Ми ваньмы туж пӧртэмесь. Ми пӧртэм дӥськут бырйиськомы, пӧртэм сямен ӵышкиськиськомы. Библия милемлы визь-кенешъёс сётэ, кудъёсыз юрттозы умой быръён лэсьтыны, милям вылтусмы Иеговаез мед шумпоттоз шуыса. Ойдолэ тодомы, кыӵе со визь-кенешъёс.

1. Кыӵе визь-кенешъёс юрттозы милемлы умой быръён лэсьтыны?

Милемлы «йӧспӧртэм, гольтрес» дӥсяськоно ӧвӧл, асьмеды зӥбыт-востэм возёно, мед адӟиськоз, ми Инмарлы оскись адямиос шуыса (1 Тимофейлы 2:9, 10). Ойдолэ пыр-почгес учкомы та визь-кенешъёсты: 1) Милемлы «йӧспӧртэм» дӥсяськоно ӧвӧл. Тӥ адӟиды, дыр, кенешлэн пумиськонъёсаз агайёс но сузэръёс пӧртэм сямен дӥсяськыса лыкто шуыса. Но соослэн дӥсяськемысьтызы адӟиське Инмарез гажамзы. 2) Милемлы «гольтрес» дӥсяськоно ӧвӧл. Милемлы дӥсяськоно озьы, ми шоры учкыса, адямиослэн азон-калгон мылкыдзы медаз пуромы но милемлы кулэтэм саклык медаз висъялэ шуыса. 3) Милям дӥсяськеммы возьматыны кулэ, ми зӥбыт-востэм адямиос шуыса. Тыршоно ӧвӧл та дуннеысь адямиос кадь дӥсяськыны. 4) Милям дӥсяськемысьтымы адӟиськыны кулэ, ми Инмарлы оскись адямиос шуыса. Ми шоры учкыса, адямиос мед валалозы, ми зэмос Инмарлы ужаськомы-тыршиськомы шуыса (1 Коринфъёслы 10:31).

2. Малы, дӥськут бырйыкумы, мукетъёсыз сярысь малпаськоно?

Котькуд адями ачиз бырйыны быгатэ, кызьы дӥсяськыны. Озьы ке но, дӥськут бырйыку, малпаськоно, кызьы ми шоры учкозы мукетъёсыз. «Котькудмы асьмеос матысьмылы ӟеч лэсьтыны кулэ», соослы пайда ваён понна но юнматон понна. (Лыдӟе Римъёслы 15:1, 2.)

3. Кызьы милям дӥсяськеммы адямиез Иегова доры вайыны быгатоз?

Ми котьку тыршиськомы ӝикыт дӥсяськыны. Тужгес но сак ми дӥськут бырйиськомы, куке дасяськиськомы кенешлэн пумиськоназ мыныны яке ӟеч иворез вераны. Милям уг поты, дӥсяськеммы адямилы ӟеч иворез кылзыны мед люкетоз шуыса. Милям потэ, вылтусмы «Инмарлэн, Утисьмылэн, дышетонэзлы» дан мед ваёз но адямиос Иегова доры мед лыктозы шуыса (Титлы 2:10).

 МУРГЕС ЭСКЕРЕ

4. Ӝикыт дӥсяськыса, ми Иеговаез гажаммес возьматӥськомы

Кыӵе валтӥсь мугез, малы ми чакласькомы, кызьы ми дӥсяськиськомы но кыӵе милям вылтусмы? Лыдӟе Псалтирез 46:3 но та юанъёслы валэктонъёс сётэ:

• Ми Иеговалэн ужась-тыршисьёсыз бере, кыӵе милям дӥськутмы луыны кулэ?

• Кулэ-а чакланы, кызьы ми дӥсяськемын, кенешлэн пумиськонъёсаз мыныку но ӟеч иворез вераку? Малы тӥ озьы малпаськоды?

 5. Мар юрттоз бырйыны

Учке ВИДЕОРОЛИКЕЗ.

Дуно-а дӥськутмы, ӧвӧл-а, со чылкыт но ӝикыт луыны кулэ но тупаны солы, кытчы ми мынӥськомы. Лыдӟе 1 Коринфъёслы 10:24 но 1 Тимофейлы 2:9, 10 но вералэ:

• малы милям дӥськутмы кырсь но ӝикыттэм луыны кулэ ӧвӧл;

• малы дӥськутмы луыны кулэ ӧвӧл азон-калгон мылкыдэз пуромытӥсь (кылсярысь, туж вакчи яке туж сюбег).

Али христианъёс Моисейлэн законэзъя уг уло. Но со закон юрттэ валаны Иеговалэсь малпанъёссэ. Лыдӟе Кыкетӥ Законэз 22:5 но та юанъёслы валэктонъёс сётэ:

• Малы нуллоно ӧвӧл сыӵе дӥськут, кудӥз пиосмуртэз кышномуртлы укшась каре, нош кышномуртэз — пиосмуртлы? Малы пиосмуртлы йырсизэ кузь будэтоно ӧвӧл, нош кышномуртлы пиосмурт кадь ӵышкиськоно ӧвӧл?

Лыдӟе 1 Коринфъёслы 10:32, 33 но 1 Иоаннлэсь 2:15, 16 но та юанъёслы валэктонъёс сётэ:

• Малы малпаськоно котырысьтымы адямиос сярысь но кенешысь агайёс но сузэръёс сярысь, куке бырйиськомы, кызьы дӥсяськыны но кызьы ӵышкиськыны?

• Кызьы ӵышкисько но кыӵе дӥськут нулло тӥ палан улӥсьёс?

• Кызьы тӥ малпаськоды, умой луоз-а, христиан мурт соос кадь дӥсяськиз но ӵышкиськиз ке? Валэктэ.

 ТОДЭ ВАЁН

Вылтусмы но, дӥськутмы но Иеговалы ярамон ке, озьы ми Инмарез но котырысь адямиосыз гажаммес возьматӥськомы.

Мае тон тодӥд?

• Малы, дӥськут бырйыкумы, Иеговалэсь малпанъёссэ лыдэ басьтоно?

• Кыӵе визь-кенешъёс юрттозы милемлы бырйыны, кызьы дӥсяськыны но кызьы ӵышкиськыны?

• Быгатэ-а со, кызьы ми дӥсяськиськомы, юрттыны яке люкетыны адямилы Иегова доры лыктыны? Валэктэ.