Nimea i Jehovah fagnomezagne tena fanjaka tikagne naho fa niforogne’e. Tsy inogne zay fa ty fahafahagne mirehake. Tena lahibey ama’e ty fomba fampiasantikagne o fagnomezagne iohoe! (Vakio ty Jakoba 1:26.) Ino areke ty toko’e hataontikagne mba hahavy ty raha rehafentikagne hampifale i Jehovah?

1. Toko’e hampiasaentikagne amy ty inogne iaby ty fahafahantikagne mirehake?

Mirehake ty Baiboly tie: “Mifampionogna naho mifampahereza lognandro.” (1 Tesalonianina 5:11) Mba eretsereto moa tie, ia iaby ty ndaty mipay fampaherezagne. Ino ty azo’o atao mba hampaherezagne iareo? Omeo toky reke tie sarobily ama’o. Azo’o rehafegne ama’e ohatse ty toetse’e tena tea’o. Misy andinin-teny fanta’o vao tie va’e hampahery aze? Maro ty andinin-teny azo’o filiegne. Ankoatse izay, tadidio fa tsy ty raha rehafe’o avao ro misy voka’e amy ty hafa fa ty fomba irehafa’o aze ka. Mikezaha areke mba ho soa fagnahy naho fa mirehake.​—Ohabolana 15:1.

2. Raha manao akore ty tsy toko’e ho rehafentikagne?

Hoe ty Baiboly: “Tsy toko’e hisy rehake raty hiboake ty amy ty vava’areo.” (Vakio ty Efesianina 4:29.) Midika zay fa tsy toko’e hirehake raha raty ndra hirehake raha mamparare fo ty hafa tikagne. Tsy toko’e hitsikotsiko ndra hagnaratiraty ty hafa ka tikagne.​—Vakio ty Ohabolana 16:28.

3. Ino ty hagnampe antikagne hanao rehake mampahery avao?

Mateteke ro trea amy ty raha rehafentikagne tie, ino ty mameno ty fontikagne naho ty saintikagne. (Lioka 6:45) Toko’e ho fenoentikagne raha soa avao areke ty saintikagne. Agnisa izay retoagne: ‘Raha maregne, malio, mahafinaritse, malaza ho soa.’ (Filipianina 4:8) Toko’e hahay hifily fihisagne naho namagne tikagne mba hahavitantikagne izay. (Ohabolana 13:20) Hirehake raha mampahery ka tikagne naho mieretseretse hey vaho izay mirehake. Dineho zao: ‘Naho mirehake itoy raho, le ino ty ho voka’e amy ty hafa?’ Hoe ty Baiboly: “Misy manao rehake tsy ampiheveragne, le hoe tinombo ty mesa ty azo’e, fa ty reha ty mahilala ro magnasitragne.”​—Ohabolana 12:18.

 ANDAO HANDINEKE TY PITSOPITSO’E

4. Ambeno soa ty raha rehafe’o

Va’e hisy fotoagne tikagne hirehake raha hanegnenantikagne. (Jakoba 3:2) Vakio ty Galatianina 5:22, 23, sady iharò midineke ty fagnonteneagne retoa:

• Ty aia amo o toetse rehoe ty azo’o angatahegne amy ty vavake mba hagnampe azo hiambegne soa ty raha rehafe’o? Nagnino o toetse rehoe ro afake magnampe azo?

Vakio ty 1 Korintianina 15:33, sady iharò midineke ty fagnonteneagne toy:

• Nagnino ro misy voka’e amy ty raha rehafe’o ty ndaty atao’o namagne naho ty fihisagne filie’o?

Vakio ty Mpitoriteny 3:1, 7, sady iharò midineke ty fagnonteneagne toy:

• Naho fa manao akore ro soa naho tsy mirehake ndra mandigne fotoagne hafa mba hirehafagne aze?

 5. Raha soa ro rehafo naho fa mirehake miomba ty hafa

6. Mikezaha ho soa fagnahy naho fa mirehake amy ty keleia’o

 FAMINTIGNAGNE

Misy voka’e amy ty ndaty hafa ty raha rehafentikagne. Toko’e hieretseretse soa heike tikagne tie, ino ty raha ho rehafegne, amy ty fotoagne manao akore ty toko’e hirehafagne aze sady akore ty fomba hirehafagne aze.

Fameregnagne

• Inogne iaby ty azo’o ampiasagne ty fahafahantikagne mirehake mba hagnampeagne ty hafa?

• Raha manao akore ty tsy toko’e ho rehafentikagne?

• Ino ty hagnampe antikagne ho soa fagnahy sady hampahery avao naho fa mirehake?