Yepé maã purangawaá Jeová umeẽwaá yandé arama yapoderi resewara yakuntari. Será importante Jeová supé mayé yakuntari? Yawé supí! (Releri Tiago 1:26.) Ape mayé yapoderi yamurí Jeová yakuntari ramé?

1. Mayé yarikuté yakuntari?

Bíblia umbeu ‘yayumusurí arama yané rumuaraitá irum, asuí yaxari uyukirari puranga pañhe yandé.’ (1 Tesalonikawaraitá 5:11) Remanduári será yepé mira resé uprecisaiwaá ta umusurí aé? Maã repoderi remuñhã kuá mira uyusaã arama puranga xinga? Rexari aé ukuá indé reyupreocupari irupí. Amuramé repoderi rekuntari isikusá purangawaá resé. Indé repoderi reusari yepé Bíblia versículo remusurí arama aé. Aikué siya versículo reparawaka arama. Mayé rekuntari upoderi umusurí u umusasiára amú miraitá. Yawé arama, te ne piaíwa asuí rekuntari purangasá irum. — Provérbiuitá 15:1.

2. Maã ti yapoderi yakuntari?

Bíblia uñheẽ: “Tepexari nyenga puxuwerawa usemu peyuru sui.” (Releri Efezowaraitá 4:29.) Kuá uputari umbeu ti yapoderi yakuntari ñheenga ikiawaá ne puxiwera umusasiárawaá amú mira. Asuí ti yapoderi yakuntari marandúa ne gananisá. — Releri Provérbiuitá 16:28.

3. Maã usú uajudari yakuntari arama puranga?

Amuramé yakuntari maã yamanduári asuí maã yarikú yané piá upé. (Luka 6:45) Yawewaá resewara yarikuté yasikari kirimbá yamanduári maã purangawaá resé, ‘tiwaá ikiá’. (Filipowaraitá 4:8) Ape yarikuté yaparawaka puranga yané rumuaraitá asuí maã irum yasú yayumusarai. (Provérbiuitá 13:20) Yaprecisari yuíri yamanduári puranga yakuntari rundé. Remanduári mayé amuitá ta usú ta uyusaã rekuntari ramé yepé maã. Bíblia umbeu kuayé: “Palavras impensadas são como os golpes de uma espada, mas a língua dos sábios é uma cura.” — Provérbiuitá 12:18.

 REYUMBUÉ PIRI ARAMA

4. Remaã katú rekuntari ramé

Amuramé yakuntari yepé maã ma ariré yayuarrependeri. (Tiago 3:2) Peleri Galasiawaraitá 5:22, 23, ariré pekuntari kuá resé:

• Kuá versículoitá ta umbeu siya rikusá resé uajudariwaá yamaã katú maã irum yasú yakuntari. Mayewaá ta suíwara repoderi repurandú Jeová irum? Mayé kuá rikusaitá ta upoderi ta uajudari indé?

Peleri 1 Korintowaraitá 15:33, ariré pekuntari kuá resé:

• Mayé yané rumuaraitá asuí maã yaparawaka yamusarai arama upoderi umuñhã yatrocari mayé yakuntari?

Peleri Eclesiaste 3:1, 7, ariré pekuntari kuá resé:

• Mairamé puranga yakirirí u yasarú xinga yakuntari arama?

 5. Rekuntari maã purangawaá amuitá resé

6. Rekuntari purangasá irum ne anamaitá irum

 MAÃ REYUMBUÉ

Maã yakuntari upoderi umusurí u umusasiára amuitá. Yaprecisari yamaã katú maã resé yakuntari, mairamé yakuntari asuí mayé yakuntari.

Remanduári arama

• Mayé repoderi reajudari amuitá rekuntariwaá rupí?

• Maã asuí mayé indé ti reputari rekuntari?

• Maã upoderi uajudari yandé yakuntari arama purangasá irum asuí yamusurí arama amuitá yakuntariwaá rupí?