Ho Yekova akusi rani ni, ko afu bawene gamahe furani, nga gu rengbanapai nga ga fugo. Ya mo ko naberã pa wai ani amangasunge na gu gamahe re? Ni rengo, ko naberãha aberã! (Mo gedi Yakoba 1:26.) Waigu rengbe ani ka mangasunge na gu gaani rengbanapai nga ga fugo ngba gu gene nika sa ngbarago ti Mbori.

1. Waigu rengbe ani ka mangasunge na gu gamahe nga ga fugo?

Baibiri nape gupai furani nga ‘oni zúngadi tironi na akuaroni, ki ninyakasi tironi dagba roni yo.’ (1 ATesaroniko 5:11) Ya mo ka mo berẽnga pa agu aboro naida na nyakasaro? Ginipai rengbe mo ka mangaha ka sayo i du wenengai? Mo kido yo nga mo naberã payo aberã. Isoke mo ima rengba ka pe pa gu wene asino mo nabihe tiyo ngba tiro. Ya mo ka mo berẽnga pa veresi mo narengbe ka nyakasa gu boro na ni mo naini ni? Dungu averesi duho mo naima rengba ka sia gu dagbaha yo. Mo tingidi gupai berewe a nga, gu gene mo apepai ngbaha ima rengba ka ngarasa aboro gbe. Si du mo naasada ti aregbo du ka fura wenengai na ngba zezeredi gene.—Asanza 15:1.

2. Gini ngbatunga afugo si aida ani nehe?

Baibiri naya: ‘Ka gbegberẽpai kúru nga ngbaroni yo wa sa ya.’ (Mo gedi AEfeso 4:29.) Gipai re nayugo gupai nga si aidanga ani mangisunge na gbegberẽ afugo watadu kaa zizinga na kaa peka afugo tipa si imisi kura boro te. Si naida a ani ne gumbarimo gbiati ziree.—Mo gedi Asanza 16:28.

3. Ginipai nika undo rani ani naapeka agu apai rengbe ka ngarasa aboro?

Agu apai ani afura tipaha dedede nayugo boro gupai nzunzu du ngbadurani yo watadu berãrani yo. (Ruka 6:45) Si naida ani raba tirani kaa berã kurii agu apai du ni wenehe—nga agu apai du ni ruruhe, agu apai du ni wenehe, na agu apai rẽ i fu tambuahe ti ni. (AFiripoio 4:8) Tipa ka berãkurii gi wene apai re, si naida ani sia gaani aũzambuasitise gbiati abakurearani rogo tatamana yo. (Asanza 13:20) Si nipa undo a ka dia regbo ka berã mbata fu ani fura. Mo berẽpa wai gamo afugo narengbe kadu na sangbanaha kurii kura aboro. Baibiri naya: ‘Gba sa fugo wa kina baso sa rũ he, ono mirã iratatamana nafu husa.’—Asanza 12:18.

 MO WIRIKI KURA DUNGU APAI

4. Mo du na zatise rogo gamo afugo yo

Ti kura aregbo, ani dunduko ni naagumba agu afugo agumba ani aye ka bira tirani kusa ti ni. (Yakoba 3:2) Mo gedi AGaratio 5:22, 23, na tifuoho, mo ki sakipai tipa agi asanahe re:

• Gini sino dagba agi asino re rengbe mo ka kpara tipa ha si undo ro mo du na zatise rogo gamo afugo yo? Waigu rengbe agi asino re ka undo ro?

Mo gedi 1 AKorindo 15:33, na tifuoho, mo ki sakipai tipa gi sanahe re:

• Gini maapai kurii rengbe gamo siapai nga ga abakure gbiati aũzambuasitise kadu na ni kurii gu gene mo afura ngbaha?

Mo gedi Batungusipai 3:1, 7, na tifuoho, mo ki sakipai tipa gi sanahe re:

• Gini regbo si narengbe ka du ni pa tatamana ka onga watadu ka sungudo tipa wene regbo ka fura?

 5. Mo fura wenengai bara kura aboro

6. Mo du na nunga ho mo afura ni fu gamo aborokporo

 GINIPAI MO NAWIRIKIHE?

Afugo ima du na ome ti ni gbe. Si naida ani berẽ wenengai tipa gupai ani aida ka pehe, gu regbo ani ka pehe ti ni, na wai ani ka pehe.

Fugöpai

• Gini bete agene rengbe mo ka mangasunge na afugo ngbaha tipa ka undo kura aboro?

• Gini ngbatunga afugo si aida mo nehe?

• Ginipai rengbe ka undo rani dedede ani naafura ngba wene gene na kini nyakasi aboro rogo gaani afugo yo?