu i kitẹ makěndagẹ̌ dingangu mapia su tempong mẹ̌bisara su kěluargang i kitẹ. Putarẹ̌ VIDEONE, bọu ene bisarai kakiwal᷊one.
-
Apa makatul᷊ung si kau tadeạu mẹ̌bisara mapia su kěluarganu?
Basa Efesus 4:31, 32, bọu ene bisarai kakiwal᷊o ini:
-
Bisara kerea botonge makatoghasẹ̌ keluarga?
Yehuwa naul᷊ị i Sie makěndagẹ̌ su Ahus’E, Yesus. Basa Matius 17:5, bọu ene bisarai kakiwal᷊o ini:
-
Kerea i kau botonge mẹ̌těno si Yehuwa su tempong mẹ̌bisara dingangu kěluarganu?
Pědeạ tempo gunang mẹ̌dalo taumata wal᷊inẹ
PIẠ U NAUL᷊Ị: ”Iạ taumatane terus terang mạeng mẹ̌bisara. Iạ tawe masalah mạeng taumata wal᷊inẹ tersinggung dingangu baweraku.”
-
Apa i kau setuju dingangu hal᷊ẹ̌ ene? Kawe nụe?
RINGKASAN
Bawera piạ katatoghase. I kitẹ harusẹ̌ mẹ̌tiněna pakapia soal u apa sarung ul᷊ịkang, ange maul᷊ị ene, dingangu kerea maul᷊ị ene.
Apa seng nikaěndungangu?
-
Kerea i kau botonge měpakẹ kesanggupan mẹ̌bisara gunang mẹ̌tul᷊ung taumata wal᷊inẹ?
-
Hal᷊ẹ̌ kerea tawe wotonge bisarang i kitẹ?
-
Apa makatul᷊ung si kitẹ tadeạu bisarang i kitẹ sěntiniạ mapia dingangu makatoghasẹ̌?
PĚMANDA LAI
Apa makatul᷊ung si kitẹ tadeạu bisarang i kitẹ makatoghasẹ̌ taumata wal᷊inẹ?
Pěngěndungke apa wotonge makatul᷊ung si kau tadeạu tawe měpakẹ bawera kotorẹ̌.
Pěmanda kerea tadeạu i kau tawe mẹ̌bisara barang dal᷊akị soal u taumata wal᷊inẹ.
Pěmandạe kerea Yehuwa nẹ̌tul᷊ung sěngkatau esẹ něngědo nẹ̌dohang.
”Iạ Něnětạ Serius Nẹ̌tiněna Dal᷊engu Pěbawiahẹ̌ku” (Menara Pengawal, 1 Agustus 2013)