Órni Jehová bisaʼ lóono, bidudybu toib galrrascad rodann lóono: labúu ranino. ¿Rasacni par láabu mod raquiinno galrrascad reʼ la? ¡Scú láani! (Bíil Santiago 1:26). Per ¿ximod guiquiinno galrrascad reʼ par coʼ nakitno xcalnabany Jehová?

1. ¿Ximod labúu guiquintzayno galrrascad reʼ ni bidudy Jehová lóono?

La Biblia ná: «Colgony animar né colgacné saʼto par niʼsto» (1 Tesalonicenses 5:11). ¿Rimbulo toibtica buñ ni raquiin galrracné la? ¿Noʼ ni labúu gonylo par guisacbu sacró la? Bislooy que nigolú ronladxlo láabu. Labúu gaibylo láabu cós sacróyen ni ronybu. ¿Rasetnaladxlo toibtica texto ni sieed ló la Biblia ni labúu gony animar toibtica buñ ni rimbulo la? Noʼ xidal textos ni labúu guiquiinlo. Láaca bisetnaladx que diitz ni raquiinlo né mod raniʼlo labúu gacnéni stipnés. Por ngú guirá ór, órni guiniʼlo biquiin diitz nadaʼa (Proverbios 15:1).

2. ¿Xí clas diitz diti non guinino?

La Biblia ná: «Diti guireʼ roʼto ni toib diitz nayotz» (bíil Efesios 4:29). Ndeʼ radudy diitz que diti non guinino diitz yox, diitznaa nili guiquiinno diitz ni gonynaa a stipnés. Láaca diti non guinino chisme nili guinino ni diti nigolú de stipnés (bíil Proverbios 16:28).

3. ¿Xí sacné lóono par guinino cós tzaay de stipnés?

Casi guirá ór ni ranino raslooyni ni ronyno pensary né ni rasacno (Lucas 6:45). Por ngú non guiaʼno gonyno pensary ló cós tzaay, ndeʼ radudy diitz gonyno pensary ni nac xinésni ni nayaa, ni labúu gonyxiroʼ buñ né ni nap galrronladx (Filipenses 4:8). Par labúu gonyno láani non cutzayno xi galnakit gonyno né guiyopyno xi clas buñ gac ximigno (Proverbios 13:20). Nír gonyno pensary xi guinino. Láaca buny pensary ximod labúu gacné guirá ni guiniʼlo. La Biblia ná: «Diitz ni cuenunysi rareʼ roʼ buñ nacni suusi toib espad órni riaʼis, per loch buñ ni noʼ xcalrrien rasialni herid» (Proverbios 12:18).

 NANOY GUISUIDYNO LÁANI

4. Gop cuidad né ni raniʼlo

Guiráno ranino toib cós né después rac arrepentirno (Santiago 3:2). Colgoʼol Gálatas 5:22, 23 né colgooy xtiitzni:

• Par gaplo cuidad ni raniʼlo né ximod raniʼlo, ¿xí cualidades ni bitlaa ló versículos reʼ nanablo Jehová? ¿Ximod labúu gacné guirá cualidades reʼ looy?

Colgoʼol 1 Corintios 15:33 né colgooy xtiitzni:

• Clas buñ ni radzaklo né galnakit ni ronylo, ¿labúu gacnéni looy mod guiniʼlo la? ¿Ximod?

Colgoʼol Eclesiastés 3:1, 7 né colgooy xtiitzni:

• ¿Pu ór diti non guiniʼlo o cuéslo toib tiemp más galán par guiniʼlo?

 5. Goniʼ sacró de stipnés

6. Goniʼ diitz nadaʼa órni guininélo xfamilo

 ¿XÍ BISUIDYLO?

Diitz napni xiroʼgolu galnadip. Non gonyno pensary xi guinino, pu ór guinino né ximod guinino láani.

Repas

• ¿Ximod labúu naquiinlo xtiitzlo par gacnélo stipnés?

• ¿Xí clas diitz diti non guinino?

• ¿Xí láani sacné lóono guinino cós tzaay né diitz nadaʼa?