Разнонэ манушэнди чалёл тэ утидэнпэ по разному и чалёл разно причоска. Андэ Библия исин дэсавэ советоря, савэ поможына амэнди тэ утидаспэ кадя, кай тэ уӷодисарас лэ Дэвлэсти, и кай када тэ чалёл и амэнди.

1. Савэ советоря поможына тэ витидас, сар тэ утидаспэ?

Андэ Библия пистромэ, кай амэ трэбуй тэ утидаспэ вужэс и драго, годяса и тэ авас сэжи, кай па амари ӥда тэ дицол, кай важ амэндэ куч о Дэл (1 Тимофею 2:9, 10). Па кода, сар амэ утидаспэ, трэбуй тэ дицол, кай амэ стас патив по Дэл. Роздиқам май драго кадэла штар советоря. Пэрво, тэ утидаспэ вужэс и драго, кай тэ дицол каринг амэ жас. Андэ собрания ту диқэса, кай всаворэ утидэнпэ по разному, но андэ кода, сар вонэ утидэ, дицол, кай вонэ стон патив по Дэл. Дуйто, тэ утидаспэ годяса сыкавэл, кай амэ на ласа тэ нашас пала кода, кай вся и время тэ утидаспэ модно. Трито, када тэ утидаспэ сэжо, и кай кала авэр диқэна тут, лэндэ тэ на авэн билажавардэ гиндоря. И штарто, па амари ӥда трэбуй тэ дицол, кай амэ предани лэ Дэвлэсти. Амэ камас, кай пар мэндэ тэ дицол, кай амэ служысарас лэ чачунэ Дэвлэсти (1 Коринфянам 10:31).

2. Васо амэ трэбуй тэ гиндосарас пала авэр, кала витидас, сар тэ утидаспэ?

Кажно мануш витидэл екжэно, сар во лэла тэ утидэлпэ. Но во трэбуй тэ гиндой, кай пэр лэстэ диқэна авэр и сар када лэла влиять пэр лэндэ. Амэ на камас, кай кода, сар амэ утидаспэ, тэ авэл проблема важ авэр. Амэ камас тэ уӷодисарас аврэнди андэ лашимастэ, кай тэ подритярас лэн. (Адиносар Римлянам 15:1, 2.)

3. Сар через кода, сар амэ утидаспэ, варико можэт тэ закамэл май бут тэ уӷанэн пала Иегова?

Амэ старысавас тэ утидаспэ кадя, кай тэ дицол каринг амэ жас. Амэ драго диқас, со тэ лас пар мэндэ, кала жас пэ собрания и пэ служэния. Амэ камас, кай и мануша май бут тэ шон сама пэ кода, со амэ росԥэнас, ай най пэ кода, сар амэ утидэ. Амэ камас, кай кодэлэса, сар амэ утидаспэ, тэ дицол «май шукарнэс кода, сости сытярэл амаро Спасителё, Дэл» (Титу 2:10).

 УӶАНАМ МАЙ БУТ

4. Кодэлэса, сар амэ утидаспэ, амэ сыкавас, кай стас патив по Дэл

Васо амэ шас сама пэ кода, сар трэбуй тэ утидаспэ? Адиносарам Псалом 47:2 и подам дума пала вопросоря, савэ май тэлэ.

• Сар кода, сар амэ утидэ, сыкавэла, кай амэ лэ Иеговастирэ служытеля?

• Важно када чи най, сар амэ утидэ пэ собрания и пэ служэния? Васо ту кадя гиндос?

 5. Со поможыя годявэрнэс тэ витидас?

Диқам о ВИДЕО.

Кучутни амэндэ ӥда чи най, када най само ӷлавно. Ӥда трэбуй тэ авэл вужи, сэжо и тэ поджал каринг кода, кай амэ аваса. Адиносарам 1 Коринфянам 10:24 и 1 Тимофею 2:9, 10 и подам дума, васо амари ӥда трэбуй тэ авэл:

• акуратно и вужи,

• фартэ тэ на обцырдэл, тэ на авэн латар билажавардэ гиндоря и тэ авэл сэжо.

И христианоря на ритярэн лэ Моисеёско законо. Но вонэ бут со ӷанэн андар лэстэ пала кода, сар гиндой о Иегова. Адиносарам Второзаконие 22:5 и подам дума пала вопросо, саво май тэлэ.

• Васо трэбуй тэ на утидаспэ и тэ на авэл амэндэ кацави причоска, кай на полэса мурш када чи жувли?

Адиносарам 1 Коринфянам 10:32, 33 и 1 Иоанна 2:15, 16 и подам дума пала вопросоря, савэ май тэлэ.

• Васо амэ трэбуй тэ гиндосарас, кай кода, сар амэ утидэ, тэ на холярэл лэ манушэн андэ собрания или котэ, кай амэ жувас?

• Сави мода и савэ причоски чалён лэ манушэнди котэ, кай ту жувэс?

• Сар па тирятэ, всаворэ вонэ поджан важ и христианоря чи най? Васо ту кадя гиндос?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, сар кодэлэса, сар амэ утидаспэ, амэ сыкавас, кай стас патив по Иегова и пэ авэр мануша?

Сар ту гиндос?

• Васо важ о Иегова важно, сар амэ утидаспэ?

• Савэ советоря поможына амэнди тэ витидас, сар тэ утидаспэ и сави причоска амэндэ тэ авэл?

• Сар кодэлэстар, сар амэ утидаспэ, дицола, со гиндона и мануша пала Иегова?