Ovanthu atuho tyina tuti pokuvala no pokulinga vali ovipuka ovikwavo tuhiwe, tuelikalaila. Tyiti umwe ou uhole etyi ou uhole etyi. Ine tyina tuamati pokuvala tulinga etyi Ombimbiliya ipopia, matuhiwa umwe ngetyi muene tuahanda, mahi tupu matuhambukiswa Siovaa. Pahe tutale etyi Ombimbiliya ipopia.

1. Oityi tuna okusoka nawa tyina tuameya pokukoya evi matuvale?

Ombimbiliya yati tuna okuvala ‘monkhalelo yaviuka, yapola pokati, atyimoneka okuti tuna onondunge.’ Tupu tuna umwe okukala tyasukuka tyimoneke okuti tuna “onthilo na Huku.” (1 Timotiu 2:9, 10) Pahe tupopie nawa ovipuka ovio vikuana: (1) Apeho tuna okuvala nawa. Hamwe wetumona-le momaliongiyo okuti onthwe Nombangi mba Siovaa, tyati umwe ou uhole etyi ou uhole etyi. Mahi atuho tuvala umwe nawa, nonohuki mbetu tumbuviukisa nawa. Tulinga tupu ngotyo, omokonda tuna onthilo na Siovaa, Huku yetu tufenda. (2) Okuvala ‘monkhalelo yapola pokati’, tyilekesa okuti katupondola okuvala ovikutu viokulihandesa, no viokulitalesa. (3) Okuvala nonondunge, tyilekesa okuti tyina tuya pokukoya evi matuvale, katupondola okuhetekela vala omihapo viouye. (4) Tuna okuvala umwe nawa atyimoneka okuti tuna “onthilo na Huku.” Tyina ovanthu vetutala vena okutyimona okuti tuvanthu va Huku. — 1 Ova Kolindu 10:31.

2. Evi tuvala vipondola okukalesa ñgeni vakuetu mewaneno?

Munthu na munthu, muene oe wii ovikutu mavale. Mahi apeho tyina tuameya pokuvala, tuna okusoka oñgeni ovikutu vietu mavikalesa vakuetu. Tuna okulikuatehila tuahanumanese vakuetu, mahi atulingi etyi ‘matyivehambukiswa pala ouwa wavo, vakale tyapama.’ — Tanga Ova Loma 15:1, 2.

3. Okuti ovikutu tuvala vipondola okupaka omunthu olusoke luokunoñgonoka Huku?

Apeho tuna okuvala nawa, mahi haunene umwe tyina tukalongesa vakuetu Ombimbiliya, na tyina tuenda komaliongiyo. Omokonda yatyi? Omokonda ine tuvala omapita, ovanthu kamavesuku vali netyi tuhanda okuvepopila. Etyi tuhanda, okuvala ovikutu vikahi nawa, ‘vihiviswa ondongeso Yomuyovoli wetu.’ — Titu 2:10.

 KUHANDE OKUNOÑGONOKA VALI?

4. Tyina tuvala nawa, Siovaa utyimona okuti tuna onthilo nae

Omokonda yatyi tuesukisila okutala nawa evi tuvala? Tangei Salmo 47:2, amutomphola omapulo aa:

• Ine apeho tuhinangela okuti tuatyinda enyina lya Huku, matukoyo ovikutu patyi?

• Ku ove, okuti tyesukisa umwe okutala nawa ovikutu tuvala tyina tuenda komaliongiyo, na tyina tukalongesa vakuetu Ombimbiliya? Oityi wakumbululila ngotyo?

 5. Oityi matyikukuatesako okutala nawa evi movale?

Talei OVIDIU.

Tyilinge ovikutu vietu vilanda onombongo ononyingi, tyilinge vilanda onombongo mbehehi, apeho vina okusukuka nawa. Tupu tyina tuameya pokukoya ovikutu matuvale, nkhele tuna okusoka opi matuende napo. Tangei 1 Ova Kolindu 10:24 na 1 Timotiu 2:9, 10. Tyina muamatange, amutomphola omokonda yatyi otyiwa okuahavale ovikutu:

• viasila, viehetavela okuenda povanthu.

• viatona unene, vimonekela, vipondola okulingisisa vakuetu okusoka kovipuka viasila.

Onthwe hono katuesukisile vali okulinga atyiho Siovaa atumine ova Isilayeli. Mahi kovipuka vimwe atumine ova Isilayeli valinge, oko tutalela oñgeni asoka. Tangei Deuteronômio 22:5, amutomphola epulo eli:

• Hatyiwako okuvala ovikutu viahaimbukisa ine umulume ine umukai mokonda yatyi?

Tangei 1 Ova Kolindu 10:32, 33 na 1 Suau 2:15, amutomphola omapulo aa:

• Ine tumona okuti omunthu umwe mewaneno, oo hamwe umwe pu ava tuelitungaila navo, ovikutu vietu tuvala kavimukalesa nawa, tuna okulinga ñgeni?

• Apa ukala, oñgeni ovanthu vavala?

• Pahe povipuka ovio, okuti pena vimwe viehekahi nawa kovanthu va Huku? Oityi watila kavikahi nawa ku onthwe vanthu va Huku?

 ETYI WELILONGESA

Welilongesa okuti tyina tusoka nawa ku evi matuvale, tulekesa okuti tuna onthilo na Siovaa na vakuetu.

Okupitulula

• Omokonda yatyi Siovaa atalela umwe nawa evi tuvala?

• Onondunge patyi mbuli mo Mbimbiliya una okusoka nawa tyina wameya pokukoya ovikutu movale?

• Ine katusuku nevi tuvala, oñgeni ovanthu mavatale Siovaa?