Naasubia Yawe oni, abu kijaik oni ainakinet naitegelikina, nges naka apedorit einer. Epodokinit kereka ngesi epone loitwasamaa oni ainakinet ngin? Epodokinit ba! (Kosiom Yakob 1:26.) Kanuangun, epone ani ipedoria oni aitwasam ainakinet naka einer kopone loisiyalamikinit Yawe?

1. Epone ani ibusakinitor oni aitwasam ainakinet naka einer?

Elimokinit Ebaibuli oni ebe, “kitalakanaros bonik, kodukonoros nginitunganan kayenice.” (1 Isesalonikan 5:11) Lu bo angai iwomit ijo ebe ekotokinos aitalakaario? Inyo ipedori ijo aswam kanu aingarakin kes? Itodik kes ebe ipodokinit ijo kes. Ipedori ijo alimokin kesi nueminakinitos ijo kanuikamunitos kes. Ani bo ekokoro loipedori jo aisinyikokinia idiotunganan yenijeni ijo? Ipu ikokoron luipedori ijo aseun. Kiitunite ebe, epone loinerar ijo epedori aisinyikokin luce noi. Kanuangun ekoto jo duc einer kopone loitodunit asianut ka aiyapepera.​—Awaragasia 15:1.

2. Einer loepone ani ibusakinit oni aisac?

Ebala Ebaibuli ebe: “Sirikelomu adiokirot kere naebosit kaitukekus.” (Kosiom Ipeson 4:29.) Apolouke ebe mam ekoto oni aitwasam angajep naronon, arai bo adedeng ka einer nuitakadikinete luce. Ibusakinit bobo ijo aisac esiomit keda aicuk ebeele.​—Kosiom Awaragasia 16:28.

3. Inyo epedori aingarakin oni einer akiro nuedukete?

Nuduc etapit oni einer itodunitos nuejaasi otauonowok arai bo nuiwoomoomoi oni. (Luka 6:45) Aso ekoto oni aituutoonor bonik kanu aomoom akiro nuedukete​—apolouke ebe nuedolito, nukalaunak, nutemel, ka nuisupete da. (Ipilipin 4:8) Kanu oni aswam ngun ibusakinit oni acoit aitelelio naronon ka ipapero luarokok. (Awaragasia 13:20) Ibusakinit bobo oni aomoom eringa inera. Koomoom epone loepedoriata luce aipup kanu akirokon. Ebala Ebaibuli ebe: “Ejai loisudi akiro kwape aicum kekileng; konye [itangaleuni] angajep naka lukacoa.”​—Awaragasia 12:18.

 KISISIAU NUIPU

4. Kitikok akoningajep

Imina oni kere alimun akiro nueinakinete oni ekaulo aomoom ebe korai mam alimunite da. (Yakob 3:2) Kosiom Igalatian 5:22, 23, kosodete aimor aingiseta nuta:

• Ani bo kotoma oponesio kalu ipedori ijo ailip Yawe kanu aingarakin ijo aitikokin angajepekon? Epone ani ingarakiniata iponesio ngul ijo?

Kosiom 1 Ikorinton 15:33, kosodete aimor aingiset nata:

• Epone ani eraunia einerikon loeupanara keda aitelelio ka ipapero luiseuni ijo?

Kosiom Ekalimonokinan 3:1, 7, kosodete aimor aingiset nata:

• Ani bo apak naibusakinitor aililing arai bo aidarekin apak naibecokina kanu einer?

 5. Kiner nuejok nuikamunitos luce

6. Kitodunite asianut nainerar ijo keda lukokalekon

 NUIDAU AISISIAUN

Epedorete akirowok aingarakin luce arai bo aitakadikin kes. Ekoto ber oni aomoom nulimuno, epone lolimunet, ka apak naebeitor alimun ngun.

Ainyogoor

• Anu bo iwaitin ice luipedoria ijo aingarakin luce kotoma kanuinera ijo?

• Einer loepone ani ikoto ijo aisac?

• Inyo epedori aingarakin oni araut duc luisiaka ka luinera akiro nuedukete?