Dang sai sarupa na dihalomohon ganup halak taringot pakkean dohot penampilan. Nang pe songon i, molo taihutton prinsip na adong di Bibel, boi do tapillit pakkean na tahalomohon alai tetap sesuai tu lomo ni roha ni Jahowa. Tabahas ma piga-piga prinsip taringot i.

1. Akka prinsip aha do na boi mangurupi hita mambahen keputusan taringot pakkean dohot penampilan?

Bibel mandok ikkon tapakke do “pakkean na tama mardongan toruk ni roha dohot bisuk”. Jala ikkon ias do pakkeatta asa boi diida halak “na manomba Debata” hita. (1 Timoteus 2:9, 10) Pikkirhon ma opat prinsip on: (1) Ikkon “tama” manang pantas do pakkeatta. Molo diida hamu akka dongan tikki marpungu, marasing-asing do gaya pakkean ni nasida. Alai sian pakkean dohot gaya rambutta, ikkon boi do tarida na tapasangap Debata. (2) Ikkon tarida do ‘na toruk rohatta’ sian caratta marpakkean. Lapatanna unang ma gabe pusat perhatian hita alani pakkeatta, ala paketathu, papendekku manang tarbukka. (3) Ikkon tarida do ‘na marbisuk’ hita sian caratta marpakkean. Lapatanna ikkon masuk akkal do hita. Unang ma torus taihutton gaya pakkean na terbaru. (4) Sian pakkean dohot penampilanta, ikkon tarida do “na manomba Debata” hita. Ikkon boi do langsung ditanda halak sisomba Debata na sittong do hita.—1 Korint 10:31.

2. Boasa ikkon tapikkirhon akka dongan sahaporseaon tikki mamillit pakkean?

Memang, lomotta do mamillit pakkean na songon dia na lao tapakke. Alai ikkon tapikkirhon do boha annon perasaan ni akka dongan mangida gaya pakkeatta. Pasti dang olo hita mambahen terganggu perasaan ni akka donganta. Alai lomo rohatta ‘mambahen las roha ni nasida jala mambahen na denggan lao patoguhon nasida’.—Jaha Rom 15:1, 2.

3. Aha do pengaruh ni penampilanta tu akka halak na so manomba Jahowa?

Memang, ikkon sopan do hita marpakkean ganup tikki. Alai na paling penting, ikkon sopan do hita marpakkean tikki marpungu dohot tikki marbarita. Alana dang olo hita mambahen halak gabe dang fokus tu barita na uli na tapasahat ala mangida gaya pakkeatta. Justru, ikkon berusaha do hita asa gabe lomo roha ni akka halak mamboto taringot Jahowa alani penampilanta. Jala boi ma i “parohon pujian tu akka na diajarhon Debata Sipalua hita”.—Titus 2:10.

 ASA LAM TAATTUSI

4. Molo denggan penampilanta, on patuduhon na tapasangap do Jahowa

Aha do na paling penting na ikkon tapikkirhon tikki mamparrohahon penampilanta? Jaha Psalmen 47:2, dung i bahas ma sukkun-sukkun on:

• Boha do seharusna penampilan ni sisomba Jahowa?

• Menurut hamu, memang porlu do taparrohahon penampilanta tikki marpungu dohot tikki marbarita? Boasa?

 5. Cara mambahen keputusan na denggan taringot pakkean dohot penampilan

Putar ma VIDEO.

Dang soal arga manang mura pakkeatta, ikkon ias do i. Jala ikkon cocok tu dia manang tu kegiatan aha i naeng tapakke. Jaha 1 Korint 10:24 dohot 1 Timoteus 2:9, 10. Dung i bahas ma boasa dang boi tapakke pakkean . . .

• na so ias, na so rapi, manang na terlalu santai.

• na paketathu manang na terbukka.

Nang pe dang taihutton be Patik ni si Musa, alai sian i boi do taboto songon dia cara marpikkir ni Jahowa. Jaha 5 Musa 22:5, dung i bahas ma sukkun-sukkun on:

• Boasa dang boi hita mamillit pakkean na mambahen bawa gabe hira borua manang borua gabe hira bawa?

Jaha 1 Korint 10:32, 33, dohot 1 Johannes 2:15, 16, dung i bahas ma sukkun-sukkun on:

• Boasa ikkon tapikkirhon boha perasaan ni akka halak di lingkunganta dohot akka dongan di huria tikki mangida penampilanta?

• Songon dia do gaya marpakkean ni halak di daerahmuna?

• Menurut hamu, cocok do gaya marpakkean sisongon i tu halak Kristen? Boasa?

KESIMPULAN 

Molo sopan caratta marpakkean jala denggan penampilanta, on patuduhon na tapasangap do Jahowa jala taargai halak na asing.

Tinjauan

• Aha do pengaruh ni caratta marpakkean dohot penampilanta tu Jahowa?

• Akka prinsip aha do na boi mangurupi hita mambahen keputusan taringot pakkean dohot penampilan?

• Aha do pengaruh ni penampilanta tu akka halak na so manomba Jahowa?