Кажне айдемын шке кумылжо, кузе кояш да мом чияш. Келшыше вургемым чияш да тунамак Иеговам куандараш мыланна икмыняр проста библийысе принцип полшен кертеш. Айста нине принцип-влакым ончен лектына.

1. Мом чияш да кузе кояш решенийым лукташ могай принцип-влак мыланна полшен кертыт?

Мыланна «чап[нам] волтыдымо, шинчаш перныдыме да шотан вургемым» чияш кӱлеш. Тыгак тӱжвал тӱсна ару лийшаш. Тыге еҥ-влак Юмылан ӱшанле улмынам ужыт (1 Тимофейлан 2:9, 10). Айста тиде ныл принципым ончен лектына: 1) Мыланна чапнам волтыдымо вургемым чийыман. Очыни, вашлиймаште те ужында: иза-ака-влак тӱрлӧ семын чият, но нунын тӱжвал тӱсышт Юмым пагалымыштым ончыкта. 2) Шинчаш перныдыме вургемым чияш. Тиде теве мом ончыкта: тӱжвал тӱсна вес айдемын сексуальный кумылжым тарватышаш огыл да шуко вниманийым налшаш огыл. 3) Ме модо почеш куржаш она тӧчӧ. Тыге ме шотан улмынам ончыктена. 4) Тӱжвал тӱсна Юмылан ӱшанле улмынам эре ончыктышаш. Тыгела весе-влак чын Юмын служитлышыже улмынам ужыт (1 Коринфян-влаклан 10:31).

2. Мом чияш ойырен налме годым молан мыланна иза-ака-влак нерген шоныман?

Мом чияш кажне шке шона, но тунамак шарныман, кузе тӱжвал тӱсна весе-влаклан влиятла. Ме весе-влакын шижмашыштым шотыш налнена да «лишылналан йӧраш... тудлан мо сай лиеш да мо тудым пеҥгыдемда», тидым ышташ тыршена. (Римлян-влаклан 15:1, 2 лудын лекса.)

3. Кузе тӱжвал тӱсна иктаж-кӧм Иегова нерген шукырак пален налаш таратен кертеш?

Ме кажне случайлан келшен толшо вургемым чияш тыршена. Но кунам вашлиймашыш але служитлымашыш каяш погынена, тӱжвал тӱс шотышто ме поснак тӱткӧ лийнена. Причёскына да вургемна еҥ-влаклан поро уверым колышташ мешайышаш огытыл. Тӱжвал тӱсна еҥым Юмо нерген шукырак пален налаш таратышаш да Юмынан «туныктымыжлан чыла шотыштат поро чапым» кондышаш (Титлан 2:10).

 КЕЛГЫНРАК ШЫМЛЕН НАЛЗА

4. Тӱжвал тӱсна дене Иеговам пагалымым ончыктена

Тӱжвал тӱс нерген азапланаш мемнам мо эн ончыч таратышаш? Псалом 46:3, У Сугынь, 1986 лудын лекса да вашмутым пуыза:

• Ӱмбакына ончен, еҥ-влак Иегова нерген иктешлымашым ыштат. Тидым шарнен, тӱжвал тӱсна шотышто могай решенийым луктына?

• Садиктак мо, могай тӱжвал тӱсна вашлиймаште да служитлымаште лиеш? Молан?

 5. Тӱжвал тӱс шотышто решенийым лукташ мыланна мо полшен кертеш?

ВИДЕОРОЛИКЫМ ончалза.

Кеч вургемна шергакан, кеч уке, тудо ару, чатка лийшаш да случайлан келшен толшаш. 1 Коринфян-влаклан 10:24 да 1 Тимофейлан 2:9, 10 лудын лекса да каласыза, молан вургемна...

• айда лийже да лавыра лийшаш огыл;

• еҥ-влакын уда шонымаш ден шижмашыштым шочыктышаш огыл. (Мутлан, тыгай лийын кертеш, кунам тудо чык пижын шогышо але капым утыждене чараҥдыше.)

Христиан-влак Моисейын законым шуктышаш огытыл, но тиде закон нунылан Иегован шонымыжым умылаш полша. Второзаконие 22:5 лудын лекса да вашмутым пуыза:

• Молан тыгай вургем ден причёско деч кораҥаш кӱлеш, кудыштлан кӧра пӧръеҥ ӱдырамаш гай коеш, а ӱдырамаш — пӧръеҥ гай?

1 Коринфян-влаклан 10:32, 33 да 1 Иоаннын 2:15, 16 лудын лекса да вашмутым пуыза:

• Кундемыштына еҥ-влакын але погынымаште иза-ака-влакын тӱжвал тӱсна шотышто шижмашышт нерген молан ме шонышаш улына?

• Илыме верыштыда могай причёско ден вургем модныйлан шотлалтыт?

• Нунын гыч южышт христиан-влаклан келшен огыт тол манын шонеда мо? Молан?

 ТӰҤ ШОНЫМАШ

Сай тӱжвал тӱсна дене Иеговам да весе-влакым пагалымынам ончыктена.

Ушештарымаш

• Молан Иеговалан садиктак огыл, мом ме чиена да кузе койына?

• Тӱжвал тӱс шотышто решенийым лукташ могай принцип-влак мыланна полшен кертыт?

• Кузе тӱжвал тӱсналан кӧра еҥ-влак Иегова нерген удам але сайым шонен кертыт?