არძას მიღნა უფლება გიშებგორათ, მუს მიკიფქუნანთ დო მუნერ გარეგნობა მაღვენუნა. მუსხირენ მარტივ ბიბლიურ პრინციპის ქიმვაჸუნუთ-და, შემალებენა მუთ მობწონან თინა მიკიფქუნათ დო იეჰოვას ხოლო გუხარათ გურ. მორთ გუვარჩუათ ნამთინე პრინციპ.

1. ნამ პრინციპეფ მიმეხვარებნა, გეგნობჭყვიდათ, მუნერო მიკიფქუნათ?

ჩქი ოკო მიკმოქუნდან „მოკრძალებურო დო გონივრულო გიშაგორილ წესიერ“ მიკაქუნალ დო ირიათო მოწესრიგებულო ვორდათ, ნამდა იძირედას ჩქინ ღორონთიშ მოშიშება (1 ტიმოთე 2:9, 10). გუვარჩუათ ოთხ პრინციპ: 1) მიკაქუნალ „წესიერ“ ოკო რდას. მუჭოთ უკვე კრებაშ შეხვალამეფს ძირით, იეჰოვაშ მოწმეეფს შხვადოშხვანერ გემოვნება უღნა, მარა ჩქინ მიკაქუნალ დო თუმაშ სტილ განადიდენს იეჰოვას. 2) „მოკრძალებურო“ მიკოქუნა ნიშნენს, ნამდა მიკაქუნალ ვართ გამომწვევ ოკო რდას დო ვართ ზედმეტ ყურადღებას იქციენდას. 3) „გონივრულო“ იფქციებუთ, მუჟამსით ვა მეპჸუნთ არძანერ სტილს დო ვართ თის, მუთ მოდას რე. 4) ჩქინ გარეგნობაშე ირიათო ოკო იძირედას ღორონთიშ მოშიშება, მუშენდა შხვეფქ ქოძირან, ნამდა ჭეშმარიტ ღორონთის ვომსახურუთ (1 კორინთელები 10:31).

2. მუჭო შილებე ჩქინ გარეგნობაქ იმოქმედას თანაქრისტიანეფშა?

მართალ რე, მიღნა თიშ თავისუფლება, გიშებგორათ, მუს მიკიფქუნანთ, მარა ოკო დეფიფქრათ, მუჭო შილებე იმოქმედას ჩქინ გარეგნობაქ შხვეფშა. ჩქი ირნერო ვოცადუთ, ვა ვოწყინუათ მითინ, თეშ მანგიორო ვასიამოვნათ ჩქინ „მოყვასის თიშ საჯგირობუოთ დო გურშა ელაკინალო“ (წეკითხით რომაელეფიშ 15:1, 2).

3. მუჭო შილებე ჩქინ გარეგნობაქ შხვეფს გურჩქინას ღორონთიშ მსახურებაშ სურვილ?

ჩქი ირო ვოცადუთ, წესიერო მიკმოქუნდან, მარა მიკაქუნალს განსაკუთრებულ ყურადღებას კრებაშ შეხვალამეფშა ვარდა მსახურებაშა ულაშ დროს ვაქციენთ. ვა მოკონა ადამიანეფქ ყურადღება მნიშვნელოვან ცნობაშ მანგიორო, ჩქინ გარეგნობაშა გეგნიღან. თეშ მანგიორო, მოკონა, ჩქინ გარეგნობაქ თინეფს ჭეშმარიტებაშ დო „ჩქინ მარსხებელ ღორონთიშ გურაფაშ“ გაგებაშ სურვილ გურჩქინას (ტიტე 2:10).

 ქიგეგით უმოს

4. ჯგირ გარეგნობათ იეჰოვაშ პატიცემას გიმოფხანტუნთ

ნამ არძაშ უმოს მნიშვნელოვან მიზეზიშ გურშენ ოკო მივაქცუათ ყურადღება ჩქინ გარეგნობას? წეკითხით ფსალმუნიშ 47:2 დო უკულ გარჩით თუდო მოჩამილ კითხვეფ:

• ჩქი იეჰოვაშ წარმომადგენელეფ ვორეთ. მუჭო ოკო იმოქმედას თეშ რჩქინაქ თიშა, მუჭო მიკიფქუნანთ?

• ქორენო გონივრულ, უმოს ყურადღება მივაქცუათ ჩქინ მიკაქუნალს, მუჟამსით კრებაშ შეხვალამეფშა დო მსახურებაშა მევურთ დო მუშენ?

 5. მიღით სწორ გადაწყვეტილებეფ მიკაქუნალწკუმა დაკავშირებით

ქოძირით ვიდეო.

ვა უღჷ მნიშვნელობა, ჩქინ მიკაქუნალ ძვირიან რენ დო ვარ, თინა მოწესრიგებულ ოკო რდას დო მეურდას სიტუაციას. წეკითხით 1 კორინთელეფიშ 10:24 დო 1 ტიმოთეშ 2:9, 10. უკულ გარჩით, მუშენ ოკო ვემკიფქუნათ თიცალ მიკაქუნალ, მუნერით რე . . .

• მოუწესრიგებელ ვარდა ნაბეტან თავისუფალ

• გოტკაცილ, ეშაღალირ ვარდა გამომწვევ

მართალ რე, ქრისტიანეფს ამდღა მოსეშ კანონიშ დაცვება ვემეთხიებნა, მარა თევრეშე ჯგირო იძირე იეჰოვაშ შეხედულებეფ. წეკითხით კანონიშ 22:5 დო უკულ გარჩით თუდო მოჩამილ კითხვა:

• მუშენ ოკო ვემკიფქუნათ თიცალ მიკაქუნალ, ნამუთ ოსურკოჩის ქომოლკოჩიშ მეჯინას არზენს დო ქომოლკოჩის ოსურკოჩიშ მეჯინას?

წეკითხით 1 კორინთელეფიშ 10:32, 33 დო 1 იოანეშ 2:15, 16 დო უკულ გარჩით თუდო მოჩამილ კითხვეფ:

• მუშენ ოკო დებინტერესათ, ჩქინ გარეგნობა ხომ ვა გაღიზიანენს მითინს ჩქინ ტერიტორიას ვარდა კრებას?

• მიკოქუნაშ ნამ სტილ რე თქვან ტერიტორიას გავრცელებურ?

• შილებენო თინეფშე ნამთინე მიუღებელ რდას ქრისტიანშო დო მუშენ ფიქრენთ თაშ?

დასკვნა

მუჟამსით მიკაქუნალ დო გარეგნობაწკუმა დაკავშირებით სწორ გადაწყვეტილებეფს ბღებულენთ, თეთ ქოთ იეჰოვაშ დო ქოთ შხვეფიშ პატიცემას გიმიფრჩქინანთ.

გამეორებელ კითხვეფ

• მუშენ რე ჩქინ მიკაქუნალ დო გარეგნობა იეჰოვაშო მნიშვნელოვან?

• ნამ პრინციპეფ მიმეხვარებნა მიკაქუნალ დო გარეგნობაწკუმა დაკავშირებულ გადაწყვეტილებეფიშ მეღებას?

• მუჭო შილებე იმოქმედას ჩქინ მიკაქუნალ დო გარეგნობაქ შხვეფიშ დამოკიდებულებაშა ჭეშმარიტებაშ მიმართ?