Һәммимизниң өзүмизгә яриша кийиниш вә ясиниш арзу-истәклири бар. Әгәр Муқәддәс китапниң бирқанчә аддий принциплириға әмәл қилсақ, өзүмиз яқтуридиған кийим-кечәкни кийәләймиз вә Йәһваниму хошал қилалаймиз. Бу принципларниң бәзилирини көрүп бақайли.

1. Кийиниш вә ясиниш мәсилисидә қайси принципларға әмәл қилишимиз керәк?

Кийинишимиз мувапиқ, әхлақлиқ вә ой-пикирдә сағлам болғанлиғимизни һәмдә пакиз ташқи қияпитимиз Худа йолида маңған киши екәнлигимизни дайим көрситиши керәк (Тимотийға 1-хәт 2:9, 10). Бу төрт принципни көрүп бақайли: 1) Кийинишимиз мувапиқ болуши керәк. Җамаәт жиғилишлирида байқиған болсиңиз, Йәһваниң хизмәтчилири бир-биридин пәриқлиқ кийиниду. Кийим-кечәк вә чач фасонлиримиз өзүмиз ибадәт қилидиған Худани һөрмәтләйдиғанлиғимизни көрситиду. 2) Әхлақлиқ ташқи қияпәт дегинимиз башқиларниң шәһваний арзу-һәвәслирини қозғайдиған яки диққитини җәлип қилидиған кийиниш вә ясиништин сақлинишни билдүриду. 3) Биз һәрбир кийиниш вә ясиниш услуб лириға әгәшмисәк, ой-пикирдә сағлам екәнлигимизни көрситимиз. 4) Ташқи қияпитимиз бизниң Худа йолида маңидиған киши екәнлигимизни һемишәм ениқ көрситиши керәк. Шундила башқилар бизниң һәқ Худаға ибадәт қилидиғанлиғимизни көрәләйду (Коринтлиқларға 1-хәт 10:31).

2. Ташқи қияпитимиз етиқатчи қериндашлиримизға қандақ тәсир қилиду?

Гәрчә немә кийишни таллаш әркинлигимиз бар болсиму, ташқи қияпитимиз башқиларға қандақ тәсир қилидиғанлиғи тоғрилиқ ойлишимиз керәк. Биз пүтүн күчимиз билән һечкимни рәнҗитмәй, бәлки «өз йенимиздикиниң пайдисиға уни мустәһкәмләш үчүн, разилиғини» тепиш үчүн тиришимиз (Римлиқларға 15:1, 2ни оқуң).

3. Ташқи қияпитимиз башқиларни Йәһва һәққидә билим елишқа қандақ җәлип қилалайду?

Биз һәрбир сорунға мувапиқ кийинишкә тиришимиз, болупму җамаәт жиғилишлириға вә вәз хизмитигә қатнашқанда кийинишимизгә алаһидә әһмийәт беримиз. Ташқи көрүнүшимизниң кишиләрни һәқиқәтни қобул қилиштин тосуп қоюшини әмәс, бәлки уларни һәқиқәткә җәлип қилип, Қутқазғучимиз Худа тоғрисидики тәлимләрни зенәтлишини бәк халаймиз (Титқа 2:10).

 ЧОҢҚУРИРАҚ ҚЕЗИҢ

4. Мувапиқ ташқи көрүнүшимиз Йәһвани һөрмәтләйдиғанлиғимизни көрситиду

Ташқи қияпитимизгә көңүл бөлүшимизниң әң муһим сәвәви немә? Зәбур 47:2ни оқуң, кейин төвәндики соалларға җавап бериң:

• Башқиларниң Йәһваға болған көзқаришиға ташқи қияпитимиз тәсир қилидиғанлиғини есимиздә тутсақ, қандақ кийинишни қарар қилимиз?

• Сизниңчә, җамаәт жиғилишиға вә вәз хизмитигә қатнашқанда ташқи көрүнүшимизгә диққәт қилиш немә үчүн муһим?

 5. Қандақ кийиниш вә ясинишни таллашқа немә ярдәм берәләйду?

ВИДЕОНИ көрүң.

Кийим-кечәклиримиз әрзән яки қиммәт болушидин қәтъийнәзәр, улар пакиз вә мәлум сорунға мас келиши керәк. Коринтлиқларға 1-хәт 10:24 вә Тимотийға 1-хәт 2:9, 10ни оқуң. Кейин төвәндики соалларни муһакимә қилиң:

• Немә үчүн паскина, рәтсиз вә һәддидин зиядә әркин-азадә кийиништин сақлинишимиз керәк?

• Немә үчүн тар, бәдәнгә йепишип туридиған, очуқ яки башқиларниң җинсий һәвисини қозғайдиған кийимләрни киймәслигимиз керәк?

Гәрчә Әйса Мәсиһниң әгәшкүчилири Тәврат қануни астида болмисиму, бирақ шу қанунлардин Йәһваниң ой-пикрини чүшинәләйду. Қанун шәрһи 22:5ни оқуң, кейин төвәндики соалға җавап бериң:

• Немә үчүн әрләр аялларға яки аяллар әрләргә охшаш кийиниш яки ясиништин сақлинишимиз керәк?

Коринтлиқларға 1-хәт 10:32, 33 вә Йоһанниң 1-хети 2:15, 16ни оқуң, кейин төвәндики соалларға җавап бериң:

• Ташқи қияпитимизниң җәмийәттики яки җамаәттики бәзи кишиләрниң көңлини рәнҗитип қоюшидин сақлинишимиз немә үчүн муһим?

• Сиз яшаватқан йәрдә қандақ кийиниш вә ясиниш услуби кәң тарқалған?

• Сизниңчә, уларниң қайси бәзилири Мәсиһ әгәшкүчилири үчүн мас кәлмәйду? Немә үчүн?

 ХУЛАСӘ

Қандақ киийниш вә ясинишқа қарита тоғра қарарларни чиқарсақ, Йәһваға вә башқиларға болған һөрмитимизни ипадиләймиз.

Тәкрарлаш

• Немишкә кийиниш вә ясинишимиз Йәһва үчүн муһим?

• Кийиниш вә ясинишқа қарита тоғра қарар чиқиришимизға ярдәм беридиған қайси бәзи принциплар бар?

• Ташқи қияпитимиз башқиларниң пак ибадәткә болған көзқаришиға қандақ тәсир көрситәләйду?