Itini i lafa caˈedong, o cecacecay tamdaw iraay ko kaolahan no niyah. Ano dofdofen ita ko safalod no Fangcalay Cudad i, wa ngaˈay paihkal to sakakapah no niyah, wa ngaˈayho palipahak ci Yihofaan. Oniya fedengan sinanoten ita ko pina a safalod.

1. Itini i lafa ato caˈedong, o manan safalod no Fangcalay Cudad ko sasinanoten ita?

O caˈedong ita i, ‘sanengseng a matatodong, paihkal to tanoktokay a harateng,’ ato koracen a misolimet ko niyah, mihaen paihkalay to ‘o mihodopay to Kawas’ a tamdaw kita. (1 Timoti 2:9, 10) Nengnengen ita ko sepat a safalod: (1) ‘Patatodongen’ ko caˈedong. Mahecad to maˈaraway iso i kasaˈopoan, o finawlan no Kawas soˈlin caka hecahecad ko lafa ato caˈedong, kawra, paihkalay to mikangodoay to Kawas. (2) ‘Sanengsengen’ ko caˈedong. Tatodong i, aka pakidem pahiyo to niyah anca pasengi to tamdaw a panengneng. (3) Pairaen ko ‘tanoktokay a harateng’ hamaan a patelas sa mitoor to kaolahan no hekal. (4) O lafa caˈedong ita mahapinangay no tamdaw to o ‘mihodopay to Kawas’ a tamdaw kita.​—1 Korinto 10:31.

2. O lafa caˈedong ita samaanay milingat to salikaka hani?

Soˈlin ngaˈay kita mipiliˈ to o manan ko cacaˈedongen, kawra haratengen ko mipiliˈan ita mamilingat to tao alatek. Hamaan miafad to harateng no tao, ao saˈicelen ‘pakahemek ko tao, milifok to epoc, micada to sakowad.’​—ˈOsien ko Loma 15:1, 2.

3. Misinanot to lafa caˈedong wa ngaˈay padama to tao mafanaˈ ci Yihofaan, misamaanay?

Wa misaˈicel kita itini cowa ka hecad a kitiraan patatodong to caˈedong, ano mirienang to saˈopo anca mitosil i, wa sinanoten konini. O lafa caˈedong ita i, ‘paˈdilen ko sapakafanaˈ no milidongay a Tatapangan a Kawas ita,’ ho pakalalok to tamdaw sakafanaˈaw to Fangcalay Cudad, eca ka micona to tamdaw micada to soˈlinay a kimad.​—Titus 2:10.

 CALEPEN MIKADKAD

4. Matatodong ko lafa caˈedong paihkalay to mikangodoay kita ci Yihofaan

Itini i lafa caˈedong, o manan ko haharatengen ita hani? ˈOsien ko ˈOlic 47:2, ikor lengoen ko ilaenoay a salicay:

• Mitaypiyaway to Kawas kita, itini i lafa caˈedong sasinanoten ita ko manan hani?

• Itini i kasaˈopoan pitosilan, mamisinanot to lafa caˈedong ko niyah, mihaiyay kiso han? Misamaanay?

 5. Citaneng a mipiliˈ to caˈedong

Nengnengen ko IKA.

Ano matekesay anca kaemeday a rikoˈ ita, koracen a misolimet, itini i masasiromaay a kitiraan sanengsengen ko rikoˈ. ˈOsien ko 1 Korinto 10:24 ato 1 Timoti 2:9, 10, ikor lengoen ita, hano cowa ka ngaˈay mipiliˈ to ilaenoay masowalay a rikoˈ:

• Sasifod sa patelas ko rikoˈ.

• Kinco:ay ato pakidemay ˈapotoay anca mikayhiday to sakaˈodangaw no harateng a rikoˈ.

Soˈlin cowato midofdof ko Krisciyang to Rikec ni Mosi, kawra wa ngaˈay kita mikitini i sinael cipinang to harateng ni Yihofa. ˈOsien ko Limoˈot 22:5, ikor lengoen ko ilaenoay a salicay:

• O lafa caˈedong no faˈinayan palecad to fafahiyan, o lafa caˈedong no fafahiyan palecad to faˈinayan, hano cowa ka ngaˈay?

ˈOsien ko 1 Korinto 10:32, 33 ato 1 Yohani 2:15, 16, ikor lengoen ko ilaenoay a salicay:

• O lafa caˈedong ita hano cowa ka ngaˈay papiafad to salikaka ato tao hani?

• Itini pikilomaˈan iso, samaanay ko lafa caˈedong no kalo a tamdaw hani?

• O lafa caˈedong nangra matatodongay to palinian no Krisciyang han? Misamaanay?

 KALIMLAAN

Itini i caˈedong ka ciinaneng ko pisaˈosi, wa paihkal to mikangodoay kita ci Yihofaan ato tao.

Lomalen

• Hano maolah ci Yihofa misinanot kita to lafa caˈedong hani?

• Itini i lafa caˈedong, sasinanoten ita ko maanan a safalod no Fangcalay Cudad?

• O lafa caˈedong ita, samaanay milingat to pinengneng no tao ci Yihofaan?